ضحك بصوت وهو يستهزء: لتخاف ما اقرب عليها
دحك علية بحقد: اي ست نيلان شجابج وخلانه نشوفج
باوعت علي بحقد واستصغار : جيت ع رسلان
حط ايده ع وجهة بتفكير: دقيقة قصدج اللي تزوج عليج باوع ع رسلان: اعذرني ما كدرت اجي واباركلك
الف الف مبروك
رسلان بحقد: الله لا يبارك بيك ولا باهلك
باوع ع رسلان بصدمة: تؤتؤتؤ ما اتوقعتها منك قصدك هم لا يبارك بمرتك
تنهد بضيق: متنحسب عليكم تنحسب علية
ضحك بصوت عالي: مع الاسف شايلة دمنا
باوعتلة بكراهيه: اخذو هالدم وريحوني ذبحتوني بي ياريتني ما جنت من دمكم
: ههههههه مع الاسف انتي منا وبينا ولو يصير اشيل الدم البيج ما قصرت بس يلا مجبورين عليج ويكفي انو تبرينه منج
هزيت براسي ودموعي نزلت: اني اللي متبرية منكم مو انتو الما شالني واني بعز ضعفي ميشرفني يكن الي باي صلة وهسه تردون تقتلون رسلان صدكني اي شي يصير علي ما ارحمكم وكتها تشوفون منو نيلان وصل خبر حتى لابوك
ضحك بصوت عالي: والله ضحكتيني من كلبي صايرلج صوت وين اللي جانت ما يطلع صوتها وخبر حتى لابوك ليش مو هو نفسو ابوج
صحت بصوت: كتلك ممتبرية منكم كلكم
فتحت الباب وركبت صحت لرسلان اركب
كلة قبل لا يركب: ,صدكني ما راح اسكت ع اللي صار كله واردلكم كلشي ضعف اللي صار بية
ركبنا ومشينا واني دموعي ما وكفت
وصلته ع البيت: انزل الله يخليك اني راح اطلع لتركيا واحتمال رجعتي لهنا قليل
هز راسة: هلكد بايعتني
التفتت علي وتنهدت: عن يابيع تحجي والله تعبت اهلي من جهة وانت من جهة وشغلي من جهة كلشي جان بمكانة فجاءة كلشي تخربط انت تدري كم مرة انكتلت وبقيت عايشة احارب علمودك وتكلي بايعتني منو باع منو
انزل الله يخليك
: زين بس نامي هنا وباجر روحي
ابتسمت صفح: ومرتك وامك اتجاهلهم لو شنو الوضع
: نطلع للغرفة ونتعشا وراها انام اثنينه تعبانين وباجر وراج طريق واني تدرين اليوم جان تعب النه
: لتجبرني اكعد يم احد صدكني اعوفك واطلع لو الدنيا فجر
ابتسم: انتي بس ابقي يمي ما اريد احد يمي
باوعتلة بحب بكلبي صحت اخ لو تدري شكد اتمنى ابقى يمك بس تنهدت ونزلت: السيارة احطها بالمطار وخلي احد ياخذها
: اني اوصلج لا تفكرين بشي
وصلت يمه وحط ايدة بايدي
وصرنه نمشي سوة فتح الباب ودخلنا اجمي امه ومرته بسرعه
امه شافتني: استغفر الله بصوت ناصي وهيه تسمعنا هاي شجابها
مرته اجتي ملهوفة: شلونك شلون صرت
باوعتلها بغيرة
هو جان يباوع علية وكاتم الضحكه
صاح: بتول العشا جاهز؟
جتي مساعدة اول مرة اشوفها: اي جاهز تريد اجيبه هنا لو للغرفة
باوع عليه وابتسم: لغرفة نيلان
ورجاءا ممنوع احد يدخل للغرفة
هزت راسها بنعم: تأمر وراحت
احنا رحنه للغرفة
هو تمدد واني بديت افتر بالغرفة ارجع بالذكريات ونزلت دموعي
غمض عيونه وهز راسة؛ شكد تبجين
لويت حلكي بوجع: شكد جنه مرتاحين ليش هيج صار بينه
حجه متردد: احجي بس متتضايقين
هزت راسها: ادري راح تكلي انتي اللي رحتي
بس الصدك اني رحت لانو فعلا مجنت حاسة بالامان واللي صار كسر ظهري
اوعديني الموضوع منفتحه بعد اللي صار مجان بايدنا وراح اصلا
التفتت علية بدموع: بس هذا روح مني جان
كعد وهو يتوجع.: لو جان خير جان بقى والحمد لله راضي باللي صار ارضي ينيلان الراح مراح يرجع خلينا نفكر باللي جاي
فرت وجهه وهيه تتذكر كلشي وتبجي
اندك الباب صاح ادخل
دخلت بتول: الاكل
هز راسة حطي هنا
حطته صاح لنيلان تعالي اكلي
هزيت راسي : ما اريد راح انام
طلعت بتول
صاحلي تعالي
هزيت اجتافي: ما اريد اريد غرفة انام بيها ما انام هنا
رفع حاجبه: وهيه بكيفج
عاندت: اي واذا ما لكيت غير غرفة اطلع للفندق
باوعلي ومسح وجهة: استغفر الله امشي نروح لغير غرفة
باوعتلة: بس ما اريدك يمي
باوعلي بعجز: ترا موتيني شلون متريديني
باوعتلة واني ميته غيرة: خل اصيحلك مرتك الثانية اتدير بالها عليك
ضحك: وتصيحين نا اغار لتخافين اصلا وحدي انام هنا دائما مو شي جديد
باوعتلة بجدية: رسلان جديات ما اريد انام يمك شوفلي غير غرفة لو اروح لفندق
: استغفر الله رفع تلفونه واجتي بتول ودتني لغير غرفة
وفعلا ما طولت دقايق وغفيت لي ثاني يوم كعدت وحان نايم يمي ابتسمت: ايمت اجا هنا يمكن من التعب ما ادري بي
كمت لبست هدوم اخذتها من غرفتي القديمة واني جا اطلع سمعت احد بالغرفة الثانية ما اهتميت واستوقفني الكلام
: اصلا مو هيه راح تمشي عمة كلتلي اني عاد انطي اللي كلتيلي علي
......
: لا علمتني ام عباس شنو اسوي
.......
: يمعودة ما شفتي البارحه شلون يباوعلها
صاح رسلان بصوت عالي نيلان
رجعت للغرفة واني اريدة يسكت
باوعت علية بمعنى شكو: همزين ما رحتي جنت اريد اوصلج
باوعتلة احتاريت اكلة لو اسكت
قررت...
حسابي ع الانستا j0j1.2
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
