نيران رسلان

البارت الرابع عشر

البارت الرابع عشر

جانت نظراتو الي غريبة ابتسم مجاملة: السلام عليكم
فتحت الباب:وعليكم السلام تفضل
باوعت لرسلان شوي ويطك اشرتلة بعيوني هدي
كعد وهو يكول: ما شا الله خوش بيت
ابتسمت مجاملة بس اكو وجع بكلبي

كعدت وكعد رسلان
رسلان: شعندك جاي
باوعلة باستهزاء: اعتقد بيت بنتي

ضحك بصوت عالي: اي بنية ما اذكر  مرة همتك وسألت عنها هيه مرة ودفعت ثمنها نيلان اشهر انت تدري شصار وراها
شهور وهيه تتعالج واني وياها اتعذب اشوفها ذبلانه وما بيدي شي لانو ابوها السبب هسه تذكرت عندك بنية

رد علي بقسوة: هالي بيني وبينها انت ما الك دخل اكدر هسه اخليها تتطلك منك ابساطة واخذها
ضحك رسلان بصوت: والله ضحكتني من كل كلبي تصدك اني تمنيت اشوف ابوتك بس كل مرة تفشلني وما اشوف ذرة ابوة حتى ولدك ليمك معاملهم معاملة مصلحه لو ما ولد يشتغلولك ويجيبولك فلوس انت متعترف بيهم حتى بناتك اللي بقيتهم يمك خليتهم يشتغلون خدم وما تنطيهم فلوسهم عن يا ابوة تحجي

رفع ايدة ابوية: مو انت الي تعلمني شلون اتصرف وية ولدي اني حر

رسلان بغضب: مبدأ اني حر تستخدمه بشغلات تخصك انت بس مال تاخذ شغلات تخص غيرك وادمرهم بحجة اني اب هاي ما تخص الحرية انت جا تقيد حرية اشخاص

دحك. علي باستصغار: مو انت اللي تعلمني المبادئ والقيم اني جاي على بنتي اتحمد الها بالسلامة ع طلعتها من السجن

باوعت باستغراب شجاي يصير

رد رسلان: اللي تكول عليها بنتك عاشت يمي اكثر منك ومن ايمت مهتم وجاي تتحمد الها بالسلامة ع اساس ما اعرف انو انت اللي دزيت الحارس يكتلني وانت الي هزمته حتى بس تدخل نيلان السجن
ما اهتزت شواربك وانت تخطط
سكت وانكلبت الوانه
رسلان شافة وعصب اكثر: اطلع منا ولو ما انت جيت تفضح نفسك مجنت اريد اكول لنيلان واي شخص يجي من طرفك والله ما سكت ومو ساكت ع اللي صار بس خلي كلشي بوقته حلو

طلع وهو معصب
باوعت لرسلان وهو يباوع لابوية مستحقرة

ورا ما طلع: ليش ما كتلي

لزمني من اكتافي: سهله احجيلج بس اشوفج مكسورة صعبه اموت الف موته
نزلت دموعي ورجفت شفايفي وتقوست: ليش هيج يسسون بية

حظني وهو يواسي بية: ما كدرو يكسروج لانو جنتي دومج قوية وهمه ميريدون هالشي

رديت بوجع: ليش اني مو بنتهم
: صدكيني محد يهمه بس روحه ابوج واخوانج لو ما هو يوز براسهم يمكن جان شفتيهم يمج بس الحمد لله ع كل شي اذكري الله وخليج قوية
واتذكري مو اني اللي مقويج انتي قوية وايام السجن تثبت هالشي مجنت يمج جنتي وحدج تحاربين
تذكرت شي: زين اذا همه حطوني بالسجن ليش اخوي اجا للسجن
باوعلي: شلون اجا عليج
: والله اجا علية سديم كلي ابوي يكول خل تطلع باسرع وكت
استغرب: ردة فعل ابوج وكلشي اكدلي انو هو اللي دخلج السجن

استغربت ومسحت دموعي: لعد شنو السالفة
تنهد: والله مدري خل اتصرف واشوف

ورا ساعة كاعدين ع التلفزيون اندك الباب

فتح رسلان الباب سمعت صوته عالي: شعندج هنا

رحت يمه واشوفها مرته الثانية كبت بية الغيرة ما سألته شسوا وياها

وكفت ورا كتلها والغيرة اكلتني اكل: شجابج
تعدت رسلان وجتي يمي تبجي: الله يخليج سامحيني اني اسفة غلطت
دفرتها بأيدي: وخري عني تتعاملين وي سحرة وهجمتي بيتي وترديني اسامحج

لزمها رسلان من ايدها: كلها شجابج هنا؟
وخرت ايدة عنها: وخر عنها
باوعلي بصدمة: شبيج ادافعيلها
هزيت راسي: ما ادافعلها بس ما اريدك تلزمها

رفع حاجبه باستغراب

رجعت تبجي وتتتأسف وسامحوني
خابر رسلان ع امن البناية كللهم تعالو اخذوها

راحت وسألني مستغرب: ليش منعتيني الزمها
باوعتلة بقهر: ترا مو بس انت تغار

ضحك: اليوم انتي وابوج ناويين تجلطوني مرة تضحكوني مرة تعصبوني
تخصرت: لا والله لازم ايد مرتك وتريدني اصفكلكم هم وابجي متأثرة ع الموقف

ابتسم وغمز: لا بس حتى تحسين بية من اغار شيصير بية وانتي فطيرة تكضيها مبتسمه لخلك الله

ورا ساعتين جنه نايمين دك التلفون

كام بدل وراد يطلع: وين رايح بهاليل

كام يباوع بعشوائية: امي خابرتني تريدني
استغربت: خير خوما اكو شي

تنهد: مرتي الثانية بالمستشفى
شلت المخدة اليمي وضربته
كتلة روح

هو بقى حاير شيسوي
سويت نفسي رجعت نمت....