البارت الثالث عشر
:جابني الشوك شلونج
باوعت باستهزاء وكعدت بثقة عكس الخوف البكلبي
: الحمد للله بفضل الله زينه
: غريبة كاعدة بالسجن وزينه المهم اجيت اكلج ابوية يكول خل تطلع من السجن باسرع وكت قبل لا نتفضح بين العربان
رفعت حاجب: وليش متتكرمون حظرتكم واطلعوني
ابتسم ابتسامه جانبية: فلوسنا ما تنصرف عليج مع الاسف
هزيت راسي الكلام طعني بس مجبورة ابين قوية ابتسمت: مضطرة ارجع للعزاز رفعت ايدي باي
ومشيت
ظلام هلي
ماعرفو يداووني
سنين انتظرهم ودومهم يردوني
ظلام هلي
ما دروا بحوالي
وبكل فرصة يأذوني
رحعت وكضيت يومي قويت نفسي ما ابجي اول يوم اكملة بدون ما ابجي صح بجيت من اجا مزبان بس من اجا اخوي ورا ما بجيت
بعد اسبوع
جنت عايشة ايامي لا هيه سهله ولا هيه صعبه الحمد لله انفتح الباب صرنا ننتظر ايمت ينفتح حتى واحد بينه يشوف احباب وطول هالمدة جنت اتمنى رسلان يجي
اجاني مزبان مرتين وكلي ترا بدينه بالعلاج بس خايف يرجع لاهله ويخرب كلشي لهالسبب جان حابسة يمه وربعه هجمو علي كم مرة حتى ياخذو بس كدرلهم
المهم انفتح الباب صاحت الشرطية: نيلان **هالمرة فز كلبي معقول رسلان
كتلها نعم
الشرطية: افراج
فرحت ورحت سلمت ع النسوان اللي جانو وياية وتمنيتهم يطلعون
سلمت ع خالة اللي جانت يمي دائما اللي شفتها بالمستشفى وظمتني حيل وبدت تبجي بجيت وياها وحسيت بشعور غريب
طلعت وراها
اجاني سؤال وكتها انصدمت بالواقع اذا طلعت منو راح يستقبلني وين راح اروح رجفت شفايفي ونزلت دموعي خل اكللها ما اريد اطلع وين ترجعين ما ياخذوج فعلا البدون اهل يتيم حتى اذا اهلة موجودين بس مو يمه
الله كريم نكول بس هذا روتين
صح احنه فوك الكاع بس الصدك ميتين 💔💔
مشيت وطلعت انفتح الباب وطلعت منه
حسيت روحي بسجن اكبر من اللي جنت بي باوعت عالمكان ماكو احد ذبيت الغراض حطيت ايدي ع وجهي وبديت ابجي حيل
فجأءة حسيت بحظن قوي
: اسف يابعد بيتي اسف ع دموع النزلت بسببي
جنت محتاجته واجاني حظنته قوي وبديت ابجي: وينك ليش عفتني اكلوني
شهك وهو يبجي: اسف والله مجنت بوعيي
: اشتاقيتلك هواي وانكسر ظهري هواي
بعدني عنه مسح عيوني وبعدين مسح عيونه مال راسة وشفايفة ترجف: ياريت ما رحتلج لتركيا مجان صار اللي صار
رفعت عيوني واني ابجي واشهك : شلي بمكان مابي ريحتك
حظني وهو يكول: يبعد رسلان وريحته وعشيرته يروحولج فدوة
اجا مزبان: يمعودين سمطتنا الشمس واكفين بتموز تتباجون والظهر هم قبل عذبو روحكم اني شعلية ناكعيني وياكم
ضحكنا اثنينة
ابتسمتلة: جزاك الله خير ما قصرت وياية صدك شلون طلعت
مزبان: سحبته من كفشته وخليته يتنازل حتى الدعوة فاشلة هيه طلقة ودفاع عن النفس وشو بعده عايش عليمن داخلة السجن
ابتسمت بمحبه: شكرا الك
ابتسم رسلان: اي والله جزاه الله خيرا ما قصر كفو راح ازوجة
مزبان لوة حلكة بضوجه: ناكعيني بهالشمس حتى اذا اكو نتفة بياض صار فحم
ضحكنه علي
رسلان: مشينه ع كيفك ذليتنه
رحنه
مزبان اصر نتغدة يمة رحنه تغدينه وراها رجعنه للشقة ورسلان كل شوي يعتذر
واني اكلة معلي شي ميخالف عاذرتك
لزمت التلفون وطلعت حساب ورد كتلها اني نيلان
وخابرت كبل
فتحت الخط: ست نيلان شلونج
ابتسمت: الحمد لله تمام انتي شلونج
تنهدت براحه: الحمد لله ما تدرين شكد فرحت من قريت المسج ومن فتحتي الخط تأكدت
: يابعد كلبي شخبارج
: الحمد لله ردت اخابرج بس استاذ براق ما قبل يكلي لان تكضيها بجي وما نفتهم
كلت بسؤال:شلونه شخباره
باوعلي رسلان برفعة حاجب ويأشر بايدة منو
ابتسمت وتجاهلته
كلت لورد: دوومه خوما ضايج من الشغل
اججا رسلان حط كتم: عن منو تحجين
ضحكت علي: قصدي ع براق
زعل وراح للمطبخ يشرب مي
كملت كلامي وي ورد
رحت للمطبخ وكفت رم الباب ولفيت ايد ع ايد
ابتسمت: شبيك غرت؟
باوعلي بنظرة جانبية تخوف: لا ما اغار بس ليش تسألين عنه
: لانه باختصار اخ لي حتى من سمع انو اني بالسجن اتصل بية يطمن
انقهر: اتسمعيني عود انت حتى مخابرة ما خابرت
ابتسمت: مو اني الاسمع حجي اني تربات رسلان احجي طك بطك
حاول يخفي ابتسامته: شوكت علمتج
ضحكت: مدري بس تصرفاتك علمتني هواي اشياء
هز راسة: يعني صرتي مثلي مافيا
رفعت كتافي: اسم الله عليمن مافيا عالم محد يحب يدخلة اني من الناس اللي ضدة بس شنسوي
سمعنه صوت الباب
: اني اروح اتوضى واصلي اكيد هذا الدلفري
رحت توضيت وبديت اصلي وادعي
وبجيت هواي ع سجادتي وحسيت براحه
اجا رسلان معصب حيل استغربت كتلة.: شكو شصاير
: تعالي اكو شخص يريدج
ضحكت: منو هالبطران يجي يشوفني
: امشي شوفي بعيونج
نزعت هدوم الصلاة وطلعت
دورت بالصالة
رسلان اشر: يم الباب
رحت يم الباب
انصدمت شكد الزمن يغير الشخص ما يغير بالتصرفات احيانا بالملامح هالمرة اللي جاي اول شخص كسر كلبي
رفعت حواجبي بوجع وكلت: بابا.........
حسابي ع الانستا j0j1.2
أنت تقرأ
نيران رسلان
Lãng mạnفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
