البارت الخامس والعشرين
فتحت عيوني بالمستشفى
راسي ثكيل كثير اسالة براسي اني وين منو جابني هنا ليش اني هنا
باوعت حولي جانت اخت رسلان يمي فزت واجتي يمي: نيلان كعدتي
كوة افتح بعيوني: اني وين
لزمت ايدي: ااا احنه بالمستشفى
باوعت بازعاج: ليش
رجعتلي لذاكرة لضربت مرت اسر حطيت ايدي ع بطني: شلون البيبي الله عليج بعدة عايش
هزت راسها اطمني: الحمد لله باعجوبة بقى عايش تنهدت: صدك ابن رسلان
تنهدت براحه: الحمد لله
رفعت ايدها تحذرني: بس ممنوع تتحركين الطفل نازل هالشي خطر
هزيت راسي: ان شا الله
طلعونه برا المستشفى وام رسلان وخواته وياية ما عافوني
وصلنا للبيت كل وحدة راحت لبيتها بقينه اني وعمه قررت اجيب مساعدة
صارت تهتم بية وبالبيت وحركتي صارت قليلة ام رسلان كل شوي تجي تسالني
مرات اكعد يمها بالصالة
المحامية جابتلي اوراق البيت مال اخواني يمي ووقعتها وصارت الي لبيوت ما اريد انتقم منهم ما الهم سبب بوفاته وغلطت من تسرعت حسبالي همه
اما مرت اسر ادري شنو تملك وقررت ارفع دعوة عليها صح عدها طفل صغير بس محد اهم من رسلان عندي
وفعلا رفعت دعوة والبيت جان كله كامرات ومصورة من كالت اني اللي كتلته
وانحبست كم سنة
اني قررت ارجع لتركيا ماكو شي يربطني بالعراق اذا رسلان ومات
امي كاعدة انتظر اطلع من العدة ويوديني الها مزبان مدري ما ينطيني كلبي بعد هالسنين اعوفها محتارة شلون تصير وية امي يارب تعوضني عن العشته
وكم يوم واطلع من العدة
كعدت يم عمه: عمه اني قررت ارجع لتركيا تجين وياية نشتري بيت صغير ونكعد وكل ما تريدين البيت هذا الي والج ننزل يجون بناتج وتشوفيهم
: والله يا خالة بكيفج هنا مخنوكة ما عندي احد وبنات كل وحدة ملتهيه برجلها وبيتها
تنهدت براحه: يعني اطمن تروحين وياي
هزت راسها: ان شا الله
اجا اليوم الموعود اليوم اللي منتظرته صار. شهور
ماشيين بطريق مو غريب: وين موديني
: هسه مو تريدين تشوفين امج
هزيت راسي: اي
: اسكتي لعد
وسكتت وصلنه سجن
كتلة؛: وين جايبني
كال: امشي وانتي ساكته كلشي تفتهمين جوة
دخلنه وكعدنه ننتظر: يعني امي مسجونه
هز راسة: اي مسجونه لانها قتلت رجلها
ابتسمت: يعني امي قوية
هز راسة: كلش قوية
دخلت المرة اللي شفتها بالمستشفى وجانت وياية بالسجن فرحت انو شفتها ورحت سلمت عليها
بس حظنتني بشكل مبالغ بي وكعدت تبجي وتصيح: وينج ييمة سنين ادور عليج
ما فهمت من كلامها شي جانت تحجي وتبجي
: شلونج خالة
وخرت من حظني وكعدت تبوس بية: شلونج يروحي شلونج اذا. انتي بخير انا بخير
ورجعت حظنتني وتبجي: شكثر تمنيتج يمي واحطج بحظني والوليلج دللول يلولد يبني دلول وامك عليلة وساكنه الجول وجرت حسرة وتبجي
دللول وينك ييمة عايفني عليل بليلي دللول
انصدمت يعني هاي امي شديت لحظنها وجريت حسرة: يعني انتي امي
ضربت راسها: اي ييمة اي طلعتي بنيتي ييمة
واني ابجي واشهك: ييمة ظلموني هواي
ييمة ليش ما خذتيني واشكيلها عليهم وهيه تشكيلي عن بعدي
رفعت ايدها وبستها
جرتها وحظنتني وبجت
ورا ما عدينه كعدنه وهيه لازمتني وكل. شوي تبجي واني ابوس ايدها وابجي وياها
: شلون عرفتيني
: اول ما شفتج تبجين بالمستشفى وحدج كلبي وجعني ما ردت اجيج بس شفت روحي يمج
من اجا ابوج قبل كم يوم كلي ترا بنتج راح تجيج وكلي جانت بالسجن ونطاني اسمج
ومن وكتها اني انتظر الساعة اللي تجين بيها واتخيلج بحظني واشبع من عطرج اللي صارلي سنين انتظرها واكعد ابجي ويلتمون يمي اخوانج واكوللهم اختكم اتمنى اشوفها الحمد لله الله استجاب دعائي وشفتج
دموعي ما وكفت
مزبان: كولو يا الله يا جماعة نيلان ترا مو زين ع ابنج وخالة وصتني عليج قبل لا اطلع يعني انتي امانه بركبتي
هزيت راسي: ان شا الله ميصير شي
امي التفتت الي وابتسمت: حامل؟
ابتسمت وحطيت ايدي ع بطني : الحمد لله صح رسلان راح بس بلكت الله ابنه يبقى الي
ابتسمت وحطت ايدها فوك ايدي: الله يحفظه الج
رجعت بية الذاكرة لرسلان جيت ابجي
بس اني واعدة روحي ما ابجي ما دام هوميريدني ابجي
اجت الشرطية': انتهى وقت الزيارة
باوعت لمزبان
هز راسة: اصلا اخذت وقت زيادة قبل لا نجب وعدتهم هلكد بس
تنهدت: اوووف حظنت امها وبجت
وراحت
رجعو للبيت ونامت من التعب
كعدت ع رنة التلفون
رفعته بدون متقرة الاسم
: الو
: هلا نيلان
باوعت للرقم ممكتوب شي: منو؟
: اني سديم.....
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
