البارت السابع عشر
سكتت عنها خليها تكمل كلامها
: ان شا الله يحرمج من اعز شي عندك ويحرمج من رسلان ومتشوفي بعد
كلبي نعصر من دعوتها: اسم الله يعمه انتبهي من دعوتج احتمال تنكلب غير شي
رفعت ايدهة وكلبها مليان حقد: تستاهلين تنتركين مثل اهلج من تركوج بعمارة متروكة
سكتت عنها جان كلامها باذني وبكلبي يذبحني
شفته جاي ع الدرج ابتسمت حتى ما ابينلة: تفضلي خالة تريكي ويانه هيان رسلان اجا
باوعتلي بحقد وشافته وصدت بصفحه
اجا يسلم عليها وخرته عنها رفعت ايدها: همزين تذكرتني يا ابن بطني
ابتسم رسلان: هو منو يكدر ينساج
امه حجت وهي تباوعلة بعتب: ايام ما تجيني ولا تسال عني اخابرك علمود مرتك ومتجي وابنك لو ما ستر ربك جان راح
باوعلها باستغراب: يمة ما سمعتيها كلتلج مو ابني طلع مو ابني شبيج ييمة لحيتي والمرة فوك ما ساعدتها تسويلي سحورة اني يمة اخرتي يركبني جني
باوعتلي وابتسمت باستهزاء: وهاي اللي جارتك مثل الطرطور شوكت متريد جتك وشوكت متريد عافتك مو ساحرتك
ابتسملي: تمون بس باعي للجمال
ضربته امه ع كتفة: استحي شوي اني واكفة هنا
واني ذبت خجل
لزم كتفة بوجع: يمه الله يخليج منيلج هالعضلات والله ايدج ثكيلة
: هسه كلي مرتك الثانية شلون
تنهد: استغفر الله ييمه مو كتلج طلكتها وبعدين وية السالفة اكلج سحرتني شتريديني اسويلها اخليها يمة تبقى تسحرني
: ترا هيه ما سحرتك مدري منو سحرها وتباوعلي
رجعت كملت كلامها: ساحرك وذبها براس هالمسكينه
ضحك: يمة محد مسكين بس اني الله يخليج شجا تحجين
باوعت كلام بينهم اني بس اتاذى اخذت الريوك اللي جان جايبة ورحت سويت ويا كم شغلة وحطيت الريوك جانو كاعدين بالصالة صحتلهم يجون يتريكون جتي تريكت وكل شوي تذب نظرات
رسلان وهو يشرب الجاي: عاشت ايدج والله بحياتي ما ضايق هيج جاي
ردت امه بقهر: ع كيفك لا تنخنك هو جاي قابل شمسوية
رسلان: يمة بشرفج مو اطيب جاي ضقتي بحياتج
باوعتلة وهيه فاتحه عيونها: شنو بشرفج شبيك يمة مو اكلك انت مسحور
اني ورسلان فطسنا ضحك
رسلان: يمة لو تشربني سم هم قابل
رفعت ايدها وغمته هههههههه
فطسنا ضحك اكثر كملنا ريوك غسلت المواعين سويتلهم كهوة وصبيتلهم واجيت كعدت يمهم
مبين الحوار جان صعب
كلتله: يعني هسه احنه مفلسين
رسلان تنهد: تقريبا
لزمت ايدة: شوف يمه حصتي من اهلي اني متنازلة لاخواني عنها بس عندي كم كاع وذهبات خذهم
ابتسم ورفع ايدها باسها: ييمة فلوسج الج وذهباتج الج ونيلان كلتلي بس مكدر اخذمنكم هذا تعبكم
مكدر اخذة لازم اتحمل نتيجه اغلاطي
فاللي اكولة تعالي يمي وخل ناجر بيت صغير ع كدنا واكوم اكون نفسي من جديد
حطت ايدها ع خدودة: مكاني وياك يا عيوني انت
جانت عيوني عليهم ومتخيلة موقفي وية امي هيج واشوف حنان ام علية دمعت عيوني يارب تفرح كلبي واشوف امي
رسلان ابتسم: الله يحفظج الي اشر ع الكهوة ضوقيها تفوتج
باوعتلي وخنزرت: من شوكت تعرف تطبخ
رسلان: بتركيا اخذت دورات
فتحت عيوني: شمدريك؟؟؟؟؟
ابتسم وهو يشرب كهوته: كتلج جنت وراج دائما بس ما صدكتيني
امه فتحت عيونها بصدمة: واني اكول شعنده يومية مسافر شنو هالشغل ثاري شغلك يمها
ضحك: بالضبط
كتلة بابتسامه: يمة منك تخوف
ابتسملي وغمزلي: ليش اني اكدر اعيش بدونج
امه صدت بصفحه وهزت شفايفها مو عاجبها
ضحك ع منظر امه
بديت الم الغراض المهمة لانو رسلان بدا يدور بيت ايجار
وامه راحت تلم غراض بيتها
كعدت الساعة بالتسعه بالليل تعبانه اجا هوة من برا تعبان
كعد يمي
كتلة بشر: والله مدري شكول بس ماكو شي يا اما منطقة شعبية يا اما منطقة بعيدة
منطقة راقية بالعالي مو ع ميزانيتي
هزيت اكتافي: عادي منطقة شعبية احلى
حط ايدة ع جبينه: خايف امي مترتاح
: خابرها واسألها
خابرها وسألها كالت اي مكان يناسبك
كال منطقة بعيدة ما اامن اعوفكم وحدكم
واطلع للشغل منطقة شعبية احسن
: بكيفك والله اني ما وراي شي وارجع اكلك اذا محتاج شي والله فلوسي الك
باوعلي بزعل: فلوسج الج لا تجيبين سيرتها كدامي اني زلمة كد حالي
فعلا بدينه بامور النقل
ونقلنا ثاني يوم
ملتهين بالبيت واني وامه نرتب ونسفط ونعدل وهو راح يدور شغل اجا وجايب ويا اكل
كعدنه ع الميز ناكل
امه حجت: مدري حاسة براحه هنا سبحان الله فعلا اكو اماكن اول ما اتطبها ترتاح
ابتسم رسلان: كال ان شا الله نرتاح هنا الله يفتحها بوجهي واشتغل
رديت بابتسامه : امين يارب
اندك الباب طلع رسلان شافها مرة
صاح ع امه طلعت وياها جانت مرة بعدها لا هيه كبييرة حيل ولا هيه صغيرة وسط
بدت تبوس بينه وطولت ابوساتها: هلا هلا ومية هلا بيكم
ابتسمت الها ام رسلان: هلا بيج عيوني
المرة: اني جارتكم ام محمد
ابتسمنه الها: هلا بيج
: وبيكم جيت اسلم عليكم واجيبلكم الاكل اعذروني ما ادري تاجر جان سويتلكم كثير بس والله سويته بسرعه
وبدت تنطينه جدورة
جدر تمن وجدر بامية بلحم ومركة بيضة بيها دجاج
كالتلها عمه: انطاج العافية يا ام محمد والله هسه اكلنه
كالت: شكد عيب تاخرت عليكم اعذروني
ابتسسمت عمه: لا والله انطاج العافية ما قصرتي والله
وعدتنه تجينه زيارة واخذنه الاكل ودخلنا بالثلاجه
كاعدين نحجي لرسلان: كال شكد احب الاجواء الشعبية عادات وتقاليد حلوة
ابتسمت: اي والله صار شكد اتمنى اكعد بمنطقة شعبية
اجا يحجي رسلان كطع كلامه صوت التلفون
استغرب من الاسم: نيلان ناسية شي
كتلة لا والله
كال اشو البواب يتصل
كتلة: افتح الخط وشوف
رد: الو
.....
: شنوووووو منو هذا.....
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
