البارت التاسع
غمضت عيوني وابتسمت: راح ابقى هنا فترة
رسلان متفاجأ: تتشاقين صح؟
: لا والله راح ابقى هالفترة
صغر عيونه: وشغلج الخابصتني بي
ردت اضيعه: اهو متريدني يلا اني راح اروح وسويت نفسي جا امشي
لزم ايدي: يمعودة اني ما صدكت تبقين
: بس بشرط
ابتسم وتنهد بفرح: عيوني الج
: ما اريد ابقى هنا ابد
: اصبري نتريك ونطلع نشوفلنه شقة بيت
جا ابالي ممكن تخلي شي بالريوك
هزيت راسي باعتراض: لا الله يخليك نتريك بمطعم ومناك نروح هم انظف البيت واجهز البيت
: زين خلي انطي خبر لامي
سحبته واني متحمسة: امك نايمة هسه بعدين نفاجأها بالقرار امشي
فعلا رحنه تريكنه فرينه كم بيت وشقة اله تاكدت انو المنطقة امنه ولكيت بيت حلو صغير
وبديت انظف بي
هو راح جاب مسواك
دخل سلم وحط الغراض بالمطبخ جان اكو كاونتر وحطها ع الكاونتر
رحت يمة ابتسمت: كوة ع التعب
ابتسم: الله يكويج دام انتي يمي ماكو تعب
: شكرا اروح البس ونطلع نشتري ثلاجه وتلفزيون وميز وكراسي وتخم يعني المهمات ونرجع
: استعجلي حتى نخلص كلشي من وكت
: تمام ورحت بدلت بسرعه وطلعنه كلشي متغير الاسواق والاماكن صار كثير مجاية هنا تنهدت باوعلي
طبك حواجبه: شبيج
ابتسمت بالم: ماكو شي ذكريات بس
: كلشي مكتوب الحمد لله ع كلشي
:الحمد لله
واحنه نتسوك لاحظت عيون الزلم مو حلوة خصوصا انو مُحافَظه مُحافِظه ما تتقبل انو وحدة مفرعه
واكو نظرات وحشية محبيتها
رسلان انتبه استعجلني انو لازم نرجع وهو راح يجيب باقي الغراض
طلعت وكعدت بالسيارة وجانت مظلله
حط الغراض بالسيارة فتح الباب اليمي: لا تطلعين اتسوك واجي ما اطول
ابتسمت: تمام
ورا ما راح تذكرت: ما كتلة جيبلي تلفون اخابر ع ورد
راح وما طول رجع
كعد بالسيارة
كتلة: رسلان نسيت اوصيك ع تلفون انزل اشتريلي
فتح الباب ينزل: اوكف دقيقة استغرب
طلعت فلوس من جنطتي ومديتها
باوع عليه صفح والنظرة تموت
هزيت راسي بمعنى شكو
: رجعيها احسنلج
هزيت جتافي: بكيفك هيه اخذها ترا ما اخذة وانزل اشتري اني
تجاهلني وراح
نزل من السيارة
واني نزلت ورا
هو شافني نزلت وكف: ارجعي اركبي
مديت لفلوس: اخذ
: ارجعي من اجيبه اخذ
اششو الا هسه تاخذها
: منجدتينه بين العربان ارجعي للسيارة
: اهوو تاخذ لو اروح اني
اخذها مني: يلا ارجعي
رجعت للسيارة ومشة وياية فتح باب السيارة وركبت نطاني لفلوس وقفل بوب السيارة
وراح وما طول جايب تلفون وجاي
ركب كال: اتفضلي ست نيلان احلى تلفون
باوعت بطرف عيني: ما اريدة خلي يمك انطي هدية من تتزوج لغير وحدة
كتم ضحكته: لا بوية منا لوكتها تطلع موديلات جديدة احنه نواكب السنوات واشتريلها جديد
باوعتلة بحقد: اي عيني اشتري ليش لا عاد يصير عندك غيري اربع. نسوان كل وحدة تلفون جديد هاي شكد تدفع
: ليش غيرج قصدج اتزوج خمسة ميصير
الغيرة ماكلتني: ليش عبالك اضل عندك اذا تزوجت النوب الا اخليك اتطلكني
: خلينا عايشين اللحظه شجاب طاري الطلاك ليش اني عيون تشوف غيرج ول معثورة خربطتي احوالي
تنهدت: اي مبين خليني ساكته
غلس
رفع التلفون: بداعت رسلان اللي كتلتي علمودة غير تاخذينه والا اتغدين وياية
ضحكت: طك عرك الدليم ع الغدة والله ميته جوع امشينه
رحنه اكلنا وكملنا ورجعنه للبيت حطينه كم غرض جانو واصلين واني امسح بيهم وانظف
: رويحتي اني رايح لامي
عصرني كلبي: الله وياك سيلانو
باوعلي باستهزاء: سيلانو شنو طارت الهيبه
ابتسمت: مو زين ادلعك
: يلا كلشي يجي منج حلو بس ديري بالح احد. يدري والله اتفضح بين هالعربان
راح لأمة واني بديت بالبيت تعزيل كملت رحت شغلت التلفزيون حطيت التلفون ع الشحن
استغربت شو طول ومتت جوع الدنيا صارت ٩بليل وماكو ماعندي رقمه وماعندي رقم احد معقول تعشا هناك
معقول الحية الصفرا سوتله شي
تنهدت: يارب ما نلحك نتهنى تطلعلنا سوالف صفح
بديت الهي نفسي بس كلبي شي يلهي كل شوي ويعصرني اكو شي رسلان ما يعوفني ليهسه
طلبت اكل واجا الاكل صارت ب١٠وماكو
كل شوي اكول يلا هسه يجي
وكعدت انتظرة تعبانه
غفيت ومدري بروحي
فزيت ع صوت فتح الباب باوعت ع الساعة ب١
دخل وما باوع بوجهي
سألته بعصبية: وينك ليهسه يمها شبعت منها
لو لا حان ما جيت
باوعلي بنظرات عجزت عنها سكتت اول مرة اشوف رسلان هيج
نظرات مو رسلان
تقرب مني ويريد ياكلني حط ايده ع بلاعيمي يريد يخنكني.....
تابعوني ع حساب الانستا j0j1.2
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
