البارت الثاني والعشرين
:اامج حاليا ما اعرف عنها شي جا ابحث عنها
: شنو اللي يخليني اصددك
: وعد اول ما اشوفها اجيبلج عنوانها
لفيت وجهي ورجعت للبيت
للعصر جنت بغرفتي معتكفة ابجي ع رسلان وصورته ما فاركتني
اندك الباب اخت رسلان: نونو وحدة برا تريدج
غوركت عيوني وهسه ماسحتها ع كلمة نونو
جريت نفس ومسحت دموعي وطلعت
جتي تركض وحظنتني وتبجي
: ورد
ورد وهيه تبجي: البقية بحياتج
بلعت ريكي:حياتج الباقية يروحي
وخرت وباوعتلي: الله يرحمه راح للارحم منه
هزيت راسي: الحمد لله ع قضائه وقدرة
كعدنه شوي وراها همستلي: نيلان اريد اكلج شي ضروري
استغربت وكفت واخذتها لغرفتي
دخلت ودخلت وياها كتلها تفضلي وكعدت ع الجرباية
حجت بتردد: نيلان اني وبراق تزوجنه
ابتسمت: الف الف مبروك تستاهلون الله يكتبلكم ايام حلوة وكثيرة
هزت راسها: امين
حطت ايدها ع ايدي: نيلان اللي اريد اكولة براق موصيني اوصله الج ويكلج ضروري انتي اللي اتابعين الموضوع
: ورد الله يخليكم خل بس اطلع من الصدمة واتعود ع الجو وارجع للشغل
هزت راسها ورد بلا: مو هيج السالفة نيلان رسلان موته مجانت قضاء وقدر جان مخطط الها
باوعت بصدمة: شمدريج
: تذكرين صديق براق اللي خلانه نتصل بيج اجته اوراق رسلان وعرف انو انتي مرته من السجلات اتصل ببراق وكلة منو عدو رسلان او يتمنالة الشر
لان الضربة جانت جاية باتجاه بابة وهمه ضامنين موتته والكاميرات تثبت انو حان متعمدد
انصدمت والكلام خلاني اصحى ع شي مجنت منتبهة اله ليش اني طلعت ما بية خدش وليش هو مات من الحادث: تصدكين ما انتبهت. ع السالفة كل همي يبقى عايش رجفت شفايفي: بس الله ما كتبلة
مسحت دموعي: اعرف القاتل بس اني اخذ. ثاري بايدي سلميلي ع براق كوليلة خل يوصلة انو ما اتذكر واذا تذكرت راح اوصلة خبر
مر اليوم واني بغرفتي ما اريد اطلع وابينلهم انكساري
ثالث يوم خلصت الفاتحه اجتي بليل اخت رسلان وسلمت: ديري بالج ع روحج
ابتسمت بياس: ان شا الله
طلعت اسلم ع البنات
وخالة مبدلة انصدمت: خالة وين رايحه
باوعتلي بقهر: وية بناتي
تنهدت: خالة اول البارحه رسلان اجاني بالحلم كلي ديري بالج ع امي شلون تريديني اعوفج وانتي وصيته
بدت تبجي واني ابجي وياها
كالت: اني مكاني يم بناتي انتي غريبة عني
: شلون غريبة واللي ابطني مو حفيدج محتاجج يمه انتو وصيته شلون اعوفكم
اشرت بنتها عوفيها راحت وبقيت وحدي بالبيت الحياطين وكلشي يذكرني بي باوعت ع الزاوية الجنت نايمة بيها وحاطة ايدي ع بطني وهو اجا حط ايدة ع بطني حطيت ايدي ع بطني: منو بعد يحط ايدة فوك ايدي
رحت كعدت بالمكان وبديت ابجي
قررت انتقم تهديد مرت ابوي مجان عن عبث هيه اللي جانت ورا السالفة بس والله ما اعوفج
اتصلت ع مزبان: السلام عليكم
مزبان باستغراب: منو؟
: اني نيلان
كال: هلا وعليكم السلام البقية بحياتج
تنهدت: حياتك الباقية
: نيلان اي شي تحتاجي اني اخوج ان شا الله ما اقصر
: اني مخابرتك ع شغلة بس ما اريد احد يعرف بيها
: ادللي اطلبي
: اريد كل المعامل والبيوت اللي يملكوها اخواني من ابوي حتى املاك ابوي
استغرب: ليش؟
: تجيبها لو اطلب من غيرك؟
: لا اجيبها الج ان شا الله حدز مواقعها وكلشي ع الواتساب
: شكرا الك ممكن طلب ثاني
: اتفضلي
: اريد ادورلي ع امي مو ام سديم لا امي الحقيقية
انصدم: شمدريج بالموضوع
: وصلني بس انت تدري شي عنها؟
تردد: نيلان اني اعرف مكان امج
: شنوووو
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
