نيران رسلان

البارت السادس

راح عليها الشرطي حتى يحط الكلبشات ع ايدها
صاح رسلان: محد يلزم ايدها ولا هذا اتحطو بايدها وخرو عنها

الشرطي: هاي اجراءات لازم نتخذها
رسلان: انت تدري وية منو تحجي
الشرطي: لا ما ادري قابل الدنييا سايبة هاي قاتلة ولازم ناخذها اصلا غلط احجي ليش راح ناخذها

رسلان صاح بصوت للحرس
اجو الحرس
كال بصوت: خلو نيلان وياكم وروحو لمركز الشرطة وخابرو ع المحامي بسرعه ما اريدها تبات هناك
الشرطي: هيه بكيفك
رسلان: اي تريد تتاكد
الشرطي: شوفني واني بالمركز
تقدم ناحيتي واني خايفة واباوع لرسلان بترجي
لزم ايدي وباسها: والله ما اعوفج

لزم ايدي الشرطي باوعلة رسلان بحقد: من اطردك من شغلك لا تجي تترجاني
الشرطي: شتريد تسوي سوي
اخذوني ومشينا خايفة ودموعي تنزل ما حجست لرسلان ع شي بس الشرطة منين عرفت اذا مزبان وصاهم محد يحجي رفعت راسي واني اصيح يارب

تذكرت الاية اللي تكول بسم الله الرحمن الرحيم

(ونحن اقرب اليه من حبل الوريد)

صدك شما كثرو يمنه سند يبقى سند الله اقوة
تنهدت بضيق يارب

مشيت للمجهول وصلنه للمركز وكعدت بالغرفة
رسلان معلمني ما احجي شي حتى يوصل المحامي
يدبر السالفة يلا احجي
بدا يسالني واني ما ارد جنت ساكته وافكر
صاح بعصبية وضرب الميز
: وية منو احجي
باوعت للمكان: كتلة ماكو احد معقول تحجي وياي
تنهد: استغفر الله هاي شحطلها واطيب
سكتت

رجع باوعلي: احجيلي عن الحادثة شلون قتلتي **
رفعت حواجبي: اعتذر بس اذا ما اجا المحامي اني ما احجي

لوة بوزة: شغل مافيات بعد
صاح للشرطي: تعال اخذها
وطلع جكارته وبدا يدخن

طلعنه ورحت للزنزانه جنت وحدي والغرفة بيها بس سرير علي بس بطانية كعدت وسندت راسي ع الحايط ولميت رجلية وبديت ابجي بقهر شجاي يصير وياية كل هالمصايب كلها بنص يوم جانت الددنيا فجر وغفيت سمعت صوت دك ع الباب
باوعت اكو جان فتحه صغيرة فوك شخص ماد ايدة وبيها تلفون
: اخذي بسرعه
اخذته ورفعته: الو
تنهد بوجع: شلونج يرويحتي
ابتسمت: الحمد لله انت شلون صرت خوما متوجع
: مو بخير ما دامج مو يمي المحامي شوي ويجيج اتطمني كل السالفة جانت اخبارية بس ماكو ادلة بس الشرطي نذل ديري بالج تحجين انتي كدها
منا لل٧انتي يمي
تنهدت: شوكت ارتاح
رسلان: صدكيني قريبا تحملي
بديت ابجي وهو يهدي بية صاح الشرطي وانطيته التلفون وكعدت ابجي واتذكر كلامه وهو يطمني بكلامه

غفيت دخل علية الشرطي وويا شخص عاف الشخص وطلع جان شخص مرتب مبين شي مهم
ابتسم: السلام عليكم ست نيلان اني المحامي
ابتسمتله وعدلت روحي: اهلا وسهلا بيك
المحامي: رسلان صديقي مو بس اشتغل ويا اتطمني وارتاحي صدكيني ما اطلع الا اطلع وياج
ابتسمت: جزاك الله خير
المحامي: احجيلي اللي صار
وحجيتلة كلشي
كتلة جان ردة فعل واصلا مبين قتلة متعمد