البارت الحادية عشر
اتفضلي ويانه عدنه امر القاء قبض
راح يمه مزبان: شكو
هز راسة: اعذرني مكدر احجي كلشي تعرفو بالمركز
اشر للشرطي
اجا علية مديت ايدي وحطلي الكلبشات
باوعت لمزبان: الله يخليك لتنسى عندي وياك موضوع مهم
هز راسة يطمني: لتخافين راح احل كلشي
ركبت بالسيارة ومشينه صافنه ع الطريق ما اشوف الطريق بكد ما بالي مشتت شجا يصير شكو ليش هيج حالي
وصلنا المركز حطوني وية السجناء هالمرة
باوعت نسوان كثيرة شفت اكو سرير فارغ رحت تمددت وغطيت روحي وضليت ابجي
اجتي وحدة طبطبت ع جتفي
كومي ماما كومي
باوعت عليها وعيوني مغوشة من الدموع
كلمة ماما عصرت كلبي
مسحت دموعي وكعدت باوعت نفس المرة اللي بالمستشفى
: خالة شتسوين هنا
ابتسمت بوجع: قصتي يخالة قصة بس كوليلي شبيج تبجين منو بجاج بس لا هو نفسه
ابتسمت بألم: المشكلة هو يحاول يسعدني بس كلشي يمة ما يجيب سعادة صح الامان يمة بس السعادة مفاركتني
ابتسمت ومسحت ع راسي: مو شرط السعادة اشياء قوية احيانا الامان يعتبر جزء من السعادة والسعادة ما تجي كاملة لهالسبب دائما يكولون لا تباوعون ع النص الفارغ من الكأس باوعو ع النص الممتلئ
شكد ما عانيتي لو ما هو يمكن ما اتحملتي احمدي الله ع نعمتج ولا تفكرين دائما بالسلبي باوعي ع الايجابيات حتى نكدر نعيش
كلامها جان راحه صدك كل اللي صار وياية هو نعمتي: الحمد لله الله يريحج يخالة ارتاحيت
فتحت ايدها حتى احظنها وحظنتها وبدت تقرا ع راسي وغفيت
وراها كعدتني: كومي خالة كومي تغدي
كمت غسلت ورجعت تغدينه
وكعدنه ع الاكل وراها بدو يسولفون ويضحكون
يمكن لو دخلنا كلوبهم كل شخص الة قصته ممكن يكون خير بقصته وممكن يكون شرير بقصته بس مع ذلك يحاولون يخففون ع نفسهم بسوالفهم وضحكاتهم
كمنا ع الاكل غسلو المواعين ورجعت لمكاني كاعدة وصافنه باللي يصير وياية
اجتي يمي
: خالة لا تفكرين التفكير ما يسويلج شي بس يزيد همج
ابتسمت: اذا ما فكرت بحالتي بشنو افكر
: التفكير بهمج يضيع عمرج حاولي تفكرين بابسط الاشياء متاخذ لا وقت ولا صحه
انفتح الباب: نيلان **
كمت ورحت: نعم
: تعالي وراية
رحت وراها واني مدري وين راح اروح
دخلت لغرفة وراها اجاني محامي يختلف عن اللي دزة رسلان
ابتسم: مرحبا استاذة نيلان اني المحامي اللي راح اتولى قضيتج
ابتسمت: اهلا وسهلا بس منو انت لان رسلان ذيح المرة دز صديقة ليش هالمرة دزك
: اللي دزني مو رسلان الشيخ مزبان
استغربت: رسلان ما اجا ما يدري؟
بين علي انو متردد
: احجي استاذ شكو كمت بخوف رسلان بي شي امانة الله
رد بتردد: الشيخ مزبان خابرة وكلة بس ما نطا ردة فعل وكال شنو اسويلها
صدمة معقول يجذبون علية: انت جذاب اطلع برا
: والله العظيم هذا اللي صار كال اني من راحت للمطار نويت اطلكها
فتحت عيوني بصدمة ويطلكني هم
نزلت دموعي حطيت ايدي ع راسي ونزلته نزل شعري: الله يخليك كول جذب كول اتشاقة
تنهد: هذا اللي صار ووكلني الشيخ مزبان وطلب يشوفج بس مو مسموح ورا الجلسة يلا يكدر يشوفج
: اريد ارجع للسجن صاحت ع الشرطي وطلعت اخذتها الشرطية وراحو
رجعت وكعدت هم تبجي
اجتي المرة تواسي بيه بس كلشي مسمعته اني يريد يطلكني اني ليش ولك شسويتلك
حظنتها وكمت ابجي كامت تقرا علية بقينه فترة ارتاحيت شافتني سكتت كالت: مسحي دموعج بنيتي انتي قوية والمؤمن مبتلى هذا ابتلاء من الله الج اصبري واخذي عوضج بالنهاية صدكيني راح تنسين كل اللي عشتيه
اخذت نفس: امين يارب
كمت من يمها كعدت عدل اجاني سؤال: خالة ممكن اسئلج
ابتسمت: اسئلي
: انتي انسانه مؤمنه وطيبة ششجابج هنا
ابتسمت: كل انسان عنده جانبين جانب خير وجانب شر ولابد يطلع الشر يوم من الايام وممكن طلعته تكلفج عمرج
استغربت: شلون يعني
تنهدت وابتسمت: يخالة اني انسانه صايمة مصلية كل همي صلاتي بوكتها ورضا ربي وارضي اولادي واشوفهم سعيدين
ابتسمت: عندج اولاد!؟
ابتسمت بوجع: يا حركة كلبي عليهم اي عندي ٣بنات وولدين لو انطيهم عيوني احس قليل
ابتسمت: الله يحفظهم الج
كملت: اي اني رجلي ظالم لا يعبد ربة ولا يعرف اولادة
اني بالاصل متزوجه قبلة زلمة الله رزقني ببنية وكتل روحه واخذها مني وهسه ما ادري عنها شي
وراها تزوجت وجان مو احسن من الاول جان اقسى منه وجبت منه بنيتين ووليدين ربيتهم احسن تربية وجنت دائما من يجي سكران ابعده عنهم صح احصل ضرب منه بس اكول ميخالف اهم شي اولادي ميصير بيهم شي
بس كلشي ندفع ثمنه
بيوم من الايام جنت بالسوك اتسوك مو من عوايدة جاي الصبح شارب وداخل عليهم ويضرب بيهم حاولت امنعه بس ما كدرت
تنهدت بوجع وكملت: شفت نبته شلته وضربته بيها
ومات منها وهاي اني ادفع الثمن موته بايدي
الحمد لله ولدي كبار كد حالهم اول البارحه صارت السالفة واليوم اني بالسجن ابتسمت بوجع: هاي قصتي
نزلت دموعي: الله يساعدج خالة
: الحمد لله يخالة
تنهدت بوجع: الف الحمد لله
وكملت يوم يومين اسبوع
واخيرا اجا الوقت اللي اطلع بي للجلسة الاولى
ورسلان ماكو خبر منه ابد جانت غصة بكلبي هالسالفة بس شنسوي الحمد لله خالة حيل هونت علية
دخلنا صاحو الاسماء هو جان كدامي اللي ضربته
ومزبان موجود والمحامي هم
دخلنا وبدينه الجلسة
وبنص الجلسة كال اني عندي شاهد
استغربت باوعت لمزبان
ومزبان مستغرب نفس وضعي انفتح الباب
ودخل منه رسلان
صحت: رسلااان.......
حساب الانستا j0j1.2
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
