نيران رسلان

البارت السادس عشر

البارت السادس عشر

ااحنه مجنا ندري باللي صاير بس انو ابوية ما يريدج وجان يحرضنه عليج ليش ما ندري
وامي كلنا نشوف معاملتها فالجاهل من يشوف شي ويشوف شخص منبوذ من الكبار اكيد راح ينبذة بدون ما يسأل مرت الايام ومات الشيخ ابو مزبان
فاستغربنا شنو الشي اللي يخلي بني ادم ميروح لفاتحه اخو فكعدنه حجينه وية ابوية ما حجالنه اكتفى بالحجي والغلط علي
مدري شنو صاير وية المرة خلة ابوية يعوف امي
فامي طلعت من صمتها وحجت النا كلشي
من اجيتج للسجن ما كلي ابوية انو تطلعين اني اجيتج بالنهاية اختي انتي ميهون علية تدخلين سجن فاتحججت بابوية

مرت الايام الا ان وصلت ورقة طلاك امي من ابوية
فاجيت اكلج اللي صاير لان حسب ما دريت انتي ما تدرين

فزيت بحنية: امي وين هسه ليش محد كلي عنها

هز راسة: مدري والله اللي اجيت علي حتى اكلج خلي ابوية يتراجع عن الطلاك امي ما تستاهل تطلك بهالعمر
ضحكت بهستيرية: هالسنين كلها ما جيتني ولا ذكرتني اول ما حجيت حسبالي صدك خايف علية ثاري همك طلاك امك
كمت بعصبية ورفعت ايدي: اطلع برا ومشاكلكم حلوها بينكم تنجازون عسى ناركم تاكل حطبكم

رفع ايدة: اهدي الله يخليج كوني سبب بانجماع عائلة

كام رسلان بعصبية: امشي منا احسنلك وخل اشوف واحد بيكم داخل العمارة ايدي والسلاح  واسويها عشاير واذا تريد دم ماعندي مانع اطلع برا
باوع لرسلان بعصبية وطلع
كعدت ابجي: اني حسبالي حن كلبة علية بعد كل هالسنين ثاريه علمود امه هو
باوعت لرسلان: الله يخليك الكيلي امي
اشر ع عيونه: من هالعيون بس هدي وطولي بالج
ابتسمت من بين دموعي: تخيل تكون عندي ام وتحبني وتعوضني عن اللي شفته
اجا رسلان حظني: ان شا الله يارب بس ليش تبجين
حجيت بحركة: ليش بعدها عني ليش ما خلاني يمها ليش ما كال اللي عنها ليش عيشني بظيم كل هالسنين لهالسبب اجاني ع اساس يريد يتحمدلي بالسلامة
كعد رسلان يهدي بية ورا فترة هديت

ورا فترة اجا اتصال لرسلان وطلع برا
بقى برا ساعة ورجع

استغربت حتى ما كلي شي خابرته كل شوي يكلي هسه اجي وماكو

فتح الباب ودخل

كمت واني مبتسمة

ابتسم بس جان وجهة مبين مهموم: السلام عليكم حبيبي
رديت: هلا بيك حبيبي وعليكم السلام وينك ليهسه

راحت ابتسامته: ورا العشا احجيلج
ابتمست: يلا لتد راح احط العشا هسه
رحت اسوي العشا
وهو جان صافن وشايل هموم الدنيا فوكا يمكن صار هواي ما شايفته بهالحالة

حطيت العشا تعشينه نظفت كملت وجيت يمة
ابتسمت: كملت يلا احجيلي شبيك
ابتسم: شوفي احنه صار سنين متزوجين عشناها ع الحلوة والمرة بس هالمرة الوضع يختلف
باوعت باستغراب
كمل: شغلي جا يتراجع وبديت افقد هواي املاك والبقالي شي بسيط بعت بهالكم يوم كومة اراضي وبيوت
وحنت اطلع حتى اوقع ع البيع
فاذا تريدين نبقى سوة وتكملين وياية اكون اسعد شخص بالدنيا
واذا ردتي تعوفيني وتمشين صدكيني ما انقهر ولا شي بين ما ادبر اموري
تنهدت بقهر: ليش اني يمك علمود فلوسك والله شوف عندي كم فلس ضامتها خذها الك بالعافية واعيش وياك بخيمة واني الفرحانه
ابتسم وحط ايدة ع ايدي: هلكد تحبيني
ضحكت: لا ما احبك جابريني اكعد يمك
تنهد بفرحه: ويلوموني بيج ويكولون ساحرته ياريت كل النسوان مثلج
: لا والله ياريت كل الزلم مثلك
ضحك: هههههه ديلا اريد فنجان كهوة

ضربته ع ايدة: متكول تعبانه خل ترتاح شوي
صفن بية وحجه: الله لا يحرمني منج
ابتسمت: ولا منك ششسوة من دونك
باوعلي باستغراب: شو اليوم تتغزلين شكو شصاير
هزيت كتافي وكمت اسوي كهوة : معليك

سويو كهوة وحاولت اونسى بسوالفي واحجيلة مواقف حلوة وياي حتى ينسى همه
حسيت تغير جوة

الصبح كمتع صوت الباب قوي وهو مجان موجود
فتحت الباب
طلعت امه بدت تصيح: الله لا يوفقج يا ام السحورة فرقتيني عنه وخليتي يفلس يالظالمة الله لا يوفقج ولا يسهلج دمرتي ابني ارتاحيتي ارتاحيتي جيتي واخذتي وكلبتي حياته خليتي يطلك مرته ويعوفها ويتبرى من ابنة......