نيران رسلان

البارت الثالث

البارت الثالث

: هذا صوت رسلان ابشرك ييمة جاك العوض مرتك حامل
غمض عيونه بيأس

نزلت دموعها مسحتها بقوة وصاحت بصوت مرتجف
: اطلع برااااا
: نيلان الله يخليج خلي افهمج
شالت تلفونه وضربته بالكاع: شتفهمني بعتني بسرعه ورحت تزوجت ومو بس هيج مرتك حامل البارحه البارحه جنت تسولف وتكول اني وياج
يلااا بقت عليك
الله يخليك اطلع اطلع من حياتي جنت تريد جهال وهاي الله رزقك اطلع
قرب منها: بس افهمج والله انجبرت
ضحكت بهستريا: اي انت رسلان الما ينجبر تجبر الناس ع اللي تريدة شجا تحجي انت

رسلان: البنية انداس بشرفها وجيت بس ادافع عنها واستر عليها

: اي استر شعلية بيك جان بطريقك ماخذ ٣ومطبق الشرع بقت عليهم هم تطبق الشرع وهم تستر عليهم

خلال كم يوم توثلني ورقة الطلاك وما اريد منك شي
واذا شفتك يم الباب والله والله الا اخابر ع الدرك التركي واشتكي عليك

شافها شلون منهارة قرر يطلع اخذ غراضة وطلع

فاتت للغرفة وكسرت كلشي وكعدت تصيح

: وين حبك ويننننه هذة حبك بسرعه تتنازل عنه
سنين واصبر بكلبي ما راح يخذلني
بس طلعت غلطانه خذلني وخاني بابشع الطرق
وهيه تمشي انجرحت رجلها كعدت اتطلع الكزازة ورجليها تنزف دم وهيه تبجي
ما جان الوجع من الكزازة
الوجع من خيانه حبيب بحجه توازة

كامت وراحت تعقمها ولفتها
راحت توضت وصلت

ورفعت ايدها وهيه تدعي
وتشكي لربها ع اللي سوو البشر
ودموعها ما وكفت

كامت وراحت فراشها وبقت تبجي جرت مخدته جانت مليانه بريحته وكعدت تشتم بيها
خليت غيري تعيش وياك
تنام باحضانك الوعدتني ما تنام عليها غيري
وين كلامك وينه حجيك ووعدك
صدكتك وامنت بيك وشكد تحملت مواقف صارت وياي وانت سببها كلت ميخاف ما دامه يحبني
غفت ودموعها ع خدها
فزت ع صوت التليفون رفعته وردت بدون متشوف: الو
: السلام عليكم ست نيلان
: وعليكم السلام نعم منو وياي
:ما عرفتي صوتي
: اسفة بس معرفت
: معلي شي اني براق
مسحت عيونها ودحكت ع الساعه: اني اتاخرت وكامت تركض
: اني اسفة بس اخذتني النومة
: لا عادي بس ردت اتاكد انو انتي بخير ست ورد اكدتلي انو اول مرة ما تجين وخفت خصوصا بعد اللي صار البارحه
: شكرا الك اني شوي واكون بالشركة
: هلا بيج ست

وصلت الشركة جان عدنه اجتماع ودخلنا واني مو كادرة اركز بشي
نكزتني ورد بايدي
باوعتلها باستغراب
اشرت بعيونها ع استاذ براق
ابتسم: مو صح كلامي استاذة نيلان
: بصراحه مجنت مركزة
براق ابتسم: تمام لهنا انتهى الاجتماع اتفضلو كل واحد لشغلة
طلع الكل
ورد تسألني استاذة شبيج
: مابية شوي مصدعه
: هسه اجيبلج كهوة ميضل بيج شي
ابتسمتلها ومشيت لغرفتي

كعدت وحطيت ايدي ع المكتب وراسي ع ايدي وكعدت ابجي
اندك الباب ومسحت دموعي
: اسف ع الازعاج
: تفضل استاذ
: استاذة حبيت اكلج تكدرين تاخذين راحتج وتطلعين احنه هنا
: اصلا مكدر ابقى اختنكت اشرب الكهوة واطلع
: تحبين تحجين
ابتسمت: حياتي مابيها شي يتسولف ضحكت: كلها تفشل
: هالنجاح كله وتكولين تفشل
: الحمد لله الوظيفة الشي الوحيد اللي بحياتي ما يفشل
دخلت ورد وهيه شايلة الكهوة بدون متدحك: همزين اجيتي استاذ، براق ذبحني بالجاي واخيرا طلبتي كهوة حتى اشرب وياج
ضحكو اثنينهم
رفعت راسها شافته
: اني اسفة اقصد استاذ **
: حسبالي اني لان من الصبح بس اطلب جاي
ورد بخجل: اني اسفة استاذ
: لا عادي لو كايلتلي تريدين كهوة جان طلبت
: مو قصدي استاذ بس اني احب اشربها وية استاذة نيلان ونكعد ندردش شوي
: جان جاية نسولف شوي احسن مو كاعد وعيوني. راحت من الاوراق
ابتسمت بفشلة
: نيلان حبت تغير السالفة
: ورد اني مضطرة اطلع ورا هالكهوة
: ان شا الله استاذة اني موجودة لتاكلين هم شي اي اجه الصبح واحد وترك ورقة حطيتها يم اللابتوب
: منتبهت والله رفعته
مكتوب نيلان والخط جان خط رسلان
عافتها ع صفحه كملت كهوتها وهمه يحجون استاذن براق وورد هم استاذنت ورا ما طلعو شالت الرسالة حطتها بالجنطه وطلعت برا الشركة اخذت سيارتها وراحت للبحر
مكان الوحيد اللي ارتاح بي
جنت دائما اجي من اشتاكلة واكعد احجي وكانو البحر ادمي. واشكيلو منه

: اول مرة انخذل منه جنت متوقعته ميخذلني
تزوج ومرته حامل نساني وراح لغيري
اي رجعت بذاكرتها للمكان اللي شافها بي جان اول مرة يشوفها

جنت اسكن بعمارة مهجورة وشقة وحدة اللي بيها باب فجنت اكعد بيها واقفل الباب
وبيوم من الايام واني نايمة
اندفر الباب حيل وفتحت عيوني علي وهو عصبي ورافع سلاحه علية
جان عمري ١٥سنة بس
ولزم ايدي حيل وهو يصيح وينه
اني جنت طفلة
ابجي واكلة: والله محد يمي بس اني هنا عايشة الله يخليك عوفني

جان يباوع لعيوني وهو بغير عالم واني احجي واحاول ابينله ماكو احد

اجا شخص وكلة رسلان لزمنا

هو التفت كام باوع علية وطلع

ورا كم يوم رجع اجا وسألني اذا محتاجه شي
وصار كل فترة يجي يسال عني
بيوم دخل واحد سكران للعمارة
واني جنت اسمع صوته وهو يغني
وحاول يفتح الباب وحاول يفتحه بس ما كدر وختلت
ورا الكنتور
من الخوف نمت واني ما ادري كعدت ع صوت دك الباب
صحت منو
: اني افتحي
رحت فتحته
: منو هذا
جان واحد نايم يم الباب
: مدري والله اجا بالليل سكران وضل يضرب بالباب وراها انكطع صوته واني نمت بمكاني
: وضعج مو عاجبني تتزوجيني
: بس اني ما اعرفك
: مع الايام تعرفيني هسه امشي جيبي اي شي يخصج وتعالي
واخذني وكعدني بشقة للمغرب جاب شيخ وسألني الشيخ وجنت حايرة فات  وباوعلي بعضب
اشرت براسي ما اريد
شاورني: مو بكيفج وافقي ترا سلاحي بخصري
الشيخ سألني
طلع سلاحه وخلا بخصري
باوعتلة بغضب واني ما بايدي شي
: موافقة يا شيخ
سحب سلاحه وطلع واني كمت ابجي
سلم ع الشيخ واجاني
كعد كبالي: صدكيني ما راح اخليج تتندمين
: اذا من هسه شلت سلاحك شنو انت شرطي وشايل سلاح
ضحك: اني عدو الشرطة
باوعت بخوف: شتقصد
ابتسم: ما قصدي شي بس قريب ع الشرطة

رجعت للواقع
وتنهدت بتعب شسوي بحالي
طلعت الورقة وترددت افتحها لا
قررت بالاخير تفتحها

فتحتها وانصدمت...