نيران رسلان

البارت الرابع

: اني مدري من وين ابلش بس رجعتي الج مجانت عبث اني كتلت الي اذاج سابقا وشيخ العشيرة لاحكني
واضطريت انهزم واجيج
خوفا انو يسون بيج شي
بالنسبة للطلاك لا تجبريني ع موتي
مو كافي روحي يمج
انتبهي تطلعين لمكان لان ما اضمنهم يبتعدون عنج
التفتت حواليها وكامت بخوف تمشي وتستعجل بمشيها وتتلفت
صارت قريبة من سيارتها جا تفتح الباب لزم ايدها واحد والثاني حط المسدس بخصرها
: اي كلمة تروحين بيها امشي ويانه
ركبوها بسيارة ومشو
بقت صامته وصلو يم شرطة واكفين بعيد وبدت تضرب حيل ع الشباك حط المخدر وبسرعه خلا ع خشمها
وفقدت الوعي

التفت علي اللي كاعد كدام كلة مو كتلك حطلها من البداية طريقنا طويل

مشو بالسيارة وهي فاقدة الوعي مرت ساعات وهيه ع وضعيتها
بدت تفتح عيونها دحكت باستغراب اني وين
صاح اللي كاعد كدام بجهنم ارجع حطلها وفضنه
ورجع خدرها

ورا كم ساعة بدت تفتح عيونها مكان ظلمة وموحش ميدل انو اكو بشر هنا
بدت تتلفتت
راحت ع الباب وبدت تفتح بي مينفتح دكت الباب حيل: منو انتو
وتصيح وتضرب بالباب

دخل واحد سحبها وطلعو: منو انت وبدت تسحب ايدها وتصيح وتحاول تضرب بي
من طلعو برا جان اكو مقابيلهم بيت باوعت وانصدمت: شجابني هنا
: الشيخ يريدج
: شجابني يمه
: احنه جبناج
: هيه بكيفكم وخر اريد ارجع
وبدت تسحب ايدها منه

هيه ضربته بعكس ايدها وحاولت تنهزم
لزمها حيل ولفها علي وعيونه تجدح
وضربها راشدي
حطت ايدها ع خدها
: اول درس اليدخل بيت الشيخ مزبان ما يطلع منه منهزم
: وينك عكالك المفتخر بي وشيختك اذا ما تكدر لهاللقب لا تنفخ روحك بي  وين لقبك وعكالك واني مشورة بنص العماير المهجورة ما خفت ع عرضك
: اشش الصوج مو مني تدرين ما جنت ماخذ الشيخه حان عمي
: هه ما تكدر تحارب وتصيح هاي عرضي هسه يلا رجعتلك الغيرة
: انا ما صارلي كثير من لزمت الشيخه فلا تحجين علية عذريني بشي مجنت اكدر علي ولا الي ايد بي

: كافي تريحون صميركم باعذار تافهة لو جنت اختك راح تقبل
سكت وصد بصفحه
: هسه شتريد مني
الشيخ: عندي ثار وية رجلج
ضحكت ومكدرت توكف ضحك

مستغرب: شبيج اتضحكين
: تلومني ليش انهزم يعني من جنت بعمارة ساكنه كعدت تتحجج انو مجنت تكدر تنقذني
وبنفس الدقايق تكول انو اني خاطفج علمود اصفي حساب رجلج عن طريقج يعني اني كبش الفداء هم
عن يا شيخه تحجي ما عرفت
وين اكو شيخ هيج يسوي شيخ جيس حب لو فاتحلك بسطية احسنلك
صاح بعصبية: اسكتي
ابتسمت: المشكلة بعقلك تنحسب ع الجهال مو النسوان ع الاقل النسوان يفكرون هاي اني كدامك شتريد تسوي سوي بس رسلان خط احمر اذا صار علي شي. ادفنكم بهالبيت وما ارحمكم

: وينه احجي واهدج
: يعني ما تعرفون مشكلتكم ما تكدرون علي فاخذتوني اني
: اذا كلت غير شي احسن كولي مشتاك الج اكلج اي
ابتسمت: بس اني ع ذمة رجل بمعنى الكلمة ليش ابدلة ب... خليني ساكته
صاح بصوت اخذوها من كدامي
اجا جرها من ايدها
مزبان بشماته: رسلان المتباهيه بي تزوج عليج
غمضت عيونها بقهر
وردت حتى تقهره: ع الاقل زلمة ينشد بي الظهر
ومشت

ذبها بالغرفة وكعدت تبجي بوجع وتصيح وينك

ع العشا اجا اخذها الحارس وحجه بهمس: لا تحاولين تخلينه يثور رسلان بالطريق
باوعتلة بصدمة: انت تجذب
: والله بس اسكتي وجاري بالحجي
: انت ليش تشتغل ويا لعد اذا من طرف رسلان
: رسلان يكلج ما عدنه وكت ليشكون لان اتاخرنا
: يلا لعد بس لا تبعد عني
: اصلا اذا ابتعدت رسلان يذبحني
: هههه اي والله يسويها
راحو للميز مال الطعام هو جان يتعشا وهي من جتي وخر العامل الكرسي وكعدت علي
نفضت شعرها ليورا بخفة
ودحكت ع الاكل
كل الاكل اللي تحبه
رفعت حاجبها باستغراب
مزبان وهو مبتسم: خليتهم يسون كل الاكل اللي تحبي
: عاشت ايدك لان هواي جوعانه
: الانباريين ما يكولون هواي يكولون كثير
: اني بكيفي وبدت تسحب اكل وتحط بماعونها ضاكت اللزانيا غمضت عيونها باستمتاع واوو تجنن اريد الوصفة
: ماكو داعي للوصفة ايمت ما تريدينها بس اطلبي وتحضرلج لمكانج
: ههه حسستني راح اعيش هنا دوم
سكت وتنهد

كملو العشا
: اريد ورا العشا حلقوم ووراها كهوة باردة
: تدللين صاح ع الخدم وجابولها
: اممم بصراحه ما اريد هنا اريد برا بالحديقة لان اوصل للانبار وما اشتم هواها انجلط
: تدللين
كام وياها
التفتت علي بسؤال ما عندك احد عايش وياك نسوان شي
ابتسم: لا بس انا عايش هنا
كعدت ع الكررسي ورفعت راسي وبديت اشم الهوى بلكت يطفي النار اللي بكلبي
اخ منك يرسلان ع كد ما تريد تحسسني بالامان ع كد ما نيرانك تاكل الاخصر واليابس
كطع تأملي بسؤالة: مشتاقتلة؟
ابتسمت وتنهدت: النفس اللي بدونه مو نفس احسه موتي
: بس ما يستاهلج
: بلعكس اكثر شخص يستاهلني عمرة ما اذاني بلعكس دومة جان يحاول يسعدني باي طريقة وين اكو زلمة شرقي وغيرته قوية يخلي مرته مفرعه
ع كد ما يغار ع كد ما يتمناني اتحجب بس ساكت احتراما الي صح مرات يحاول يقنعني بس عمره ما جبرني

: لعد ليش تزوج عليج

دخل بهيبة وكعد يمهم: سؤال ميخصك

كام ع حيلة متفاجأ ورفع سلاحه علي: شجابك
التفت علية باسني بخدي: اشتاقيتلج شجابج هنا
وخرت وجهي زعلانه منه

مزبان وهو يصيح علي: انت شجابك هنا وشدخلك لبيتي

رسلان وهو يسوي نفسة متفاجأ: اعذرني ما شفتك
اوووه هذا بيتك التفت علية بانزعاج: حبيبي شجابج هنا
كتمت الضحكة: جيت اشوف مزبان
: اخ منج لو كايلتلي مشتاقة للحيوانات جان جبتلج واحد
صاح بعصبية: محد غيرك حيوان
حط ابده ع حلكة: هاي شنو هم انت اسمك مزبان اوووي نسيت اعتذر جان عدنه جلللب اسمة مزبان ونيلانة كلبي مشتاقتلة حسبالي تقصده ما عبالي تقصدك
تقرب مزبان وحط سلاحه ع كلب رسلان: احترم نفسك دايس بيتي وما تعرف تحجي تريد اعلمك الحجي
: نزل سلاحك انت مو مال سلاح ومو انت اللي تعلمني ع الحجي اني ابن شيوخ وابن مافيا بنفس الوكت داخل دواوين وادري شحجي وشتصرف ما توكف افعالي ع النسوان اني احميهن بعيوني ما ابجيهم
وخر منا كلك ع بعضك ما تسوة فلس
مزبان: ساكتلك حيل واخر تنبيه الك احترم
: احتراماتك لروحك انت ما احترمك لو اموت
صوت طلق نار طار عقلي واني اشوف الدم
يتطافر منه
مو سهلة التحبه كدامك يطيح
سند عمري وتجايتي الما يهزها الريح

صحت بصوووت: رسللللللاااان
التفتت ع السلاح جان اللي ضاربة انصدددمت منه.....

اكثر بارت تعبت بي حرفيا انشلع كلبي كتبته ومعجبني ورجعت كتبت ومعجبني حذفت ورجعت كتبت وصار خلل ببرنامج الكتابة 🥲🥲
فهسه اريد منكم تنطونة لايكات وتعليقات ما تخسرون شي بعد عشيرتي ع كولة رسلان 🌚
هذا يوزر الانستا j0j1.2