نيران رسلان

البارت الثالث والعشرين

البارت الثالث والعشرين
تنهد: اي اعرف مكانها  بس تطلعين من العدة اخذج الها
وجعني كلبي: ليش مو هسه
: انتي هسه داخلة بعده متكدرين تطلعين وياية ولازم اني اخذج
: ليش ما اروح وحدي
: كلشي الة اسبابة
: تمام
: محتاجه شي امانه الله المسواك او اي شي ادزلج الولد
: لا تسلم دلفري موجود انطاك العافية ع كلشي
: الله يعافيج مسويت شي
سديت التلفون
وبقيت افكر بكلشي اوووف يخالة ليش رحتي

عشت ايامي انتظر العدة تخلص
مرت ايام اسبوع اثنين شهر شهرين
جنت اتصل بخوات رسلان اتطمن ع خالة
كمت الصبح تريكت كاعدة اشتغل اجاني اتصال من اخته
ابتسمت: الو هلا والله
: هلا بيج حياتي شلونج
: الحمد لله زينه
: شلون البيبي
ابتسمت وحطيت ايدي: يسلم عليج متعبني شوي
: الله يحفظه نيلان
: اتفضلي حبيبي
: اريد اكلج شي بس مترددة
: انتو خوات الغالي صدكيني لو تطلبون روحي ما اكول لا
: تسلم روحج بس امي
فزيت: شبيها خالة
: امي مو مرتاحه يمنه خصوصا وية زلمنه
ابتسمت: صدكيني اني المو مرتاحه اصلا كيفت كلبي يوجعني لانو اريدها يمي وهيه وصية رسلان الي شلون اعوفها اليوم اجي اخذها باوعت للساعه حركب السيارة واجي هسه
رحت بدلت وركبت السيارة جتي ام محمد تسالني عن خالة
ابتسمت: هو اني رايحه اجيبها ان شا الله
ام محمد: حياها الله والله فرحت
رحت سلمت ع اخت رسلان وكعدت سالت شلونكم اخباركم
التفتت ع خالة: خالة شنو رايج تجين وياي والله اتونس وياج الله يخليج تعالي وياي اني محتاجتج يمي
باوعت لبنتها
وباوعتلي تنهدت: ان شا الله
كيفت: يعني تروحين وياي هسه
هزت راسها: اي
تنهدت براحه: الحمد لله هسه ارتاحيت يلا امشي خالة هسه
كالت اخت رسلان وكت غدا مو مال تمشون
ابتسمت: خل اخذ خالة ما صدكت تريد تجي خاف تغير رايها ان شا الله ع غير مرة نجي
راحت خالة جابت ملابسها
ورجعنه للسيارة
ابتسمت: خالة وين حابة تتغدين باي مطعم
جانت مكسورة كالت بضعف: بكيفج بنيتي
حطيت ايدي ع وجهي افكر: اممم اتذكر تحبيين مطعم **تروحين نطلب من هناك
بلعت ريكها: بكيفج
: تدللين كم ام رسلان اكو
صدت بصفحه حسيتها تبجي كلت خل ترتاح
رحت طلبت اكل ورحنه للبيت
كعدنه اكلنا شغلت التلفزيون لخالة وكعدت تتفرج
اجا ابو التوصيل جايب فواكه وكرزات
رحت سويتلها ماعون فواكه الي والها وكعدنه ناكل
كتلها: والله هسه نور البيت
ابتسمت: بوجودج
: تسلمين خالة

ورجعت اشتغل
ع اللابتوب وهيه ع التلفزيون
اتصلت بالمحامية: السلام عليكم شلونج ست
......
: الحمد لله زينه اسال عنج
......
: بصراحه اتصلت اريدج تشوفين ابو البيت اللي كاعدة بي شكد يريد واشتري البيت منه
.....
: ياريت والله ورجعيلي خبر
...
: ان شا الله شكرا الج

سألت خالة: تريدين تشترين البيت
هزيت راسي وتنهد باوعت للبيت بحنين: هالبيت احلى بيت عشت بي وية رسلان كلة ذكريات حلوة مكدر افرط بي كلت اشتري واخلص من الايجار
ابتسمت: الف مبروك مقدما
ابتسمت الها: ومبروك الج عمه
باوعت باستغراب
: بعدين تعرفين
رجعت كملت شغل
اجا الليل الليلة الليلة الموعودة لبست هدومي وطلعت خالة نايمه

لبست قمصلة ام الكبوس الدنيا بدت تبرد
وطلعت
ركبت سيارتي وتوجهت للمكان
راقبته من بعيد

عبرت السور الموجود ورحت ورا المعمل

رشيت نفط ووشغلت عود الكبريت وذبيتها وركضت بسرعه برا السور شغلت السيارة ورجعت للبيت فتحت الباب ع كيفي وفتحت باب الغرفة

: وين جنتي بهالليل....