البارت التاسع عشر
سديته بوجهة واني ادعي لرسلان ان شا الله ميصير بي شي امه قبل كم يوم وهسه مرت ابوية يربي شبيهم على حظي فتت للغرفة واني ابجي
دخلت للغرفة ظلام استغربت امي كاعد تسوي عشا وهيه ماكو
فتحت الضوة دورت ماكو ع الجرباية
كاعدة بزاوية الغرفة ضامة روحها وساندة ايدها وراسها ع رجلها
وخرت شعرها عن وجهها جانت نايمه
فزت وجانت دموعها ع خدها وحظنتني وكامت تبجي
: انت بخير؟
استغربت شبيها: شكو شبيج
بعدت عني
بدت تبجي: خابرت ام سديم وتبجي وتدعي وتكلي رجلج حط اخوتج بالسجن اني مو كتلك شكو شصاير ليش ما حجيتلي شي
تنهدت: وبعدين وياهم
تربعت كبالها: اسمعيني من كاعدين وخابرني حارس الامن كلي ترا جمي كم ولد وضربو الباب حيل وخلعو ودخلو ما لكو شي وطلعو فاتصل يوصلي خبر اخذت مواصفاتهم اخوتج تريديني اسكت مستحيل لو اني مو هنا وانتي وحدج شستفاد اني بيهم
طلعت الكاميرات وديتها للشرطة وحبسوهم حسبالج اوكف ليهنا لا
سويت كعدة عشائرية وما اسكت الا اجيبة مربع
سكتت هواي احتراما الج بس طفح الكيل اخاف عبالهم طلعت من المافيا وما بقى عندي فلوس الحمد لله عندي فلوس اشتري بيتهم اللي همه بي واشردهم مثل لجلاب بس كلت لخاطرج وسكتت
مسحت دموعها: دموعج ما تنزليها عليهم وامج ليهسه ادورلها مبقى شي
ابتسمتلي بوجع ورجعت حظنتني: الله لا يحرمني منك
ابتسمت الها: ولا منج كومي وية امي اني ابدل واجي اتعشى
طلعت تنهدت ياربي شسوي وياها ما اريد ابجيها السوو اخوانها مو سهل همه اللي الهم ايد بقتل ابني شلون افهمها
رحت وية عمه اسوي اكل كملنا اكل وتخنزر بية
كل شوي ما اهتميت
كعدنه تعشينه رجعت اشتغلت دحكت الساعة ب١١نعست ورحت نمت هو جان نايم وعمه نايمة
نمت
مكان غريب بديت ادور بالمكان مكان غريب بيت قديم
صحت بصوت: اكوووو احد
رحت للباب بديت افتحه مينفتح بديت اضرب: افتحو الباب منو هنا
كم ضربة والباب وكع
طلعت ماكو احد صحراء شمس قوية وماكو اي بيت هناك او حتى كوخ
جتني صوت ضحك طفل ببراءة
فزيت لزمت كلبي بسم الله شنو هالحلم رحت شربت مي بديت اقرة المعوذات واية الكرسي واستغفر
ارتاحيت شوي رحت كعدت ع القنفه باوعت الساعة ب٢معقولة هالحلم من ال١١ليهسه والكابوس بس مدته صغيرة سبحان الله
يارب لا تحرمني من رسلان واحفظلي ايا ولا تختبرني بي يارب ما الي غيرة بهالدنيا
ابتسمت معقول صوت ضحكة الطفل اكون حامل حطيت ايدي ع بطني يارب العوض
فزيت وايد ع ايدي
بعد ايدة: اسف كعدتج بس
تنهد وسكت
استغربت: بس شنو
بلع ريكه بقهر: من جنتي حامل جنتي تنامين هيج حاطة ايدج ع بطنج وجنت دائما احط ايدي ع ايدج
ابتسمت اله: ما تدري يمكن الله يعوضنه
انصدم وفرح حط ايدة ع حلكة ورجفت شفايفة: حااامل
باوعتلة: ما كلت حامل ع كيفك بس كتلك ما تدري يمكن الله يعوضنه بشي يوم
حظني وكال: يارب ان شا الله والله شكد اتمنى الله يعوضنا
نزلت دموعي: الله يعوضنا ان شا الله
مسحت دموعي وهو مسح دموعه
كمت كتلة: اسويلك ريوك
لزم ايدي وكعدني: اتريكت بس ما كدرت اقاوم نفسي وما احط ايدي ع ايدج وكعدتج تاخرت ع الشغل كام وراح اني ابتسمت يارب تجبر خواطرنه
اجا الظهر تغدينه كال اخذت اجازة باقي اليوم وراح ياخذني لمكان
استغربت
ركبنا السيارة ورحنه بالطريق نزل اشترة مي وورد
وراها نزلنه بمطعم اكلنا وعمتي ويانه
طلبنا موطة بما انو الجو حار ورحنه لبيت اخته سلمنه عليها وبقت عمه يمها ليهسه ما عرفت ليش المي والورد عزة بس لا ناوي يخطب غير اذبحه دقيقة اذا رايح يخطب ياخذ مي: ضحكت ع روحي
كال باستغراب: ضحكينه ست نيلان
ابتسمت كتلة: المي والورد المن جايبهم
سوة نفسة يفكر: مدري يمكن اخطب وحدة حتى اطبق الشرع ضربته ع جتفة حيل
صاح: يمعودة ايدي
كتلة: لا تتحرش وتحاول تعصبني تخطب غير اذبحك بايدي
ضحك: شكو بيها انتي احبسج ع كولة ام محمد وهذيج اخذها وياية
باوعت بطرف عيني انت حظرتك واكف تتسنط ع النسوان مو عيب
ضحك: والله فتحت الباب محد حس وسمعت السالفة بيها بنية كلت خل اسمع اذا حلو تخطبولي اياها عيون مها وشعر طويل(مو كويل 😭🤦🏻♀️) وخشم سيف مرسومه رسم جيت اكللكم اخطبوها ثاريها تقصدج ههههههههه
رجعت شعري ليورا: شوف اني شكد حلوة كلها تتغزل بية حتى انت ع الوصف حبيتني
ابتسم وتنهد: والله اعشقج مو بس احبج ولج غير انتي روحي بدون روحي شلون اعيش
وكمل الطريق غزل
قبل لا نوصل للمكان غمض عيوني ما قبل يحجي وين رايحين
وصلنا وخر الغطا عن عيوني
وشفته انعصر كلبي باوعت لرسلان: لا الله يخليك مو وكتها ليش ما كتلي......
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
