#أنا _جواهر

الفصل الثالث عشر

وبعد ماكملت اسبوعين ثم شهر ثم شهر ونص كلم خالد على امي ماكلم علي وامي لامته وهاوشته وشلون تترك زوجتك وولدك ولا تسال عنهم قال شايف اخوها يوم يمرها من البيت داري انهم عندكم وأنا دقيت بقولك قولي لجواهر تراني تملكت وزواجي قريب وقولي لها لاسمع لها صوت عند اهلي ولا تتكلم بشي لين مايتم الزواج ويخلص؟ أول ماقالت لي امي اللي قاله حلفت بالله ماتنزل دمعه من عيوني عليه وحلفت بالته ما اضعف لاني شفت كسرة الخاطر والقهر بعيون امي .. وكملت اسبوعين ونص وخالد لاحياة لمن تنادي وكانه شي واختفى مايرد على اي احد. قررت اتركه لين يطيح اللي براسه وجلست انتبه لولدي وشرت له امي سرير عشان مايطيح وحطته بغرفتي وشرت له دولاب صغير، وكل يوم يزيد همي وامي كل ماشافتني تخمني وتقرا علي وأنا كل الوقت ارسل له ما همني أنا وش بالنسبة له بس ولده ماابيه يجفاه شلون يتحمل اسبوع وكم يوم مايدري عن ولده ولا يسال عنه ؟
المهم تزوج خالد ولا سالت عنه ولا ارسلت ولا جبت طاري هو كان متوقع اني بتصل ولا بسال ولا بجي للرياض واعلم اهله لكن لا عطيته بلوك وخليت التواصل معه مع امي، أنا كان خاطري عايفه وجرحه بقلبي لدرجة ماابي اسمع صوته حتى وصارت امي أول ماتشوف رقمه يدق تقوم من عندي وتزوجت خلاص وزوجته معه وكل اموره تمام وبعد زواجه بكم شهر قرر يجي يشوف فيصل وجاء للمجلس وجابته له امي واخواني يحسبون بيننا مشاكل عادية ويوم جابت له امي فيصل قال وجوهره وينها ليش ماجت تسلم علي ؟ تقول امي ما استحيت وقلتها بوجهه جوهره اللي جاها منك يكفيها ماتبي تشوف وجهك ولا تسمع حسك يوم درت انك جاي صعدت لفوق.. وكم مره يجي ويشوف فيصل ولا يلقاني ولما شاف اني مبلكته بكل مكان اخذها عناد وجاء يوم بياخذ فيصل معه للرياض ، ومن اللي بيشيل ولدي بالطريق زوجته؟ ترجيت امي قلت تكفين قوليله لا لاياخذ ولدي بحضن زوجته لايروح يدخل بولدي على امه وابوه وزوجته اللي شايله ولدي تكفين واصيحح. ما ابي ياخذون ولدي حتى لو ابوه الولد صغييييير
قبل لا أكمل قصتي أول شي رد لكثير من اسئلتكم أنا مو اسمي الصدقي جواهر أنا قلت بسمي لكم اسم ثاني، طبيعي ماراح اقول اسمي الصدقي وافضح نفسي الشي الثاني كيف اهلي ماشكو واخواني ما سالو الا سالو اخواني وخوالي وماخلو عنه شي وسمعته زينه والرجال مايعيبه شي وبالنسبة كيف هو قبيلي وأنا لا كثير من اقاربنا متزوجين قبليين بالرياض ومتزوجين قبليين بدو ف اهلي عارفين ان هم جايين ونحن من .. وبحكم إني كنت ارفض الي يخطبوني دايم ف كان حلم امي يوم شافتني موافقه على احد وامه كلمت امي خطبتني منه وكل شسي ماشي بالتمام الا يوم زواجي منه، اهله اختفوا وتراجعوا (زي قولة سوينا اللي علينا وخلاص) وامي ما شكت بشي من ناحية حمولتي لأني سافرت برا مع زوجي كم شهر وبعدها حملت وماكان فيه مناسبه تجمعهم سوا، وبان كل شي بوقت استقبالي لما ما جاء احد من اهله هنا امي كانت شاكه وعرفت كل شي بعد ماصارحتها