#أنا _جواهر

الفصل الثامن عشر

ويرجعون للمجلس واكيد علموا خالد اني انا رفضت بعد ماراحوا جو اخواني وخالي وقالو يووه لو تشوفين خالد يوم دخل ابوه وعطاه الشيك يقولون شوي ويصيح وبدت يدينه ترجف وكأنه بيدخل ياخذك غصب هنا انا ما احكيلكم سعادتي وفرحتي حسيت اني انتقمت مررررررره ويمكن اللي خلاه خلال ٢٤ ساعه يكون بالبيت رسالتي الله اني بخلعه وخلاص مافي امل ارجع له. بمجرد التفكير اني قهرته وحسسته انه خسر جواهر هنا حسيت بانتعاش ونششاااط وفكرت اسوي فيلر لشفايفي وضيعت راتبي على عيادات وتنظيف وابدا اهتم بنفسي اكثر واكثر وحبيت نفسي كثيرررررر خلاص حسيت اني رجعت جواهر اللي قبل الزواج اللي كل فلوسها تروح ع صيدليات وعيادات واهتمام وخلطات وبشرتي تلمع من مسافة كيلو، راحت الهالات راح الوجه الشاحب راح كل هم على قلبي صرت اهتم بنفسي فوق ماتتخيلون كملت بالنادي نحفت ٧ كيلو وصلت الجسم اللي ابيه اهتميت بشعري ورجعته كثيف عقب السهر والحاله القشرا تجددت بكل مافيني وبكل روحي
جتني ورقت طلاقي من هنا ومن هناك طرت فووووق بين العاب فيصل وحتى هو صار هو صدييقي وابوي وزوجي وكل شي فقدته بحياتي عوضني الله فيه بفيصل وصار الحب والعشق اللي بقلبي خالد كله انتقل لفيصل وصرت مابين روام ونادي ومحلات اللعاب وعيادات وخلطات، بس طبعا بوجود اهلي الللا يحرمني منهم . ولكن القرايب اكانو ينظرون لي بنظره تخلي الوحده تكره روحها صدق ؟ جت الضعيفه جت المسكينه جت ام الوليد (ام الولد يعني كذا ينطقوها العجايز معنا مو اسم ولدي ) ياحوول ساعدوها شيلو مدري وش! وما احيلكم عن حريم خوالي وعماتي ماعندك نيه زواج؟ ماودك ترجعين لابوه؟ ماتفكرين تجيبين له اخوان؟ ماتحسين عمرك بيروح كذا؟ لاتضيعين عمرك عشان فيصل بكرا يكبر ويتزوج ويلهي وووو صرت اكره اروح لأجتماعاتهم ما كان عندهم سالفه الا انا ؟ صرت مااروح فعلا وصار الويكند اقضيه مع فيصل بالبيت ابرك لي من مقابلهم، بعد فتره انخطبت من رجل مطلق وعنده ٣ اطقال مع امهم انا داخليا وعقليا وقناعتي رافضه الزواج تمام ولكن مدري وش خلاني وقلت يلا ماابي اظلم نفسي توني بنت والرجال ما عليه
وبحكم اني شخصية ماتجامل وما عرف احب أي احد بسرعه واتقبله شرطت عليه تكون ملكه وبعدين ٣ شهور الزواج واتوقع هذا افضل قرار سويته بحياتي المهم كان مهندس وماعليه ماديا وخلوق ووو وسالو عنه اخواني ورجال ما كلام قلت يلا واشوفه شوفه شرعية وماحسيت بشعور قلت يمكن احساسي مات عقب اللي صارلي وتوكلت على الله وتملكت بعد ملكتي باسبوع جاء هالشخص اللي تملكت عليه لنفرض اسمه عبدالله جاي للبيت على اساس نجلس مع بعض ونسولف واعرفه ويعرفني اكثر ونتفاهم باشياء كثير ومن يوم فتحت له الباب ودخل سلم علي سبحان الله كشيت منه مره كان رجال كبير عمره يمكن ٣٤ واستحيت منه كثير ودخل المجلس وريحته دهن عووووود، ويجلس ويسولف ويسلم وسبحان من ماحط فيه القبول من اول ماسولف وهو عيونه مو عيون واحد جاي يشوف بنت يطمنها ويسولفون عن حياتهم لا
تعرفون نظرات الوحش؟ نظرات شخص مفترس وفيه شراهه وتحسون نظرته قذردددرررررره ١١ هو هذا الشعور اللي جاني ويبدأ يطلع من الكيس ساعة الماس كلهاا تلمع ويحطها بحضني ويقول مو قدرك ولكن ماحب ادخل ويدي فاضيه، حسيت يابنات انه جاي يشتري قبولي له بطمع يحسبني بشهق وبطير فيها ولا مدري وشر بباله ولكن كان انسان مايريح ابدا الدرجة بغيت ارجع الساعه واقوله مااخذ شي من احد غريب كانه مراهق على كبر كانه مشفوح ماادري ماحبيته جلست اسلك له وماصدقت متى يقوم من عندي وكل كلامه انا احب اللي تدلعني وانا احب اسمع كلام حلو واحب تهتم فيني وانا وانا وانا المهم قرفني لدرجة ما ابتسمت بوجهه ويوم قام بيطلع حس اني ماحبيته، إلتفت لي وقال ترا الساعه هذي خفايف ولا حقك اكثر ويبتسم وانا ودي استفرغ بووجهه وش هاللاسلوب! واثعد لغرفتي واجلس اصيييييييييييح ابكي من قرف نظراته واسلوبه يع يع يع، يمكني متعود على نظرات الحب اللي كان يشوفني بها خالد يمكني كنت متعوده على شخص يقول انتي وش اللي تبينه يمكن كنت اقارن بين شخص شهواني وبين شخص يحبني صدق