#أنا _جواهر

الفصل الثلاثين والأخير

وبعد السلام والمجاملات والدعاوي قالت انا ياام عبد العزيز ما ادري وش اقول لكم لا اعتذار بيكفي ولا تبريرات بتوفي، ولكن انا جايه ابي جواهر تسمعني زين وتكمل وهي عيونها مغورقه وتقول انتي ياجواهر ام وجربتي وش شعور الام وهي تشوف ولدها يتعب ويتعذب، وانا والله ماحصل لك حصل انا ولدي خالد منتهي ماهو ولدي اللي اعرفه مايعتبرني موجوده وولايجلس بالبيت وزوجته ولدت ولا طرا له يسلم عليها ولا عنده لهفه لولده وتغز على معها شهقت يوم عرفت ان هذا اخو فيصل قمت وانا ماسكه عبرتي واخذته منها واضمممه واشم ريحته ماهمتني امه كان كل ي أن هذا من ريحة فيصل اخو ولدي واجلس بالكنب جنبها وهي تبكي وتقول والله ونعم التربيه ووالله ونعم الاخلاق وتكفين ياجواهر وتطلع جوالها وتوريني صورة خالد نايم بغرفته وهو يضم شالي وتقولي شوفي ولدي شلون ينام شوفي والته ياحواهر ان ابوه يحط اللوم علي ويقول انتي اللي سويتي بالولد كذا وان زوجته ما امداها تطلع من النفاس الا وهي طالبة الطلاق منه وطلقها بدون تفكير وانا كنت اظن ولدي اذا حملت زوجته وجابت له الولد بيلهى ويعيش حياته لكن ولدي تعبان كثيير و حتى زوجته يوم طلقها جدعت علينا ولدها وقالت انتم اهله انتم تربونه والبلاوي جته من كل جهه
انا اسكتت قالت امي معليش يا ام فهد بس انتي تبين بنتي تجي لكم مربيه ؟ قالت ١١١٧ هذا المقصد انا ابيها ترجع لولدي وتصيح وتقول ولا هالولد هذا عندي وانا اللي بربيه والله قالت امي وانتي وش رايك ياجواهر قالت خالتي اسمعي ياجواهر لك مهر جديد مثل مهر البنت ولك عرس والله لا اسوي لك حفل يتكلمون به الرياض كله واذا تبين بيت انتي اختاري والأثاث انتي تختارينه واللي تبينه يصير وخالك قايل آذين رجعت جواهر لخالد لها اللي تشرطه وان بغيتي بيت عند اهلك ببريده ولا بالرياض ووانا انزل راسي اشوف اللي معي قلت وش اسمه قالت سماه خالد ريان، قلت لو فكرت برجع ولو واحد بالميه ف هو عشان ريان مو عشان اي احد ثاني، ولو رجعت ف انا اللي بربيه ماني مخليته عندك انتي وعمي وابوه موجود، لكن الحين مااقدر ارد عليك بشي ابد قالت ليش وليش تطولينها يابنيتي والقرار بيدك يشهد الله علي انك احسن مني واكبر مني عقل وانك اسديتي فمنا عنك ومالقينا عليك شي الا كسرتي روسنا بطيبك وطيب اهلك وحنا شارينك باللي تطلبيه ولو كنت ادري ان سعادة ولدي معك والله ماكان صار الي صار ولكن ...
ولكن الشيطان والتفكير بالناس لعب بنا لعب ولا اللي زيك ينشري بالذهب ومهو دايم نحصله، ولاتحسبيني جاهله وماعرف بالحريم ترا عندي ٣ حريم عيال وانتي الرابعه ووالله ماخفت من ربي بيوم كثر خوفي من اني ظلمتك او اني غلطت عليك ولا على امك ولكن اخذتني العزه والغرور بنفسي ووالله انك تشرفينا وانتي احسن مننا، واذا مو عشاني ولا عشان عمك ولا ريان عشان خالد اللي كل ماشفت وجهه وكأنه عدوته نظرته عتاب وللوم وتكفين خففي عني هالشعور وخليني افرحه اني انا اللي برجعك له وترا والله انه مايعلم اني عندك اليوم ولا هو طلب مني اني اجي واقنعك اللي جابني عمك قالي روحي وحاولي بها عشان الولد ووالته ياام عبد العزيز لو تشوفين حالة ولدي أن ينفطر قلبك طبعا كلنا بالوقت كذا كنا دموع وصياح وامي ياقلبي هي كانت تبكي اكثر منها ضميت ريان لصدري وغمضت عيوني وانا اتحسس بجسمه واتخيل لو انه ولدي فيصل بعمره وكانت كل مشاعر الامومه انتفضت باللحظه ذي وقمت من عندها وصرت امشي بالولد لانه صاح وانا اهديه
وتكمل وتقول تكفين ياحواهر لاترديني والله لو ادري انك سعادة ولدي صدق كان حطيتك فوق راسي من اول، قالت امي شوفي يا ام فهد الحين مانقدر نرد عليك بشي ابد والبنت حالتها للحين مابعد تشافت من اللي عاشته قالت خالتي ابد لاترددون علي الحين ولا بكرا ولا بعده لك سنه كامله متى ماحسيتي انك مرتاحه وجاهزه دقو وعلموني واخذت حفيدها وطلعت اي وقت جيتها كانت غلط بالنسبه لي كنت توي آريح بالي من التفكير والتعب طلعنا للصاله اثر عبد العزيز عيونه شرار ومافيه كلمة شينه ماقالها يبونك مربيه يبونك عقب ما عافتهم بنت عمتهم وتوك تزينين بعيونهم يوم مسحت بهم الأرض ذيك وجدعت ولدهم عليهم ووو وليه مو هم مختارينها وتناسبهم ليه توك تحلين بعيونهم هي وزوجها ولا لانهم عارفين انننا طيبين ونخاف الله جت تذرف كم دمعتين وجايبه الولد معها عشان تكسر خواطركم اللي جاك منهم مايشفيه دهر وخلي الجهل والسقم والعقم اللي عايشينه يطيبون به ولدهم ويسعدونه به ماكثر الله الا البنات خلي يزوجونه ٤ لين تطلع اللي ترضيهم اما حنا ماعندنا بنات لعايلتهم هذا اختيارهم وهذا تفكيرهم وراه العادات والتقاليد حقتهم مامشت هالمره ولا على حسب المزاج يمشونها؟ لاتفكرين ولا مجرد تفكير انك بترجعين له اللي جاك منهم يكفي ويكفي أننا ماطلعنا عندهم بالشينه ويحمدون ربهم اننا الى الحين ماسمعناهم كلمه شينه
قالت امي المره ضعيفه حزينه على ولدها لاتلومها مانقدر نقول شي الضنا ماودك الواحد يوجع به احد قال وهم ما اوجعوها بضناها؟ ماجحدود ما اعترفوا به ليش حنا الحين لأزم نصير الطيبين وتراك يمه من اول السالفه للحين ساكتين عشانك، وقالي اذا بترجعين له بكيفك بس تراي منب راضي توك صغيره ازوجك سيد سيده هو واهله مايستاهلونك ولو يجيك شي منهم تراكم بتشوفون شي مايرضيكم، وانا واقفه اسمعه وهو منفعل ادري مو قصده يقول كلام يزعلني ولا يشتتني بس من قهره علي وضيقة صدره وقربت وحبيت راسه وقلت ماراح اسوي شي الا وانت راضي ولا راح افكر بالموضوع ابد لاني ما مستعده وانتم بعد لاتفكرون انا برتاح ، وقالي شيلي الموضوع من بالك الحين وخلك بعلاجك وبنفسك وبس ووفتح اخوي مشروع وخلاني امسكه وادري انه ماياخذ برايي فيه كل الوقت ولكن يبي يشغلني ويشغل تفكيري ، والحين مابين اهلي ونفسي وشغل اخوي، ماعندي صديقات اغلبهم انقطعت اخبارهم عني عقب انشغالي ذيك الايام وتمر ايامي تفكير بخالد وريان وكلام خالتي ومابين راضيه ورافضه ..