#أنا _جواهر

الفصل الحادي عشر

بعد شهر ونص من الملكة جاء دور امثل على امي سالفة البعثة الي من الشركة حقته نزلت لامي تحت وقلت يمه خالد يقول جته بعثه ٣ شهور برا ولازم خلال اسبوعين يكون هناك وانه قال تبين تجين معي منها تكون شهر عسل ومنها نكونين معي ولا تبين الزواج بعد السفر؟ المهم بعد ماقلت لامي هالسالفة قالت والله يا بنتي بكيفك انتي ابخص تبين عرس سوينا لك واذا تبين تروحين مع رجلك بهواك، ويوم شاورت اخواني قالو لي لا روحي معه دامه ملزوم بوقت معين واذا رجعتي نسوي لك اللي تبينه
وكلمت خالد وعلمته وجهزت اغراضي وحجز لي معه واخذت شناطي وباقي خواتي يساعدوني وودعت اهلي واخذني اخوي الكبير للرياض لان الطيارة من هناك، وعلى طول وصلت استقبلنا خالد المهم يوم نزلني اخوي بالمطار وراح كنت بناديه حسيت ودي اعترف له اقوله ترا السالفه كذا وكذذا حسيت ودي اهلي معي ودي بسند معي مجرد ما اتخيل اني كذبت على اهلي عشان اللي احبه يجيني خوووووف يوم دخلنا المطار وأنا يديني ترجف ودموعي على خدي واحاول ابين اني قوية بس ماش وقالي خالد لاتصيحين خلاص صار اللي نبيه بالضبط مو هذي فكرتك خلاص صارت ليه تتضايقين مو اهم شي اهلنا وعرفوا خلاص ؟ وباقي اهلي نلققمهم بطفل ونسكتهم مايقدرون يسون بنا شي
ولا احد يقدر يفرقنا وفعلا سافرنا وجلسنا بس شهرين ماكملنا الشهر الثالث وخلص واخذ شهادته من المعهد واول مارجعت السعودية بالرياض وداني لبيتنا اللي اول مره ادخله وكان كل الشهرين اللي فاتت خالد يحاول اني احمل ونحلل ومن مستشفى لمستشفى بس للاسف طلع عندي تكيسات بالرحم منعتني من الحمل ورجعت للسعودية وانا بالي مع أهلي كيف نقولهم مانبي زواج خلاص والحمدلته مع القران والعلااجات بعد شهر من الرجعة حملت وطايرين من الفرحه انه خلاص صار بيننا شي متصل بنا ماحد يقدر يقول شي أو يتدخل وفرحت عشان اهلي يشيلون من بالهم سالفة حفلة الزواج وانه أنا حملت بعد تعب وماقدر اتحرك كثير وامثل لهم اني منشغله بحملي وزوجي وبس
كانت تحز بخاطري إذا دق ابوه يسال عنه وأنا جنبه ولا يجيب طاريي لي ولا يسال عني وحتى أمه ماكانت تعتبرني موجوده بس الله حق، ماكانوا يضروني أو يغلطون علي وحتى ماشافوني ولا مره وكان حملي بالقطار من بيت اهلي لبيت زووجي اهلي يهتمون فيني من هنا واذا رجعت لزوجي يهتم فيني وبحكم أن مالي اقارب بالرياض ف كانت طلعاتي معاه هو وبس وكان يحاول مايقصر معي بس مرات ينشغل وبعدها ولدت الحمدلته بالرياض وجبت ولد اسمه فيصل وكان كل تفكيري بعد ماولدت انه ابو خالد (عمي ) بيجي يشوف حفيده؟ امه بتجي ؟ كنت اصيح اني اشوف فرحة امي بولدي وفرحة زوجي بس بخاطري لو اهله كانوا معه قالت امي تبين استقبالك بالمستشفى؟ ووقتها تفلع وجهي ووجه خالد