استقبل مين؟ مين بيجي خواته ولا امه ولا ابوه ولا اخوانه احط استقبال بالرياض لمين ؟ اول ماقالت امي كذا واشوف وجه خالد اللي ماعرف يرد وانا دمعغت واقعد اصيييييحح اصيح قهر واصيح راحمه ولدي اللي ماجد معترف به من اهله وامي انهبلت تحسب انه جاني نزيف ولا جرحي انفك قلت لها لا بس تعبانه وخالد استغل الفرصه قال لا استقبال بلا خرابيط خليها ترتاح بس عندكم بالبيت والحفل لاحقين عليه ، امي هنا انفجرت وحست انه هو راس البلا بكل شي قالت وش اللي مافي استقبال ومافي زواج ومدري ايش اذا انت مامعك شي تعطيه لبنتي أنا اسوي لها استقبال من اول المستشفى لاخره وانا اللي بحط لبنتي وبسوي لولدها استقبال كلن يتكلم فيه وبسوي لها بالرياض وببريده عندي بالبيت ولا بخلي بخاطرها شي لاصار حتى ولدك ماتبي تحتفل به انا بحتفل بحفيدي
المهم إن امي شاشت علي خالد وهاوشته وحطت اللوم عليه بالزواج ماسوينا وبالحفل ماسوينا والحين باستقبال ولدك ماراح تسوي ؟ وانا طبعا اسمعهم يتجادلون كنت منهاره حسيت خلاص امي بتدري عن كل شي وبتعرف إن زواجنا مو معلن عند اهله وبتدري إني كذبت عليها وإني اعرفه من قبل اتزوجه وبيدرون اخواني وكل شي بيكون فوق راسي واسكت ورفضتت نحط استقبال بالرياض وقلت لامي اني تعبانه خلي استقبالي مره وحده وراحت امس تشوف ولدي بالحضانة وخالد عندي قلت له ابوك مادق ؟ قال الا ارسلت له صورت الولد بالقروب ودق يبارك قلت ماراح يجي؟ قال مادري قلت وامك؟ قال مادري قلت مو تقول اذا جانا ضنا خلاص اهلك بيقتنعون إني زوجتك صدق وبيصير كل شي طبيعي ؟ قال انتي تبين كل شي يتغير بيوم وليله اصبري قلت طيب ..
وصبرت صصبرت صبرت لين تم ولدي ٣ اسابيع، هنا امي مسكتني وقالت اسمعي سالفة ان لا ابوه ولا امه جو يزورونك بالمستشفى اعديها، لكن مايجون حتى الاستقبال ولدك هنا وش ينتظرون؟ انتي مسويه لهم شي ؟ مزعله خالتك ولا خالك ووبالفتره اللي مسكتني بها امي كان خالد يتهرب من سالفة إن امه بتجي ولا ابوه وكان مره يرد علي ومره مايرد وقلبي موجعني كثير وكل ليله اضم ولدي واستودع الله حياته وقلبي، المهم بعد ماشفت إن خالد بدأ يتهرب من الاسئلة وحسيته بعيد عني أنا ببريده وهو بالرياض وكل ماسالته عن شي عن اهله تهرب زود قررت اني اعترف لأمي كل شي لأن اعرف امي ماراح تسكت بتدق على ام خالد وتسفل بها بحكم انه حفيدكم ماتشوفونه ليش i!! وامسك امي الظهر بوقت ماهي فاضية وقبل اتكلم جتني غصه قويييييييييه مره وقبل اتكلم بحرف انفجرت اصصيح واقولها اسفه يمه اسفه ، امي انهبلت وقالت والله يابنتي من طلعتي من بيتي للمطار وأنا حاس قلبي إن فيه شي
وقالت تبون ابوه ؟ عندكم هذا خالد زوجها ماطلقها لكن حنا ماعندنا لكم شي وكلمني خالد ومعصب ويهاوش وليه تكلمون امي وليه تتدخل امك ووو كلام كثير وكلمني خالد ومعصب ويهاوش وليه تكلمون امي وليش تتدخل امك ووو كلام كثير، قلت مو انت قلت لي جيبي مني طفل واخلي زواجنا علني وماحد يقدر يقول شي؟ لمتى بعيش منبوذه أنا وولدي، قال خلاص أنا اتفاهم مع امي مو انتم قلت طيب ماعندي مشكله خلاص اهلك بكيفهم اهم ماعلي انت وفيصل دام اهلك مافيهم رجا بيكفي، وخلصت نفاسي ورجعت للرياض .. وبعد ٣ شهور من سعادة فرحتنا بفيصل وتغيير بالبيت وضحك ومشاعر حلوه جاني خالد بعد ٣ شهور يقولي إنه امه خطبت له حفيدة عمته الكبيرة وانها وهقتني معهم ومدري ايش وكان ضايق صدره ممممره
قلت وش مضيق صدرك؟ خلي يقولون اللي يبون انت متزوج وخلاص ليش تهتم بالكلام قال اقولك امي خطبت لي ، قلت طيب صارح عمتك وقول إنك متزوج قال لا امي بتزعل علي قلت حلوه ذي شلون يعني الحين ؟ وجاء لي بيوم قال وش بتسوين؟ قلت اسوي ب ايش ؟ قال باللي يبونه اهلي قلت انت رجال متزوج وعندك ولد تتوقع عمتك لو بتدري بترضى ؟ قال اصلا بنتها مطلقه يعني ماراح تتشرط قلت وانت تعمقت بالموضوع ليش؟ قال أنا اشوف إن راي امي صح دامها بتعلن زواجنا أنا وياك بعد ما اتزوج حفيدة عمتي وبكذا يكون ولدنا مع عمانه وعيال عمانه وانتي مع حريم اخواني وليلة لك وليلة لبنت عمتي، قلت يعني زوجتك الثانية يعترف بها؟ وأنا ام ولدك بتعلن زواجي فيك بعد زواجك منها ؟؟ ليش أنا اسرائيلية ولا يهودية ولا وشو بالضبط مافهمت؟
قام يعصب وانتي امك هي اللي عاندت امي ووو.... قلت ؛ اسمع اسمع نهاية الكلام، ي تعترف بولدي وبزواجي منك ولا أنا اللي بخليه معلن غصب قال تهددين ومدري ايش ونتهاوش ووصلت مرحلة إني رمي علي كاس قزاز وجرح كتفي ، والي فهمته من كلامه إن حفيدة عمته وعمته عارفين ان خالد متزوج وعنده ولد وشارطين بزواجها منه أنه مايعترف بولدي وفيني الا بعد مايتزوج حفيدة عمته بسنة على طول رحت لغرفتي ودقيت على احن البشر على امي واكلمها وأنا منهاره واعلمها كل شي وكتفي ينزف من الدم وفيني قهررر قهر قهر، سكرت امي مني ودقت عليه مايرد وتدق مايرد ويجي آخر الليل مايرجع البيت وجلست ٣ ايام وهو مادخل علي، ماقدرت امي تتحمل اكثر ارسلت لي اخوي واخذت اغراضي اللي احتاج وملابس فصولي ورجعت مع اخوي لبريده وقلت لاخوي إن خالد مسافر رحت عند امي وكملت اسبوع وخالد لا يرد ولا يكلم ولا يرسل
أنت تقرأ
#أنا _جواهر
Não Ficçãoقصة جواهر وخالد وولدهم كاملة - تصدرت قصة جواهر وخالد خلال الساعات الماضية ترند المملكة العربية السعودية ، وانتشرت في المجتمع الخليجي بشكل كبير ، إذ أصبحت الرواية الأكثر شهرة منذ صدورها ، وبدأ نشطاء وسائل التواصل الاجتماعي يتداولونها في تويتر ومنصة ت...
