#أنا _جواهر

الفصل السابع عشر

ما سالت هل زوجة خالد هي اللي منتبهه له بالطريق ما سالت عن ولا شي ماابي اوجع راسي خلاص الولد ذولا اهله ، بعد فترة مو طويله مابين نادي ودوامي وجلستي مع فيصل جاني شخص تقدم لي وبحكم اني مو مطلقه وعلى ذمة خالد كانت امي ترفض وتقول البنت للآن ماتطلقت بعد كثرة الاتصالات بحكم إنه لي فتره طويله عند اهلي والناس يخطبون على اساس اني مطلقه وعندي ولد، حسيت ماابي اصبر زياده واجلس كذا أظلم نفسسي للمره الثانيه وانتظره لين يطلق وباللي ادخره لراتبي لفيصل فكرت ليه ما اخلعه ؟ واعطي اللي جمعته لفيصل يكون مهر، وخلاص اكمل حياتي بعيد عنه ليه هو متزوج ومستانس وانا مخليني معلقه مستحيل أظلم نفسي زود. المهم بعد ماجمعت نص مبلغ المهر ما علمت اهلي لان ادري بيقولون حنا بنوقف معك ونعطيك ووو وكلام كثير كنت ابي مثل ماخطيت بالزواج بنفسي اكمل اللي بديته انا وبحكم ان عمري ٢١ ماعرف محاكم ولا محامين ولا اي شي ، اول شي سويته قبل ما احط هالشي براسي اني مسكت جوالي بدون تفكير وارسلت لخالد السلام عليكم ابو فيصل عسى والديك بخير حبيت اعطيك خبر إني ببدا بإجراءات الخلع ولا اعرف المحكمه كم بتقدر لي قيمة ترجيع المهر ولكن انا الان معي النص ولو ماطولت بالقضيه بعطيك اياه كامل بوقت واحد
جاني الرد منه بنفس الدقيقه زين من بكرا جتني امي قالت خالد مرسلك شي قلت لا قالت انه داق ويقول بيجي بكرا معنا هو وابوه، انا هنا انهبببببلت، ابببوه؟ اللي ماعمري شفته الا بالصور رحت فتحت جوالي اراجع رسالتي ليكون قلت شي غلط ولا كلامي فيه شي، قلت خلاص بكيفه دامي ماغلطت ماعلي منه ويوم صار بكرا ويجي فعلا هو وابوه و ٢ من اخوانه، وكانو اخواني وخالي موجودين . وامي على اعصابها وش يبون آنا جاني برووود وكره لهم لدرجة ودي ادخل اتفل عليهم كلهم، خير باي وجه جايين؟ بس استانست قلت يمكن مراسم الطلاق عندهم كذا وكنت ادخل على خواتي واقولهم ترقبوا بعد شوي اصغر مطلقه ببريده .. هم جالسين بالمجلس وانا وامي وخواتي بالصاله على نار بشوف وش عندهم، ما اخفيكم كنت متوتره، شوي الا اسمع اصوات الرجال تطلع؟ خفت خفت خفت كثير اسمع صوت شوي الا يطلع اخوي ويقولي تعالي قلتله سم قال تعالي ادخلي على خالد وابوه يبون يتكلمون معك قلت مهبول انت صاحي؟ وش ابي به قال انتي قايله له انك بتخلعينه قلت اي وبخلع عيونه بعد ماابيه افهموا ما ابيه خلاص وش يبي ويرجع اخوي للمجلس ويطلع بعده خالي قال تعالي ويجلس وانا تخنقني العبره، تعرفون عبرة الشرهه؟ يعني جايني عقب ماسويت فيني كل ذا جايب معك ابوك واخوائك عشان ارجع؟ بعد ايش بعد ماكسرت قلبي

جاء خالي قالي اسمعي ابوه بيجي ويتكلم معك واللي تبينه بيصير بس شوفي أبوه وش يبي اذا خالد ماتبي تتكلمين معه خلي ابوه يكلمك وشوفي وش عنده وش بيضرك؟ وانا اشوف شكلي ببجامه واصعد اغير لبسي لبست قميص بيت قصير لنص الساق يعني على شكل جلابيه وحطيت روج وبس كان ودي اطلع بشكل احلى لانه اول مره يشوفني بس كانت عيوني غرقانه دموع ماقدرت احط شي، وانزل تحت واشوف خالي وابو خالد، واسلم عليه وانا العبره واقفه، راحممممه نفسي، ابوه ملتزم بسس حليل يعني واضح طيب وهادي وعاققل ، قال شلونك شلون فيصل وو، المهم قال تعالي بجنبي واجلس جنبه ويحط يده فوق يدي قال اسمعي يابنيتي هي كلمتين وماراح اكثرها، ادري ان اللي سواه خالد غلط ولكن يعلم الله اني ماشفت احد من عيالي يحب احد كثر ولدي خالد، وانه لو ما يحبك كان مانسف عمومتك واهله وراه واخذك انتي وانا عيونيي هنا طارت؟ على اساس ماخذني وفارضني عليهم مو مخبيني المهم قال والله ان خالد يبيك ويحبك وشاريك وباللي تشرطينه آن ماسواه هو سويته انا وانتي يوم شفت وجهك هالسمح اعترف اني بوقف معك انتي ضد ولدي واللي تبينه يصيرقلت له ياخال انا ماابي من ولدكم شسي أنا ابي انفصل عنه وبس، قال اذا قلتي هالشي عناد فكري به الف مره قلت لا والله مو عناد انا مالي خاطر به ياخال وابي انفصل،، طبعا انا انسانه قويه نوعا ما ولكن كل ماقلت شي عن نفسي مدري ليه دموعي تنزل وكنت اتكلم مع خالي وانا دمووووع ماوقفت ويطلع شيك من مخباه قال وهذي رضاوه من خالد وكان مكتوب ٣٠ الف، واناظرها باستحقار مرررره قلت لا والله اللي عافه خاطري ماترجعه ملايين، خالي شهق واللتفت علي خالي اخو امي قال لا البنت كايده ويضحكون قال يعني مره مرد؟ قلت ابد خلي يحطهن فوق اللي جمعت له واخلعهم به، وجاء يقوم من مكانه قال لا البنت عايفه عايفه ويحب راسي ويقول حقك علي وانا خالك وان بغيتي اي شي دقي علي انا وانا اقول بقلبي انقلع انت وولدك بس