#أنا _جواهر

الفصل الرابع والعشرين

وامسك زميل اخوي واعلمه كل شي وقلت له والله اني ماسويت بها شسي بس مسكت يدها وطلعت برا قال ماعليك ماتقدر تسوي شي بعد ٤٥ دقيقه بالضبط دخلت علي خالتي وجايه مسرعه شلونكم وشبكم فيصل طيب قلت ايه طيب قالت تغريد جت ؟ قلت ايه قالت ضعيفه تراها متهاوشه مع خالد وتعرفين هرمونات الحمل وتقعد وتفك طرحتها وتطلع جوالها تكلم خالد وتقوله تراي وصلت اللي فهمته من كل هذا ان خالد علاقته بزوجته شيه معدومه، واللي عرفته بعد ان تغريد مجننتهم ومهبله فيهم، من خوف خالتي وركضتها لي عرفت انهم يتوقعون منها اسوا الاحتمالات استغربت هم وش عرفهم وادق على اخوي عبد العزيز واقوله ان خالتي جت قالي ايه خليهم يتأدبون قلت شسسسالفه قال اني دقيت على خالد وومسحت به الأرض ولو تجيك ثاني مره لا اوديها بداهيه هو وياها وعلميني اي احد يجيك ويالله قضيت هاليوم بتوتر وخوف وقلق يعني زود على تعب ولدي جتني روعة زوجك ولدهم اللي كانت تشبه كل شي الا الانسان، كانت ملامحها حاده بشكل ومخيفه وكانت مبينه كبيره بالعمر يعني مو صغيره جلست افكر خالد تزوج علي واخذ هذي؟ استغربت خالد ليه مرسل امه وهو وينه مايجي ليكون ديك حبسته جت علي افكار من شفت وجهها افكار مرعبة وجلست اضحك واقول يستاهلون
شوي الا يجي خالد واضع كان مستعجل دخل وتغطيت وامه ترحب به وشوف فيصل مابه الا العافيه ياربي لك الحمد ويلتفت علي قال جت تغريد مارديت عليه سفهته وجلست اعدل مخدة فيصل قالت امه اي جت وتضحك تقول يابن الحلال هرمونات حمل قال خالد تاكل تين هي وحملها وكان معصصصصب ويتكلم ويجدع كلام على امه وامه تتضوحك وتحاول تهديه لايقول شي عندي بس قالت امه يابن الحلال تعرف تغريد قلبها ابيض ولا تدري ان فيصل بحسسسية ولدها، انا هنا طارت عيوني وانفجرت قلت تخسسسسي ذي تصير ام ولدي تخسي وتهبي وتعقب وتبطي تصير تحت مسمى ام اصلا قلت لهم كل شي قالته لي وقلت لخالد اسمع اذا براسك شي انت وزوجتك طلعه ببيتكم انا وولدي مو حق تصفية حسابات مو ناقصين زومبي يدخل الظهر اللي فينا مكفيينا امسك حرمتك لاني سكت هالمره عشان اللي ببطنها لكن ثاني مره والله مااسكت لاي احد يتعرض لولدي قال وانتي تحسبين فيصل ولدك لحالك هذا ولدي غصب عنك انتي واخوك وانا اللي لي الكلمه بكل شي عليه قلت لا ما هو ولدك قال الا ولدي قلت لا مو ولدك ويبدا يشدها بالكلام وامه تمسكه قلت وش بتسوي وش بتقول بتقول هذا ولدي ؟ بتقول الاكبر انا ابوك احبك وربيتك وانت كنت رافض تعترف فيه وولا احد من اهلك تنازل له يجيه اول ماطلع على الدنيا وش مسمى الأبوه عندك؟ انه يناديك باابا وبس؟ صرت ابوه واعترفت فيه طاح بالمستشفيات وينك عنه يوم تركته كم شهر عشان تلاحق التبن اللي ما احترمت ولدك بغيابك وجت وجدعت من الكلام وتدعي على ولدي قدام عيوني لا تخسى تصير ابوه وانت راضي بكل شي صار له وصار صوتي يتقطع وانا اتكلم وانا اشاهق وابكي واحاول اطلع عتاب سنين كاتمته بقلبي قلت له عمري مادقيت عليك الومك على ولاشي سويته فيني ولا عن اي وعود قلت لي بتسويها لكن ولدي لا مااسمح لك لا انت واللي اكبر منه يتعرض له بكلمه شينه وانا فيه وان جابت زوجتك ولد بتصير ابو فلان ماراح تصير ابو فيصل روح بر بامك وبالقبيله اللي بتدخلك الجنه ولدي مايتشرف فيك ولا بنسلك واصلك يايهود كل اهلك دين وملتزمين وانتم ما اعترفتو بولدي الا يوم صار بين الحياه والموت تذكرتو انكم اهله وانه محسوب عليكم. حن قلبك وطلع لك لسان يوم صار طريح الفراش ولا يوم هو اشيله بالمهاد واسهر عليه تعبان واوكله وارضعه واسهر عليه كل ليله كنت تراكض تأثث بيتك وتحقق حلم امك اللي عليه انبنى تعاست ولدي وماصار يشوف ابوه، بكييييت بكييييت وعزت علي نفسي وولدي لمتى اسكت اسكت اسسسسكت انفجرت مره وحده وقلت كلام كثير ليش تخليني احمل اذا بتخلي ولدي يتشتت ويتعذب مع اهلك وجهلهم وجلست فوق السرير واضم فيصل ويبكي معي واقولها ببصوت عالي حسبي الله عليكم واسمع امه تشاهق وتقول الله يهديك ياجواهر انتي فهمتي غلط هذا ولدنا وكيف مانعترف به ووتكلم وانا سافهتها وخالد كانت عيونه حمممممرا ونظراته تجي بيني وبين فيصل ولا عرف يرد علي بكلمه اللتفت على خالتي قلت روحي ياخاله تاخر الوقت اللي بتقولينه مو مغير شي وانا مايهمني الا صحة ولدي وبس ما ابي منكم شي ولا ولدي بحاجتكم جت خالتي قالت لاi١ ياجواهر عيب هالكلام مااسمح لك
ونمت من بعد شهور نومه عميييييييقه مرره عقب تعب وجهاد نفسي ومشاده بالكلام وحلمت ان ولدي فيصل صار كبير ورجال ووجهه كانه قبل يتعب بشوش وبرئ وكانه جايني يدخل علي البيت ويقولي يمه جوعاان ابي اكل وفزيت من نومي قمت الا اشوف فيصل كان جالس كان جالس فوق السرير مو منسدح واستغربت وقمت له بسرعه اشوفه اثره قايم من نفسه يقعد طرت من الفرحه وكنت بدق ابشر امي ان فيصل صار يتحرك من نفسه الا يدخل علي عبد العزيز ومن قوة الفرحه انه جاني فجاه قمت اخمه قال وشفيك وشفيك قلت فيصل قام جلس من نفسه ويستانسسس اخوي ويقوم يشيله ويلعبه ويطلع له لعبه جايبها له كنت نايمه وانا اردد إن بعد العسر يسرى وفعلا قمت وانا طايره من الفرحه فيصل صار يقوى نفسه واخوي جايني فجأة حط الاغراض عبد العزيز كان جايب لي قهوه ودونات وجايب لفيصل كم لعبه) وطلع يكلم الدكتور ويشوف عن فيصل، ماامدا اخوي يطلع الا يدخل خالد وانا اول ماشفته اول مره بحياتي من تطلقت يكسر خاطري كان وجهه تعبان وواضح مانام وعيونه حممرا تعطي علامه ان هالانسان كان يبكي ليله كاملة وجاء ببالي كلامه لامه امس وهو يقولها( كل اللي صارلي بسببك) رحمته رحمت ضعفه وقلة حيلته وتشتته بين زوجته وامه وولدي، تذكرت وانا اقول امس حسبي الله عليكم واستغفرت ودعيت ربي يغفرلي ويسامحهم ويشفي ولديي، دخل سلم وجلس عند فيصل ومسك يده ومافيه حيل يلعبه وويلتفت علي قال جواهر انا مافي كلام اقدر اقوله الا اني كل اللي اسويه لولدي من كل شي ومايحتاج اقولك ان الندم اكلني ولكن انا احاول اعوض ماضيعته من ايام بدون فيصل ومااقدر اقولك اني ما اخطيت بحقكم