#أنا _جواهر

الفصل الواحد والعشرين

لين يتم ٣ سنوات وبعدها يكون جسمه يتحمل العمليات والعلاجات اللي بتحسن من حالته لكن بهالعمر مانقدر نعطيه شي ودامه يجيه تشنجات لازم تكون الاجهزه عليه ولا يمكن هالتشنجات تسبب له توقف بالقلب جو اهلي قالو امشي ارجعي معنا ونروح لمكه وتدعين له ومدري ايش اهلي كانو يجوني كل ويكند ويرجعون) رفضت وانا دموعي على خدي ياناس هذا ولدي ضناي شلون تبوني اتركه وهو حي يتنفس صاحين انتم قالو بييجلس سنتين زود قلت لو يجلس دهر مااطلع من هنا لين يطلع هو اتركوني بس انا كذا مرتاحه رجعوا اهلي يوم السبت لبريده وانا عند ولدي الساعه ١٠ بالليل بدا يشقص نظره واحرك يدي على عيونه ماتتحرك عرفت ان بيجيه تشنج واللي خوفني ان كل ال ٣ شهور اللي فاتت ماتشنج الا مره بالاجهزه فتحت الستار وطلعت من الغرفه وانا لابسه عبايه بسس واطلع انادي النيرس دكتور نادوه نادوه ويجون يركضون معي ويشوفون الجهاز حق تخطيط القلب صار يطلع صوت وفيه رقم قاعد ينزل ووحده ماسكه الساعه بيدها وتحسب وتحسب ومن كلامها تقول للي معها نادو الدكتور بسرعه
وبغمضت عين اخذو ولدي من قدامي وشالوه وقالو لا تجين ويركضون وانا اركض معهم وانا لحححالي ماعرف شي اخذوه واختفوا من قدامي ؟ اهلي خلاص انتصفوا بالطريق لو بكلمهم بيسوون حادث وبهبلهم ماجا ببالي الا خالد وادق عليه وانا اصيح واول مارد كان منفجع عارف اني مادقيت بنفسي الا ان فيه شي وانا بالغرفه حقت ولدي جالسه على الكرسي وانتفض مادري وش سوو به ووين راحوا شوي الا يدخل خالد ومعه حرمه قال وشبك وين فيصل قلت مادري رح اسالهم ليه اخذوه كنت بطلع مع خالد الا تمسكني هالحرمه ذي وتقول اجلسسي لاتتحركين بيساله ويرجع قلت منهي انتي وتسمي علي وتعطيني الماء تقول اشربي هذا مقري فيه وبسم الله عليك ومدري ايش قالت انا خالتك ام خالد وانا اول مره بحياتي اشوفها بس كنت محتاجه احد عندي واضممممممها بقوه وانا اشاهق واقول تكفين ياخاله ابي ولدي خليهم يجيبونه وتجلسني على الكرسي وتقول لو الولد فيه شي كان جو وعلموك بس مافيه شي وانا ماغير ابكي شوي الا ويدخل خالد وهو يالته يتنفس ويقول مافيه شي بس حطوه بالعنايه لان جاه تشنج قوي هالمره
بمجرد ماسمعت اسم العنايه نزلت راسي عالارض وادعي يارب يارب يارب ومادعيت بولا كلمه ماكنت اقدر اتكلم حتى وتمسكني خالتي من يدي وتقول مافيه شي استهدي بالله واحط راسي على ركبتها وابكي قهررر حسيت ان الله ماييحبني او اني سويت شسي بحياتي خلاني اعاني هالكثير جلست افكر اناماعمري ظلمت احد ولا عمري اذيت احد ليه كل هذا يصيبني قالت خالتي دامه بالعنايه امشي ارجعي معي للبيت خلاص ماراح يطلع اليوم لاطلع نجيبك عنده ولا ترجعين البريده وقمت جلست بالكرسي قلت لا ماراح اطلع بقعد لين يطلعونه وخالد يقول ماراح يطلع الحين وممنوع تدخلين عليه قلت لا قال امشي واصرخ بوجهه لا ماراح اخليه انا قلبي مو ميت زيك اترك ولدي واطلع ويطلع خالد يجيب الدكتور ويجي قال الدكتور اسمعي تبين تجلسين اجلسي بس ترا ذي الغرفه لمريض ثاني رافضين نسستقبله عشان عندنا قله بالسراير اذا انتي حاله تنتظظرينه انتظريه بالبيت واول مايطلع من العنايه اكيد بنرسلكم قلت طيب بنتظره برا بالكراسي بس ماابي ارجع قال كورونا ممنوع
شلت اغراضي وقالو لي اشيل كل شي يخص فيصل الان خلاص هالسرير بياخذه احد ثاني جلست اشيل اغراضي وانا اشاهق وخالتي تشيل معي وانا ماادري وين ابروح واخذ شنطته الصغيره واطلع وخالتي تحط الطرحه على راسي تقول تغطي يابنيتي تراك كاشفه واخط الطرحه احطها على راسي واطلع وبنص الطريق وانا نازله وقفت قلت لحظه انا وين بروح الحين ويناظرني خالد قال بنبرة خوف اللي تبين قالت امه روحي معي ارجعي معي وانا كاني استوعبت شوي ان ذي خالتي اللي زوجت خالد وهذا خالد اللي تزوج علي وتركني انا وولددي، واخذ شنطتي من ايد خالد وقلت لا ماني رايحه عند احد بكرا اخوي يجي ووامشي واسحب عليهم وخالد يركض وراي يابنت الحلال ويابنت الحلال مايصلح تصيرين لحالك لو يجيك شي لو تجي رساله لك شينه ويجيك شي لحالك والتفت عليه قلت يهمك انا؟ يهمك وش بيصير لي ؟ رح بس انت وامك وفارق عن وجهي مالك دخل طيب خلك لحالك بس روحي لبيتك قلت وشو بيتي ؟ قال اللي كنتي فيه قبل ومابه احد انتي لحالك قال قلت مالي بيت ولا بروح معك لشي وجت امه مسكتني وقالت روحي للبيت وبجي انا معك لين بكرا ويصير خير الحين الساعه ١ لو بيصير لك شي من بيصير مع فيصل ؟ وارتخيت وماكان عندي خيار ثاني اصلا وركبت معهم ورحت لبيت اللي كنت فيه يوم اني متزوجه واول مادخلت فرشت الفراش ونمتتت نومة اللي منهد حيلها