#أنا _جواهر

الفصل الخامس عشر

اول ماقالي كذا حسيت ان الله نزل علي راحه ماحسيتها من تملكت، حسيت بامان براحه برضا بشعور مااقدر اوصفه لاني عارفه إن خالي هذا وقف بوجه ابوي قبل ١٩ سنه يوم ان الطلاق عيب!! وخلع امي من ابوي وعطاها حقها بالكامل ورفع قضية على ابوي والنفقة جت لامي ولنا ولا تراجع ولو لحظة قبل يرفع قضية على ابوي يقول انتم راضين؟ وكنت اقوله دام شي مايدخل ابوي السجن ويرجع لأمي حقها أنا راضية .. على طول رحت لفيصل اجيبه لخالي حسيت ياناس إنه هو ابوي وهو وابو ولدي وهو عزوتي وسندي بعد اله بعدها باسبوع خالد ماله حس وأنا ساكته ولاهيه مع ولدي واخواني عرفوا وزعلو علي وصراخ قهر من حبهم لي وانتي ليه تسوين كذا ؟ حنا وش مقصرين عليك فيه؟ مدخلينك اغلى الجامعات ومسفرينك لكل مكان وشارينك احلى لبس وش كان قاصرك عشان ترمين نفسك بهالطريقه وووو كلام كثييير.
بعد فترة جاء خالد كلم امي على اساس بيشوف ولده استقبلته امي وسيارات اخواني كانت موجوده بس ماطلعوا له وحلفت عليهم امي مايتكلمون معه باي شي شاف ولدي قام قال وجواهر وينها؟ قالت تمي موجوده قال للحين ماطاح اللي براسها، قالت امي وش اللي براسها عشان يطيح بنتي اخذتها ساكته ورجعت لنا وهي ساكته قال انا ماطلبت منها تطلع من البيت ولدك اللي جا واخذها قالت امي واحمد ربك اللي اخذناها وساكتين وانت رامي عليها القزاز والدم ينزل منها ومخليها هي وولدها ٣ ايام بالبيت بدا خالد انا احبها وماسويت كل ذا الا اني احبها ولو ماحبها كان مافكرت اجيب منها ولد يبقى معي طول عمري ومرتبط بها وكلام كثير قالت امي الخلاصة وش اللي تبيه ياخالد ؟؟ قال ترجع لبيتها ولولدها نادت امي اخواني وخلاهم يتكلمون وخالد على كلام اخوي ان وجهه اصفرر ومتفشششل كثير لان اهلي كانو حاشمينه ومعتبرينه واحد منهم
قالو اخواني الشور والراي من البداية للبنت، حنا ماودنا إن الولد يعيش بعيد عن ابوه ولكن بعد مانغصب البنت على شي ماتبيه قال خالد رضاوتها بتجيها بس خلي ترجع واي شي تشرط عليه موافق الا اني اطلق زوجتي! يوم طاح عني هم ان اهلي يعرفون خلاص تواست معي وارتحت عند اهلي كثييير بدال ماني مجحوده عنده، مسسكني اخوي الكبير وقال ادري انك بتقولين لا وادري بترفضين بعد المواقف ذي كلها بس فكري بولدك بالاشياء اللي حبيتيها بخالد وماتوقع انه جا يرجعك وهو بيظلمك زود الرجال وجهه متلفع ويبي و ولده قريب منه .. صعدت لغرفتي صليت ووعدت نفسي اني افكر بهدوء واراجع كل شي فكرت بباول شي لما حرمت نفسسي الزواج المعلن بكل الطرفين ولا حرمت نفسي فرحة الفستان الابيض وفرحة حفل الزواج وفرحة الاستقبال على ولدي وفكرت بالايام والشهر اللي قضيتها بعيد عن امي وهي تعبانه وانا رايحه برا مع خالد ؟ وفكرت لما يكون تعبان واجلس عند راسي كانه طفل واحتويه وادلله ؟ وفكرت لا اقوم الصبح قبل بساعه عشان اجهز ملابسه واسوي له فطور واقومه واللبسه واصبح عليه
فكرت بأيام الحب والمشاعر اللي مستحيل تتعوض ومستحيل ترجع بنفس الشعور ! فكرت لما للبيت وانا ادري ان مافي بقلبه غيري وفكرت لما كنت اكذب على امي واخواني عششششانه! فكرت لما تعالجت عشان احمل وعشان يعترف فيني قدام اهله ويخلي زواجي فيني معلن فكرت بخوفي وقت ماطلعت من بيت اهلي وفكرت بدموعي وانا بالمطار وفكرت بدموعي وانا انتظر اهله يجون يشوفون ولدي بكثيييير اشياء سويتها راح تزوج وتركني ولا سال عني ولا عن ولده ؟ ادق عليه بالايام والساعات ولا يرد ولا يدري عن ولده وبالاخير يطلع متزوج ومسوي عرس وكلن يبارك ويهني ؟ جلست افكر شوي بعقلية اهله ؟ يعني عشاني مو قبيليه صار شسي مخزي؟ ليه هو انت ساعي بهالقبيله لنفسك ولا اجتهاد شخصي؟ هو من الله مالك لا حق ولا منه ' اذا ولد عمه متزوج مصرية وعايشه معهم وجاييب منها ٦ وانا سعوديه بس مو نهاية اسمي قبيله اوه صرت كخة ؟ عرفت وقتها اني انا اللي سويت شي كثير وكبير وهو واهله ولا شي . وعرفت ان اهلي رايتهم بيضاء ويخافون الله ويمشون على المرجله ولا جدعوا على خالد كلمه شينه زي ماسوت امه بامي