#أنا _جواهر

الفصل التاسع والعشرين

يوم صار العصر ويناديني اخوي يقول تعالي لمجلس الرجال فيه احد بيعزيك واروح من اشوف؟ ابوي، ابوي اللي ماله علاقه فينا ولا تهمه حياتي ولا عمره دق يسال عننا حتى بس كانت علاقتي معه كويسه عكس اخواني واحبببببه كثير لكن ربي ماعطاه حب انه يكون معي دايم ضميته وعزاني وجلس يسولف ويتكلم ١٠ دقايق ثم طلع، تمنييت انه يطول اكثر بس ماقدرت اقوله اجلس مابيك تروح
وبعد كم يوم من بكاء ودوخه وغثيان وتعب وهم اخذنا اخوي ورحنا لمكه جلست بس يومين وكانت كانها شي يطبطب على قلبي ارتحت كثير ودعيت كثير وبكيت لربي كثير وووعدت نفسي اول مانرجع من مكة بتغير عشان امي واخواني اللي جالسين يتعذبون كل ماشافوا وجهي، ورجعنا ودخلت غرفتي واشوف سرير فيصل جنب سريري وملابسه مع ملابسي والعابه بالارض دخلت معي اختي هي والعامله وقالو يالله نشيلهم خلاص عجزت لا ابعد اي شي له بغرفتي قلت لهم شيلو كل شي انتم واذا خلصتو جيت، طلعت من الغرفه ورحت عند امي اللهم كما اخذته طاهرة صغيرة اجعله طير من طيور جنتك وعوض طفولته بجنان لا تفنى واجعل رحيله راحه له اللهم اجعله شفيع لوالديه عابر بهم إلى جنتك يارب اللهم عوض طفولته في الجنه.. وارحم جميع موتى
وانا جالسة افكر وش اسوي عشان ارجع اعيش طبيعيه وقررت اني اروح لدكتور نفسي واحاول اطلع من الحالة اللي انا فيها لاني بكل مره آنام احس من ضيقة الصدر اني ماراح اقوم بعدها رحت لاخوي وعلمته وقلت وش رايك قالي اذا ودك تروحين جلسات من بكرا اسالك ازين دكتور لكن صدقيني ماحد بيساعدك كثر نفسك اذا رحتي بيعطيك علاجات وجلسات تتكلمين وانتي اللي فيك كلنا نعرفه اقري قران كل يوم واذا ماخفيتي وديتك وسويت مثل ماقال وعالجت نفسي بالقران وما اخيفكم اني استخدمت حبوب منومه وحبوب اكتئاب كانت لازم تصرف لي ولكن اعتمدت باكثر شي على قراية القران كل بيوم اقرا جزء من سورة البقرة ماتم شهر الا وأنا احسن بكثير ولكن ماكنت اتحمل اسمع كلام قوي او كلام محزن او اي شي يضيق خاطري وكانو اهلي يخبون عني اي شي يسبب لي قهر
مر شهر وكأنه سنة وانا قبل احط راسي وانام افكر بخالد هو طيب ؟ زوجته ولدت! طيبين ولا وش يسوي هو سلك معها وحبها ولا للحين تاركين بعض، كنت احس بحزن ان اللي كان يربطني فيه راح وان آخر يوم شاف فيصل فيه ماكان طيب ابد وماكنت اقوا اسال امي ولا عبد العزيز عن خالد لان بيكون موقفي شين وعبد العزيز قايل لي خالد واهله واللي صار صفحة وانطوت انسسسسسيها خلاص اذا تبين تعيشين انسي كل شي متعلق بالماضي، حاولت انسى بس ماقدرت مهما كنت احاول ابين اني قويه عند اهلي وانزل لهم وانا ابتسم كل مارجعت غرفتي ما انام الا ودموعي على خدي بعد كم يوم جتني رساله على جوالي من خالد كاتب وشلونك الحين عساك بخير؟ فز قلبي واوجعني قلبي فرحت على حزن ماقدرت احدد موقفي وماقدرت ارد عليه ابد خفت من اخوي وخفت من زوجته بعد ومارديت وريت اختي وقالت لاتردين عليه ترا بيبتل يرسلك ولو بيدري عبد العزيز بيزعل عليك ارسل ثاني قال؛ ماودك تردين علي وتطمنيني، بعد ساعه وبعد مارديت وقررت اقفل جوالي عشان ما افكر اني ارد