ماريان_ Mariana
تحت عرش الجحيم
لا تنسون التصويت ومتابعة وتعليقاتكم الحلوه الي تنطي طاقه ايجابيه
قراءة ممتعة
لا نعلم ما يخفى لنا القدر من مستقبل غامض وحياة مخيفه 💙
............................................................................
روايه : كمت غسلت وتوضيت ورحت اصلي
كملت ورحت ال امي بالمطبخ ليش غسلتي الماعين جان خليتيهن اني اغسلهن
لا يمه ماعندي شي بس سويلي جاي وتعاي نسولف
ترست القوري ماي وخليته على النار خليت جاي
اي يمه بس يكمل اصبلج سولفي مو فتيتي كلبي
اي شوفي قبل جدج كلش عصبي بس كلبه حنين بس جان عمج سالم شالع كلبه رغم هوه جبيره وشالع كلبه يوميه مسويله طلابه وي الوادم يتعارك وي عماتج وابوج على ابسط شي
جدج جان يحب ابوج ويستشيره بكلشي
روايه :زين جدو وابوي ليش مانصحو عمو وقربوا الهم
دسمعي تجيج السالفه
مرت الايام وحب عمج وحده استغفر الله حسب كلام ابوج وأهله انه ماجنت وياهم بس الي يسولفه الي مو راحه هيه ودك رجل عمج اله يخطبها جدج ماقبل كله اذبحك وشمرك بالشط بس تجيب النه وحده بيها عيبه بقت بيبيتج ادور على مره حته ازوج عمج وتفض السالفه بس هوه جان معاند مايقبل اله سهاد
جدج كطع منه المصرف وكله ماتشتغل بالبساتين وضيك علي الدنيا بقه عمج يوميه يسويله مشكلة وي جدج الحد ماطكتة جلطه جدج ومن مستشفى المستشفى راد يموت وسالم بقه يبجي وكله قابل بكلشي بس كوم على حيلك وبقه مصر جدج ماياخذ سهاد
زين يمه خطيه اذا يحبها ليش مخلو ياخذها
ولج يمعزايه مو راحه يكلولج يعني بالمنطقه مره موزينه
يااا دهر اي كملي
اي بيبيتج شافت مريم الي هيه مرت عمج من كرايبهم حليوه ومعدله شاغوله زوجوا سالم وراها عمج عرف يحب وحده والي هيه اني أبوج جان يحبني ومحد يعرف بس جدج وماخذ شور جدج وباقي جدج يسئل على سمعتي وسمعة اهلي شهر شاخلنه شخل يلا قابل سالم شد وي أبوج من ذاك الوكت الهل وكت وباقي حاقد يكله شلون انت تزوج الي تحبها واني الي احبها ماخليتوني ازوجها
أبوج محاجي ومفهما كايله...
سالم... ماخليك ترتاح بحياتك اني تزوجوني مو برضاتي وانت الي تريدها تأخذها
حازم :خويه ليش هيج اسوي اني ياهو مالتي الشور بيد ابوي سعيتلك وحاجيته وماقبل
سالم:تخسه ادكول اخوي الجلب احن منك علي
أنعم الله عليك هاي فوكاها
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
