ماريان_ Mariana
تحت عرش الجحيم
لا تنسون التعليق ع كل فقره والتصويت
___________________________________________
دمعن عيوني فاطمه ليش هيج سوين جاي تقهريني بالزايد لان راح افاركج
لا تبجين مو زين عليج ماعوفج ويوميه احجي وياج وصيت حمزه يجيب شريحه هوه عنده تلفونات هواي كتله هم يجيب واحد ويا حته اتواصل وياج براحتي
كل وكفاتج الوكفتيهن وياي ماراح انساهن طول عمري
يبعد كلبي تستاهلين عيوني
رتبت الغرفه ستوها جاي تاخذ تلفونها تخابر حمزه وندك الباب صاحت فاطمه تفضل
دخل دكتور سلام عليكم
ردينه علي وعليكم السلام
شلونج بابه
الحمدلله
يالله شنو تحسين هم عندج اعراض او شي ياذيج
دكتور بس وجع راسي ابد مايروح اذا يجي الليل اسهر من كد الوجع
طبيعي هل شي لا تخافين ان شاءلله اني راح اكتبلج علاج وتلتزمين بي واي شي يصير احنه موجودين بالخدمه
شكرا دكتور متقصر
ولو هذا واجبنه
كتب العلاج وطلع
فاطمه:- الحمدلله والشكر من وضعج مستقر ومابيج اي شي
الحمدلله بس خايفه
منين
خاف الصرع مزمن يصير
لا اسم الله جياد نفسه الدكتور كايله فتره ويروح بسبب الضربه هيج صار بس انتي خيه شوي لزمي دميعاتج كل دقيقه وباجيه ترا موزين عليج جرحج بعده اخضر وجسمج تعبان من الضرب الله لاينطيهم ان شاءلله
اللهم امين
ام حمزه:- ها بطيت عليجن ترا جويد يمكن اجه شفت ويا شكثر زلم دكول شليف مال زلم
يااا يمه كتيتيهن كلهن هههههه
وحمس يلا شنهي خلصتن
اي بيبي ماعدنه شي
ركضت فاطمه لبست عبايتها وكفت بصفي واني كاعده ع السديه لزمت ايد فاطمه
باوعت علي شبيج
خايفه بطني مغصتني
لا تخافين ماكو اي شي هسه راح نطلع ويدخلون يسئلونج جم سؤال وابوج الله يرحمه
اه بس هيج
ههههه شبيج ولج وجهج نكلب كركم
ام حمزه:- لا تخافين خيبه هنه جم حجايه وهاهيه
هزيت راسي بمعنى اي وكلبي يدك
فاطمه:- جياد يدخل وياهم ترا
خوش
ندك باب الغرفه وبيبي صاحت تفضل
دخل جياد ويا ثنين ولد
سلام عليكم
ردينه عليهم وعليكم السلام
واحد من الولد الي جايين حجه
شلونج يمه
هلا يبعد امك وكلبها كواكه (زينه) انت شلونك
الحمدلله
رواية:- واحد كعد مقابيلي والثاني منتجي ع الحايط وجياد اجه وكف بصفي فاطمه راحت وكفت بصف بيبي ضلوا يسولفون شوي والي منتجي بصف الباب حجه
شني حجيه ماي عصير
يااع عساك على شربت
رادت دكوم وجياد كلها ابقي ام حمزه
راح فتح الثلاجه طلع عصير وكاسات مي قدم الهم
شوي وام حمزه وفاطمه طلعن من الغرفه عيوني عليهن خايفه باوعت علي فاطمه غمزتلي بعيونها بمعنى طمني
باوعت جياد منطلق يسولف وياهم على قضيه مدري شنو مافهمت كلامهم شوي ودار علي الي كاعد مقابيلي
تعاي بابا هنا كعدي
كمت من مكاني كعدت بالكرسي المقابيل الولد الي كاعد
وجياد واكف مجتف ادي ومنتجي ع الكنتور والثاني واكف يم الباب واني كلبي يدك سريع من الخوف
المحقق:- شنو اسمج الثلاثي
رواية حازم جاسم
بيج حيل تسولفين الي صار وياج
بلعت ريكي وجت الاحداث كلها براسي نزلن دموعي اول ماذكرت رفعت راسي وهزيت راسي بمعنى اي اسولف
يلا اسمعج احجي
على منو تريد احجي على السجن الي خلوني بي اكثر من يومين بسبب الصلاة عذبوني شي صليت لو حفلاتهم ويردوني احضر وياهم
جياد:- على كيفج لا تنفعلين مو زين على صحتج
المحقق:- رواية تعرفين ابو جگاره
اي
منو الي جانوا ويا
واحد اسمه حذيفه هيج شي
الباشا منو؟
الباشا رئيسهم وياهم وحده اسمها الشيخه وحده اسمها دلال هاي المساعده مالتهم تنفذ أوامرهم
شنو سوولج
رفعت ردن صايتي من الطرف هاي وحده من جرائمهم
هز راسه والثاني بيده سجل مدري شنو يكتب
سيد جياد لازم تاخذها الست رونق تصور اماكن التعذيب كلها
ان شاءلله
اي بابه والحرگ منو قام بتنفيذ هذا الشي
ابو جگاره هوه حركني سيدي شوف فتحت الباندج الي بديه افتح بيهن وشهك نعادت الاحداث عليه حته بكيبل عذبوني وماي بارد احجي وشهك فتحت الباندج وراويته اديه شلون محتركات بسبب الحرك ملتهبات نهاريت بالبجي
كافي بابه لا تبجين حگج ناخذه منهم مربع
تقرب من يمي جياد نطاني كلنس وكاسه مي
هاج شربي مو زين عليج البجي ماسمعتي حجي الدكتور
خذتهن من ايده واني اشهك
يلا احنه نترخص سيد جياد ان شاءلله نشوفكم على خير
كل الهلا سيدي تعبناك
لا هذا واجب
طلع وراهم جياد بقيت بمكاني كاعده اباوع على اديه ورجف وراسي كام يوجعني الكاسه طاحت من ايدي نفجرت بالبجي بقيت ابجي بصوت عالي على صوتي دخل جياد
شبيج رواية هاي هيه بعد ماخليهم يحاجونج كافي مو زين تبجين
شوف الحرك ماكدر انسه الصار وياي حركوني حرك الجگاره يحفرها بايدي حفر والله
اشش وحگ علي حگج اجيبه من شواربهم اخ الله لو الزم عدنان اله اشك حلكه وحلك الخلفه الماعرف يربي هيج كو......
حسبي الله ونعم الوكيل بي كل دماري بسبب عدنان
كافي يلا شربي ماي ومدي اديج الفهن بالباندج مو زين عليهن لا يتلوثن
مسحت دموعي والشهكه بعدها بكلبي مديت اديه لفاهن بالباندج وكمت
هاي العلاكه مالتج
اي اني اشيلها
باوع علي صفح ماريد منج شي بس سكتي ولا تبجين
تحسرت وسكتت ماحجيت
هاي شنو راچيته
الدكتور كتب العلاج
خوش يلا ماناسيه شي
لا بس بيبي وفاطمه وين
نزلن قبلنا يلا امشي
خله الراچيته بجيبه وشال العلاكه بيده وطلع طلعت ورا امشي وحس الدنيا تفتر بيه وهيج شلون النبض براسي مال وجع
وصلنا يم المصعد داس الدكمه نتضر ينزل
لتفت شبيج
رفعت راسي اله مابيه شي بس شوي راسي يوجعني
هسه نطلع وشتريلج العلاج
نفتح المصعد بي هواي ناس ومريض نايم بسديه نصهم نزلوا ونصهم باقين فات جياد فتت ورا والمكان ضيگ كلش نحشكت كلش وراي جياد ومنا ولد ونسوان صرت كلش بنص جياد بقيت مدنكه ومنا المصعد ينزل وراسي يوجعني دخت كلش ردت اطيح على الناس لزمني جياد من ردان صايتي
بقيت بمكاني وجياد بس يأفئف ويستغفر الحد ما نفتح المصعد طلعوا المريض الي بالسديه وراها الناس بلشت طلعت طلعت اني وجياد وراي
تعاي منا وين رايحه وي العالم
بتسمت دخت مادري عبالي منا
هههه يلا معذوره راسج مأثر عليج
باوعت علي صفح شنو قصدك تخبلت
يجوز
مارديت علي بس احجي ابقه اجفص ونتعارك كدام الناس طلعنا من المستشفى وكف على صفحه طلع تلفونه تصل مدري على منو
جياد:- ها حمزه وينك انت بالباب اني يلا انتضرك
سد الاتصال وبقه مدنك بتلفونه يقراءة رسائل مدري شنو ويبتسم
جياد
لتفت علي بستغراب ها
وين بيبي وفاطمه شو ماكو
هسه يجون منتضر حمزه يدخل السياره
خوش
اكول ست روايه
كول
شو صايره دكليلي جياد
ها مو انت غير اسمك جياد
مو جنتي دكليلي عمو
جنت ماعرف اسمك وهسه عرفته
هااااا
اي
وجعي يلا اجه حمزه
باوعت علي ليش تجاوز
تجاهلني وراح بتجاه حمزه
بقيت امشي ورا بخطوات بطيئه نزل حمزه من السياره سلم على جياد وباسه
شبيك ترا الصبح يمك اني
مايصير شتاقلك
لا يابه حقك
فتحت الباب فاطمه الي سلمت وصعدت
ام حمزه:- ها بعد روحي شلونج
الحمدلله بيبي زينه
بالي ضل يمج كون سوولج شي
لا بيبي بس جم سؤال سئلوني وطلعنا
شو بطيتوا
المصعد زدحام
صعد جياد هوه الي يسوق وحمزه بصفه واحنه وراهم تحرك وبيبي تقراء أيات قرأنيه
ملتهين يسولفون وصوتهم عالي ويشاقون وي بيبي
ندستني فاطمه شبيهم عيونج حمر باجيه اكيد
باوعت عليها بحزن اي ذكرت الي صار وياي
اففف سوده عليه ياحبيبتي ان شاءلله تنسين الي صار
ياريت فاطمه انسه
ماوصيج يروحي انتي رايحه قوي روحج ولا تغلطين لو تحجين شي يضوج جياد
هه لو شوفي هسه يكلي وجعي
ياا ههههه ليش
بعدين اكلج ماكدر
يلا اصلا مابقه شي ونوصل
وين رايحين هسه
لبيتنا يوصلنا وطلعون البيت اهل جياد
هاا خوش
وصلنا يم بيت ام حمزه نزل حمزه وفاطمه وام حمزه نزلت وياهن روحي صارت بيهن ماريد اعوفهن
صاح، جياد انت وين نازله
مارديت علي حضنت ام حمزه بكل قوتي وهيه تبوس بيه وتوصيني على صحتي
حمزه:- عوفها خويه خلي تشبع منهن
براحتها خليها
رجعت حضنت فاطمه وبقيت ابجي
اشش رواية بداعت اهلج عليج لا تبجين ماوصيج عينج على روحج التلفون خليته بالجنطه بالجيب البره وحته رصيد بي ورقمي خليت حمزه يحفظه
خوش احبج مو تنسيني
انسه روحب ومانساج
سلمت عليهن وصعدت بالسياره وره سويت الهن بيباي بيدي عينهن علي عبرنا الشارع وعيني ماراحت منهن الحد ماختفن مني
ضلت تمشي السياره قرابة الثلث ساعة والسكوت سيد الموقف الحد ما حجه
جياد:- روايه احنه رايحين هسه الاهلي عتبرينا اهلج ولا تتقيدين امي وابوي يحطوج على راسهم
شكرا جياد ماتقصر
ان شاءلله فتره وترجعين الاهلج والأمور طيبه
ان شاءلله
بس اني ماقابل عليج
ليش شنو سويت
حسستيني اشتغل عندج سايق صاعده وره
ها مو هذا لان
ههههه كافي الفاهيه يلا عادي ثاني مره لا تعيديها
بقيت العب بضافري ومدنكه ماحجيت شي وكلبي يدك سريع والف حسبه ابالي
شوفي روايه خاف نوصل اي سؤال يسئلونج علي كليلهم جوابه يم جياد خوش
خوش بس
لا بس ولا اي يم جياد وخلص تمام
تمام
درت وجهي ع الجامه اباوع ع الناس والمطاعم والمولات وشوارع حلوه فات من شارع بس محلات ملابس واكل وكلشي ستغربت بقيت احجي بكلبي شنو اهله هنا بهيج مكان طبك يم محل كلش جبير يبيع حلويات وعصير نزل وقفل السياره التدفئه خنكتني مشغلها باوعت ماعرفت منين انزل الجامه اهواي دكم بالباب مشتغلات ضوه دست وحده نزلت الجامه وكفخني الهوى البارد تنفست بكل راحه غمضت عيوني والهوى احس يدخل بنص عيوني شوي ورجعت راسي من الجامه اباوع علي اجه بيده بوكس كارتوني والايد الثانيه علاكه تقرب من جهتي وحواجبه طابكهن
حطهم بحضني وفتر صعد
حرك السياره
ليش منزله الجامه وعباد الله تباوع
ختنكت والله من التدفئه وفتحت الجامه
لا تتصرفين ثاني مره هيج تصرف
جياد يعني اموت من الحر تحجي صدك
اي احجي صدك سياره مضلله وانتي فاتحه الجامه وكلها تباوع
يعني اغمض عيونهم شسويلهم كتلك ختنكن قابل.... جاي اكمل كلامي وعاط بيه
بسسس كافي الخاطر محمد شكد عنوديه وتراددين
سكتت ماحجين اي حرف خليت العلاكه والكارتون الي بي عصير بصفي ودرت وجهي ع الجامه كلش ختنكت من كلامه احس نفسي جاريه عنده يحجي ويغلط بكيفه الي يكول مسؤل علي وبراحته يغلط
فززني من صفنتي صوته
نزلي ونزلي وياج العلاكه
نزلت من السياره اباوع جايبني بمكان بي مسطبات وخضار ومقابيله الشط
بقيت واكفه بمكاني مادري جايبني هنا شيسوي
رجع باوع علي والجگاره بحلكه ماتمشين يابه اجرج بحبل تردين
مشيت كعدت على المصطبه وهوه كعد على الطرف الثاني وبالنص خليت العصير
اكلك جياد
كولي
اتوقع بس الثور يجروا بحبل
ههههههههه واو طلع عقلج يشتغل
رفعت حواجبي حاولت ماضحك ماكدرت ضحكت على ضحكته
دنطيني عصير بعد عمج وكلبه
شلت كلاص العصير صاح
لا هذا الج البرتقال بي فيتامين
رجعته نطيته الثاني عصير رمان
شربه مره وحده باوع علي
واني صافنه على المي شلون يتحرك صفنت
احم اكلج شنو رئيج اشمرج هنا
ياريت تسويلي فضل وخلص من هل دنيا
هممم رجعنه ستونا ضحكنه وشحلاتنا شربي عصيرج يابه
خذت رشفه من العصير ورجعته ليش جينه هنا
ماتردين تغيرين جو
لا بس اكول
اني ردت اغيرلج جو حته من نروح للبيت شوي مرتاحه
رجعت شربت عصير واني صافنه ع الشط هذه شسمونه
كورنيش البصره
هاا اول مره اجي اهنا
ان شاءلله اطلعج بس مو هسه طبعاً
شكرا ماتقصر بس عندي سؤال
جواب
ليش جاي ساعدني
لان هذا واجبي
واجبك الوقت محدد مو تجيبني البيت اهلك ودخلني بنص عائلتك
يعني ماقابله هيج اسوي
لا ابد الي جاي سوي ماعرف شلون ارجع فضلك علي
كسرتي خاطري وكلت خلي اجيبها الاهلي
باوعت علي وعيوني دمعن احس سهم ودخل بنص كلبي كمت وكفت شكرا جياد بس اني ماكدر اقبل هذا الشي اني مو رخيصه ولا جاي اطلب الشفقه من احد حته تجي تساعدني واجبك كه شخص بالأمن الوطني تكدر تسلمني للتحقيق وهمه يبتلون بيه
اتوقع اهواي لغيتي وموزين على راسج الكلام الهواي
ههه ليش تتهرب ترا مامجبور تخاطر بحياتك على مود وحده فارغه بس جسد وهم تعبان يمشي بأرض الله الواسعه
رواية شبيج تخبلتي واني من كل عقلي اخليج دخلين للسجن ويحققون وياج كل الي سويته من بابه المساعده بس سؤالج ستفزني كلش خليتيني هيج احجي واصلا اشاقه وياج بس انتي مزاجج نفطي مو برتقالي وبعدين لا عبالج مميزه وبس انتي جاي اساعدج قبلج ومازلت الف وحده جاي اساعدها انت واله غيرج كلكم سواسيه هذا واجبنه وخلص ويلا انتهى النقاش امشي
بلعت ريكي اباوع على اديه يرجفن شال العصير مالتي والعلاكه وراح للسياره مشيت ورا صعدت ومانطقت ولا حرف الحد ما وصلنا يم بيت كلش جبير والاضويه طاغيه علي من كل جهه ضوه دك هورن محد فتح الباب لتفت علي وحجه
راح انزل افتح الباب لا تنزلين
نزل وفقل السياره ستغفرت ربي شنو من مله هل ولد عباله راح اشرد فتح الباب ورجع صعد دخل السياره للبيت......
___________________________________________
قراءة ممتعة لا تنسون التصويت وتعليقاتكم الحلوه
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
