ماريان_ Mariana
تحت عرش الجحيم
هَون على قلبي يا الله إنني أبهت .
__________________________________________
حضنت سمر وبقيت ابجي
اشش لا تبجين هاي هيه ماكو شي
سمر خايفه طردني بالشارع مماعرف وين اروح كلبي يدك سريع مادري شوصلني للشارع العام
مسحي دموعج يصير الصبح وكل الابوي علي وهسه سولفي شنو سبب الخلاج طلعين بره ويصيح عليج جياد
:- سولفت كل الي صار بقت فاتحه حلكها
يحجي صدك هوه مايستحي
والله ذاك هوه وسئلي الي يشوفه يكول ابن عمي لو اخوي ويغار عليه
لا روايه انت هم الغلط منج لو من البدايه وكايلتله من بيت حمزه ولا هذه الاعناد معقوله اخوي يعصب ويطردج اذا ماحاجيه شي
اي حجيت ماجذب عليج
شحجيتي
غلطت علي
دهر صابج روايه زين وماكتلج وحق الحسين جياد فد مخبل وانت تلاسنينه
لا تخافين اخوج ماقصر جابني براشدي
وليش ضربج
كتله ثور اني كلت هيج وسمر طاحت بالكاع من الضحك
يمه فلك صابج وصاب السانج مخبله الولد وجايتني تبجي
سمر لا ضحكين عليه بس من حقي اغلط حرك كلبي
لا خيه حقج حقج ههههههه عمي شحجي وشكول دكومي خلي انام مابقه شي ويصير الصبح
كمت صعدنا فوك دخلت للحمام سبحت اباوع على خدي جف ايده طابع بخدي لزمت خدي احس الحراره تطلع منه بدلت ملابسي ونمت كبل من كد ما بجيت احس راسي يريد ينفجر
______________
سمر:- جنت كاعده ادرس وبالي كله بالمادة شوي صعبه فاتت الساعة ونسيت روايه هاي وين راحت طبكت كتبي ونزلت اباوع الباب الرئيسي مفتوح على حيله الكراسي الي بالحديقه مكلوبه صحت روايه ماكو رجليه بادن اريد اصعد الدرج ماكو بقيت اصيح ادم وصرخ اريده بس ينزل اجاني يركض
شكو شبيج سمر
ادم الحك روايه ماكو بالبيت
لا يالله وين راحت فتريتي بالبيت
الباب مفتوح والحديقه صاير بيها فلك
ركضي جيبي السويج طالع اشوف وين راحت
ركضت ادور ع السويج كبال عيني وماشوفه اخذته ونزلت اركض طلعت بره هاك ادم فدوه خلي اروح وياك
وين ترحين سمر ابقي هنا ع الما اجي
خوش طلع ورجعت صعدت فوك نزلت تلفوني بقيت افتر بالساحه ماكدر اكعد كلبي نمرد مرد ردت اخابر جياد بس خفت خاف يرجع ويصير شي بالطريق لا سمح الله فاتت نص ساعة وادم ماكو لا هوه ولا روايه اتصل مايرد قلقني اكثر بقيت ابجي شوي ونفتح الباب ماشوف اله روايه دخلت وراها جياد وحالتها حاله الوجهه احمر والملابس كلها تراب
______________
جياد:- بعدها مطموره هاي
سمر؛- جياد على كيفك بس الغلط ترا مو جاريه عندك البنيه
سمر انت سكتي ولا تسمعيني صوتج
ادم:- اكلك ترا هيه مو هيته البنيه طاكها راشدي وطاردها
وهسه تسئل عليها وحك علي ابوي اذا يجي ويسمع هيج صاير ذاك الوكت غير حجي يصير
ااادم لا تخليني اجرم بيك هسه انتم صخول حاطينكم بالبيت ليش ماحجيتوا من زمان عدها صخام بيدها تلفون
ادم:- جياد واذا عدها تلفون وشنو يعني حالها من حالك
لك بابه انت جاي تفهمني لو لا تلفون مايصير بيدها الف...... يطلع مراقبها يعني ماخاف عليها انه اذا هيج المن جايبها بيتي
سمر:- الشريحه باسم صديقك اشوف هل شي عادي
كملتي مو سمر
اي الحمد الله
كومي روحي للكليه
ادم:- ماروح انه
وليش يابه ماتروح
من كل عقلك اعوفك وحدك وي البنيه واهلي بعدهم ماجايين
هه ادم تروح لا هسه وعلي اصلخ راسك بالجاي
سمر:- انه هم ماروح
جياد:- راح اكوم العب النعال على ضهركم
سمر:- هزيت ايدي وصعدت خذت جنطتي وتلفوني باوعت على روايه وتنهدت كاسره كلبي هل بنيه كتبت رسالها الهه قبل لا اطلع رجعت غميت كصتي هوه التلفون عند جياد باقي
ادم:- يلا سمر الخط بالباب
اي رايحه طلعت وعفت جياد وادم يحجون
جياد:- شبيك ادم ماسوي شي الها والله
احلف وداعت امي
وداعت امي ماسوي شي الها
يلا جا رايح انه بعد انت والعباس مخليك اذا سويت شي للبنيه
دروح بويه روح
__________
روايه:- فزيت من حلم فحطانه وحلكي يابس بالحلم اركض بطريق كلش طويل وراي تركض جلاب سود مفترسه وي ما صرخت فزيت تعوذت من الشيطان كمت اريد اشرب ماي ماكو بالغرفه لميت شعري ولبست الشال رحت للحمام غسلت وجهي وديه الخوفه مال الحلم بعدها بيه صليت على محمد ورجعت للغرفه
لفيت شالي عدل ونزلت البيت محد بي هدوء والصاله صايره طكه وطيح دخلت للمطبخ ونصدمت بجياد كاعد يشرب جاي والجكاره بيده احس كلبي صار بيدي من الخوف رفع عينه عليه بجمود واني بقيت متصنمه بالباب رجعت خطوه ليوره صاح عليه
البزونه شبيها خايفه مادخلين
بس ردت ماي
اي دخلي شربي منو لازمج
مارديت علي خذت من البراد ماي شربته ردت اطلع صاح علي
تعاي وين رايحه
اريد اصعد فوك
مايصير انت خطار عدنه لازم اسويلج ريوك
ماشتهي اكل انت بالعافيه
كتلج كعدي
جياد بس اريد اعرف انت كلشي عندك جبر
اي لان انت وحده خشمها يابس وتعاند
مامعانده كلت ماشتهي
هاالضاهر بالحلم جنتي تاكلين تشريب لحم هل ماتشتهين
من حجه هيج ضحكت باوعت علي لكيته مبتسم ابتسامه خفيفه
دكعدي بعد عمج
كعدت ع الكرسي وباوع علي طلع بيض وكف يكصص بصل ع الكاونتر والجكاره حاطها صفح بحلكه يشتغل وهوه ساكت عيوني اجت على طوله وضخامته نتبهت النفسي اني شجاي اسوي وخرت عيني وستغفرت كمل الريوك حط الصينيه ع الميز بيض وجبن وزيتون وكيمر وجر الكرسي وكعد مقابيلي
يلا مدي ايدج
جياد
نعم
ليش تعبت نفسك ماشتهي وانت مسوي اهواي
تاكلين لو شلون لا تخليني اكوم افرغ صحن البيض بحلكج
ماحجيت مديت ايدي ع الخبزه خذت منها شوي وكلت وي البيض صب جاي وخلا كدامي يلا اكلي
انت ماتاكل
لا بالعافيه متريك
بقيت مدنكه واكل وهوه كاعد مقابيلي احس بي يباوع علي رفعت راسي لكيت عيونه علي والجكاره ابد ماطاحت من حلكه
شبيك تباوع
وجهج صاير زين
شلون يعني؟
ماكو كدامت زركه
ها اي الفضل راجع الاختك تحطلي كريمات
امممم
جياد
ها
يمته ارجع الاهلي
رواية اذا احجي ماريد بجي
مافهمت شنو
راح احجي بس ماريد تنهارين مو زين عليج
عفيه لا تخوفني والله طاقتي خلصت
لا تخافين بس بيت عمج محترك
من كلي كمت على حيلي
كعدي روايه كلهم مابيهم شي بس بيتهم صار رماد بسبب العار عدنان جاي سكران بالليل وحارك البيت والحديقه قريبه ع البيت ومحترك البيت كله
من كلي نشفت بدمي كوه الكلمه تطلع من حلكي زينب فاروق جياد بيهم شي
مابيهم شي لا تخافين
خلي اروح الهم هسه فدوه
وين ترحين شبيج بويه صح همه حترك بيتهم بس ماندل وين شالو
يجوز رجعو البيتنه فدوه اخذني ماريد ابقه ماريد تهسترت كعدت بالكاع يم الكاونتر وابجي
روايه سمعيني زين وعيونج بس اندل بيتهم اخذج بيدي الهم وعصابه الباشا محد لازمهم
جياد من احجي تبقه تغلط علي وتكتنلي من اكلكم انتم كلكم مابيكم خير بس بالاسم قوات خاصه
جياد:- من حجت هيج ماتحملت ضحكت على عصبيتها والمشكله ماتدري لازمينهم من زمان
وكفت من شفته يضحك الموضوع مو هامه حط رجله ع الكرسي المقابيله ويدخن
شفت انت احقر انسان على وجهه الارض ونذل وكل الصفات القذره بيك تعرف نفسك مابيك خير بس مادري وين تريد توصل بهاي سوالفك كلها بعد ماسكت يجي ابوك وكله اخلي يوكفك عند حدك
جياد:- تؤتؤتؤتؤ ليش هيج تضلميني روايه جا شبيدي عليج يابويه هسه من اكوم اكسر راسج هم احد يكلي ليش
اي ماعندك غير تكسر راسي حقك تكسر راسي لان ماعندي اخووو يوكف بوجهك لان ماااعندي ابو اشد ضهري بي لان ماعندي ام توكف بوجهك
كافييي روايه كتلج ادور بيت عمج ورجعج الهم هاي فوك ما ساعدتج وطلعتج من بيت مال........... هيج تحجين بس مو صوجج اني ساقط ونطيتج مجال تجاوزين وتحجين بكيفج بس لهنا وكافي بسج طلعتيني من طوري وحگ الكفل زينب راح توصليني المرحله اسوي بيج سالفه بعمرج ماشايفتها
مسحت دموعي وتقرب من يمي حط اصبعه بنص عيوني ويحجي من بين اسنانه يتوعد ويحلف خفت من تهديده بقيت واكفه ودموعي تجري بصمت
وخري من چهرتي
اطلع انت اريد اغسل الماعين
هه والله
المطبخ وسخ
اخ يالكعبه هاي الفرخه راح تجلطني
فرخه بعينك شنو كدامك فرخ مال دجاج
كلش كلش مو مؤدبه راح يجيج اطراك ينسيج حليب امج
دنكت ماحجيت شي سحب تلفونه وجكايره من الميز وطلع يغلط ويدردم سديت باب المطبخ وغسلت وجهي ولميت الماعين والهوسه الي ع الكاونتر وكفت اجلف بيهن ع السنك نضفت المطبخ فتحت الثلاجه اشكال الخضروات موجوده كلت خاف اسوي غده ومايقبلون سديت الثلاجه وطلعت من المطبخ شفته كاعد بالصاله متمدد ولازم تلفونه بيده ويضحك حمدت ربي وشكرته والي يشوفه قبل شوي يكول مخبل شارد من مستشفى المجانين عفته يضحك وصعدت غرفه جياد وادم مفتوحه البيبان باوعت من الباب غرفه ادم صايره طكه وطيح دخلت عدلت الجربايه الملابس مشمره بالكاع شلتهن على صفحه الميز مال العطور رتبته فتحت الشباك حته يداور الهوى ورشيت شوي عطر بالغرفه خذت الملابس الوسخه وطلعت حطيتهن بسله الملابس بالحمام رجعت الغرفه جياد ردت ادخل وترددت بقيت واكفه بالباب اباوع على تفاصيل الغرفه ماحسيت على روحي اله واني داخله اباوع كلش جبيره لفت انتباهي الكنتور اسود ورصاصي والميز مصفط علي العطور والكريمات مال شعر بقيت افتر بيها تختلف جذريا عن غرف اخوانه باوعت على جهه اليمنى باب فكرت انو هذه حمام فتحت الباب على كيف واني احس كلبي ضل يدك سريع مكتب بي كتب وميز مصفطه علي اسلحه بالترتيب مشيت الناحيه الاسلحه اباوع عليها واوراق مافهوم منها شي اجت عيني على ورقه بيها اثار دم وعنوان فرع حي..... شقه رقم 214 سمعت صوت طكطكه تخربطت اوضاعي طلعت من المكتب باوعت اكو ملابس ع الجربايه لزمتهن بيدي جاي اطلع ونضرب بوجهي بقيت جامده بمكاني باوع علي بنضره ماعرفت شنو افسرها
شسوين هنا
بس ردت انضف الغرفه
غرفتي نضيفه ما حاجه
كوه حجيت احس النفس كوه يطلع مني نظفت غرف الولد وكلت اشوف غرفتك خاف هم تحتاج تنظيف
ثاني مره احجي يلا دخلين
من حجه هيج احس سهم ودخل بكلبي اسفه بس ماقصدي اسوي شي بس رتبتها
شكرا تعبتج
مارديت علي خذت الملابس ورحت للحمام دخلت شمرتهن بالسله وبقيت ابجي شنو قصده جاي ابوك شي من غرفته غسلت وجهي ورحت الغرفه سمر رتبتها وفتحت الشباك طلعت ملابس سبحت وكملت رجعت للغرفه مشطت وعطرت نفسي بقيت كاعده وبالي يم فاطمه امس اكيد سمعت صياح جياد بقيت اكل بضافري وهز برجلي من كد القلق اخر شي كمت لبست شالي ورحت الغرفه جياد خايفه منه خاف احجي ويبقه يصيح علي اخر شي دكيت الباب على كيف
دخلي
فتحت الباب على كيف باوعت لكيته واكف يم المرايه يمشط بشعره مبين هسه طالع من الحمام
شنو تردين
بقيت افلت بالحجي كوه حجيت جياد بس هذه التلفون اشسمه اريده
باوع علي ورافع حاجبه شنو ماسمعت عدل
التلفون اريده
ماكو تلفون
جياد ماجاي اخذ اذن منك انطيني التلفون اريد احجي وي فاطمه
صار تدللين بس شوفي واحد يصلحه الج
راح الجراره يم جربايته دنك فتحها وطلع التلفون اجه قدمه الي اباوع ع التلفون الشاشه صايره طحين ومعقچ بقيت فاتحه حلكي صارت نضراتي تتوزع ع التلفون وعلي احس الغصه تكسرت بلعومي الحرف كوه يطلع من حلكي ليش هيج سويت
حته ثاني مره تحجين من تتصرفين بدون علمي
منو انت واخذ اذن منك
الصراط انه
هه ونعم عادي التلفون ماريده بس عيب عليك تره التلفون مو مالتي مال صديقك
اي عادي اذا على حمزه سهله اجيبله تلفونين مو واحد
يحجي بكل برود والنار صاعده الراسي ردت اغلط عضيت على شفتي بكل قوتي في سبيل ما اجاوز ويكعد يحسب علي نقاط مسحت دموعي وطلعت من الغرفه بدون ما اسمع منه حرف دخلت الغرفه سمر شمرت روحي ع الجربايه نطيت من البجي بقيت على هل وضع قرابه النص ساعة وراها سمعت صوت يم باب الغرفه كمت عدلت ملابسي ومسحت دموعي شوي وندك الباب
روايه وينج
كمت صرت يم الباب وحجيت من ورا شتريد
وينج
اله تشوف خلقتي منا احجي
لا اله اشوفج
فتحت الباب وكوه لازمه نفسي شتريد
رد علي ببتسامه بارده طالع اجيب غده تعرفين تشوين سمج
تنفست بقوى وحجيت والله اعرف بس اسوي لليستاهلون
ليش انه مااستاهل
جياد مالي خلك احجي وفضني
يلا عمي على كيفج طالع اجيب غده اهلي ساعة ويوصلون الباب راح اقفله من بره ماعليج شي مو
عادي شعليه مثلا
خوش يلا رايح انه
خوش
جاي اسد الباب ودفعه بيده كلبي راح احس طلع من مكانه
من كل عقلج اعوفج وحدج
شبيك جياد
روحي بدلي
وين تريد تاخذني
ياعلي الفحل شكد تلح روحي بدلي نازل خمس دقايق اذا ماكملتي حض حضج اطيحه
اكلك انت ماخذ راحتك وتجاوز عيب عليك الكدامك مو بنتك لو اختك
العيب ماخذه منج ديلا فضيني
لبست صايه فوك دشداشتي ولفيت الشال عدل باوعت على روحي بالمرايه شاربي ينحلف بي والله عيب لبست حذاء فلات من سمر ونزلت لكيته كاعد بالصاله باوع علي وتنفس بقوى
يلا امشي كدامي
طلعت وهوه يمشي وراي ويستغفر شبي هذه
ردت اطلع من الباب عاط
وييييين
شبيك كمزتني
رجعي صعدي بالسياره انه افتح الباب
رجعت صعدت بالسياره وره فتح الباب ورجع طلع السياره ونزل سد الباب
صعد وباوع علي بالمرايه اكول ست روايه السايق مالتج انه
ليش شنو سويت اني
ههه لا مامسويه شي
لا كول شنو سويت
هسه مايصير احجي هيج
لا عادي براحتك مشه بالسياره ومشغل قصيده احمد الساعدي راح اذكرك ويدندن وياها درت وجهي ع الجامه الجو مغيم وينزل مطر خفيف الاجواء تخبل وصل يم سوك كله سمج يبيعون طبك السياره على صفحه وكل عاده قفلها والجام مرفوع قبل لا ينزل باوع علي واخذ التلفون والمحفظه باوع علي وحجه مو تسوين وكاحه
حجه هل حجايه ونزل
خلاني فاتحه حلكي هزيت ايدي هه شنو طفله وسوي وكاحه المخبل بقيت انتضر اهواي طكت روحي بقيت اباوع من الجامه اجت عيني ع الچكمچه مال السياره مفتوحه شوي مديت طولي شوي لان الجام مضلل محد يشوفني فتحتها ونصدمت من شفت كلادتي بقيت فاتحه حلكي جاي امد ايدي وماحس اله نفتح باب السياره تخربطت اوضاعي طبكت الباب ع ايدي بقيت انكت بيها مادري شلون رجعت المكاني باوعت علي صافن عليه يباوع بستغراب
شجنتي تسوين!
ماسوي شي
هاا خوش مصدكج
شنو يعني جذابه
لا بويه منو كال جذابه
اي شو جيت فارغ وين السمج
انت دايخه مدري وين صافنه شتريت وخليته بصندوك وهسه نروح نجيب طرشي وخبز
لو اعرف اني المن جيت وياك
اني اكلج ليش جبتج وياي
اي
حته اضحك عليج
فتحت عيوني ع وسعهم رفعت حواجبي وحجيت لا والله خاف ماتقبل شنو كدامك مهرج
ضحك وحجه يروحلج فدوه المهرج وصاحبه
ستغربت من رده ماحجيت شي بقيت اهز برجلي حرك السياره اشتره الخبز والطرشي وراها جاب كاسات سفريه بيها لبلبي
اباوع علي يحجي وعيونه علي ياشر بمعنى فتحي الباب فتحت الباب واني مصدومه
شبيج راح تموتين
الجام مو مضلله شلون تشوفني وتاشر حته افتح الباب
باوع علي وبتسم ادري بيج تباوعين عليه
حجاها وغمز حط الكاسات بيدي بوقتها محطوطات بعلاكه وياهن خواشيك سفريه صعد بالسياره ومشه
رديت علي هه واني ميته عليك وباوع
يجوز بس ماتحجين
لااا خاف ماتقبل
اقبل ليش لا
عيب تحجي هيج شمالني كاتله روحي عليك بكد عمي
باوع علي بالمرايه وضحك صفح هيج عمج حلو
وشعليك بي حلو مو حلو وحته لو اريد اكتل نفسي كون على واحد ردت اكمل ونتبهت النفسي شجاي اخربط وسكتت
ههههههههه اي كملي ليش سكتي كون واحد حلو وصغير هيج تحبن الشايب مايفيد
اهووو انت صدك ماتستحي
بقه يضحك مارد علي خليت وسكتت طبك السياره بمكان مابي احد بس اشجار وصوت العصافير نزل وفتح الباب الي من جهتي
يلا نزلي
وين انزل
اريد مره احجي بدون ماتردين علي ماكو
خليت الكاسات ع صفحه صاح علي انزلهن وياي نزلتهن وسد الباب وراي
باوعت المكان كله اشجار يجنن يفتح النفس واكو دجات صبابه اشر الي اكعد عليها
كعدت وجه كعد بالطرف اخذ كاسه من ايدي وخاشوكه
اكلي لا تستحين محد يشوفج
اكيد اكل
شعجب ماكلتي ماشتهي
هههه لا احب البلبي
ديلا اكلي بالعافيه
اكلت لبلبي جان طيب وحار كل ماتجي عيني على جياد الكا صافن علي من اباوع علي يوخر عينه مني خلاني ارتبك صرت ماعرف اكل واني اكل طيحت على نفسي بقيت انكت بملابسي واضحك على روحي واحجي ثول العوبه
هاج كلنس
اخذته من ايده مسحت ملابسي وكمت شال الكاسات شمرهن بالحاويه ورجع يلا نروح
اي هم يالله اشوي لان خاف يجون اهلك
يلا امشي
مشيت جاي اصعد وره صاح علي
صعدي كدام
باوعت علي وجريت حسره يعني لو اختك وي اخوي
تقبل
شنو اختي وي اخوج شو تخربطين روايه
باوعت علي والدمعه بطرف عيني خلي نعكس الادوار عادي اختك تصعد بالصدر
روايه سويتيها قصه صعدي وفضيها
صعدت وره وسديت الباب حيل
عوبه ماتصيرلج چاره
الطريق كله ماحجيت حرف ولا هوه حجه وتلفونه ماسكت كل شوي رساله لو اتصال اخر شي رد
شكوو نخبصت اي اي زين يلا بعدين نحجي
مادري ليش ضجت اكيد هاي حبيبته مادام هيج حجه وصلنا للبيت كل عاده نزل وقفل السياره فتح الباب ورجع صعد دخل السياره نزلت كبل فتت من باب المطبخ دخلت للصاله وصعدت فوك بدلت ملابسي وبقيت بالغرفه مالي خلك حته اشوفه وكفت ع المرايه اباوع على وجهي الشاحب عيوني من جوه مخترقهن السواد والدمع بعيني يلمع على شنو مادري اني مافاهمه نفسي شنو اريد مسحت دموعي وعدلت شالي ونزلت اسمعه بالدوانيه يحجي بصوت تقربت من باب الديوانيه اسمع وي منو يحجي
.....
جياد:- شبيج بابه لا تتخبلين كتلج سهله مايكون خاطرج اله طيب_ هههههه لا بويه جم حنين عدنه صار من عيوني
روايه:- مادري ليش وجع صار بكلبي بقيت النفس كوه اجره ركضت للمطبخ غسلت وجهي صفنت ع الشباك الي يطل ع الحديقه ضربت راسي بيدي وحجي وي نفسي شبيج روايه لا تتخبلين اصحي فكري بنفسج فاروق زينب منتضريني لا تصيرين ثوله رجعت غسلت وجهي بالماي البارد وراها سديت باب المطبخ الي من جهه الصاله فتحت علاكه السمج مامنظفات جريت نفس قوي هاي شلون ورطه هسه شيفتحهن الي بقيت ابجي بصوت عالي ماسيطرت على نفسي
___________________________________________
شنو توقعاتكم للبارت الجاي
منو حنين؟
راح ترجع روايه البيت عمها لو لا؟
؛؛؛؛؛؛؛؛؛:::؛:::::::؛؛؛؛؛؛؛؛؛:::؛؛؛؛؛
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
