ماريان_ Mariana
تحت عرش الجحيم
لا تنسون التصويت وتعليقاتكم الحلوه لطفاً
- الحزن ينفرش كالظلام، يغطي قلبي ويعتصر روحي، فكيف العيش بلا أمل وبلا ابتسامة، يا ليتني استطيع نسيان كل شيء وبدء حياة جديدة.
___________________________________________
جياد:- روح حمزه للبيت تره تعبتني
حمزه:- اخ يمه سندس تعبته
جابر:- هههههههه حمزه ماتلوكلك المياعه
لا تلوك الخالتك الشگره
جياد:- حمزه روح للبيت يمي جابر
خوش عمي واذا تحتاجون شي اتصلوا علي
ان شاءلله خويه
جياد ماوصيك عينك على البنيه وعلى روحك
الله كريم روح
راح حمزه ورجعت للردهه الي مخلين بيها روايه وكفت اباوع عليها جهاز تخطيط القلب مشتغل واجهزه التنفس كلها بحلكها وخشمها عيونها مزوركه وديها لافينهن بشاش بسبب الحروق معذبيها تعذيب نتجيت على الحايط وبقيت ادخن وباوع عليها بقهر
ام حمزه:- روح يمه للبيت ارتاح
لا حجيه ماعندي شي
اهلك هسه بالهم يمك صارلك شكثر ماشايفهم
اهواي يلا يتحملون بس تكعد روايه اخذها وياي
يااع يمه چا احنه موش عدنه بيت
حجيه اهناك احسن الها
يعني المقصد من چلمتك احنه ماحافظنه على امانتك
لا يمه تربات ايدج اني شلون تفسرين هيج بس المكان اهنا عرفوا لازم اخذها اهناك الحد ما نلزم رئيس عاصبتهم
تحسرت وحجت الله كريم يمه
جابر:- جياد ليش ماتروح للبيت تسبح وترتاح وترجع
من تكعد اروح ابقه هنا احسن كلشي يصير
جابر:- سكتت ماحاجيته
__________
فاطمه:-بيوم الي خطفوا روايه من بيتنا تخبلت بقيت اصرخ ماشوف اله واحد منهم لازمله بوري حديد مال تئسيس ماي طكاها بي على راسها كبل طاحت بالكاع بسرعه جروها طلعوا يسحلون بيها سحل واني ركضت ادك ولطم لزموني ثنين واحد منهم جر تلفوني ركعه بالكاع والثاني على راسي طكني بيده ركعني بالحايط بقيت اشهك دخت بقيت ماشوف بعيوني وره شوي اسمع بس صوت امي تصرخ وتهز بيه حيل حته اكعد
جابر:- فاطمه حاجيني فاطمه شصاير
مارديت علي غير بس اشهك وردد بإسم روايه خخذوها روايه
ام حمزه:- يمه الفرخه راحت من ادينه
جابر:- جري نفس وحجي
فاطمه:- اشهك وكوه اجر النفس والدم ينزل من يم كصتي
ام حمزه:- هاج كضي الوصله دمج راح يخلص يمه راح كلبي يمه انهبنه يمه الفرخه راحت من ادينه
ركض جابر طلع بره يدور واني ابجي الرجفه بعدها بيه
ام حازم:- هاج شربي ماي وشكر لا تموتين يمه حمزه وينك تعال لينه يمه
فاطمه:- امي تبجي وجابر تخبل
جابر:- شسوي هسه كلولي
خطيه جابر تخردل تصل على حمزه حركه حرك
كومتني امي دخلتني جوه وجابر مادري عليمن يتصل بالساحه شوي ودخل حمزه
ركضت امي حضنته وتبجي
وكفت اباوع علي وابجي
سلم على امي وجه حضني بقيت اصرخ وبجي
حمزه:- اشش كافي لا تبجين
حمزه اني السبب اني طلعت الهم
كافي ياروح حمزه هسه الصراط ينعل سلفه سلفاهم العتب مو عليج العتب على الكو.... العايفه بالبيت بس اسمه رجال
دخل جابر شايط من كلام حمزه
اكلك بالله لا تبقه تذب الوم كله عليه حالي من حالكم وين ادري
حمزه:- اكل خ....... ولا تهوبز علي لو بيك خير مو تعوف البنيه ياخذوها الكو......
جابر:- حمزه انتبه لكلامك مو صغير كدام كاعد بالصخام بالديوانيه وندك الباب طلعت ابن ام قاسم بيبيته مدري ياهي مريضه ورحنه اني وامي
اييي وانت ماتعرف تعوف امي يمهن شنو زعطوط ماخذها وياك
كافي حمزه رحمه للحر لا تبقه تخبط اوراق شسوي مادكلي طلعت وصار الي صار قابل متقصد اطلع وعوف ثنين بنات بس غير نخوني يعني بقيت محتار
كافي كافي هذا مو عذر اني واحد زمال ومنتكل عليك
ام حمزه:- شني يمه بسك عوفوا هل حجي وروحو دورو على البت ترا حجيكم مايوكل خبز
فاطمه:- صار كلام قوي وصياح بين حمزه وجابر ندك الباب طلع جابر شوي ودخل
جياد وصل يريدك
طلع حمزه مارد على جابر ضايج منه لان عافنه وجابر خطيه هم لا حوله ولا قوة الصار مو بيده
حضنتني امي وبقيت ابجي بحضنها
يمه خذوها يسحلون بيها سحول حافيه وملابسها خفيفه
ام حمزه:- اخخ يا يمه سوده بوشي (بوجهي) البت ولا رتاحت يوم كون يومي كبل يومها ربي الطف بحالها ورجعها سالمه النه
مسحت دموعي ودخل جابر وخرت من حضنها
جابر:- يلا كومن نرجع للبيت المكان خطر هنا
لبست عباتي وخذت جنطة امي وكم شغله وطلعنا وي حمزه رجعنا للبيت واحدنه روحها بخشمه صايره حمزه نار وامي بس تبجي وتنعه على روايه جابر خله وصعد الغرفته كوه غمضت عيني كل ماذكر الصار بيه افز مخترعه وامي ماعافتني بقت يمي تقره ايات قرآنية
صار اليوم الثاني وماكو خبر كل مااتصل على حمزه يرفضني الحد الليل وماكو خبر على حمزه وجياد باقين اني وامي مثل السمجه المزوهره نايمين بالهول اني وامي كل دقيقه افتح تلفوني خاف تجيني رساله من حمزه وماكو شبهه نايمه كل شوي افز ستوني غفيت من بعد ما كتلني التفكير يلا نمت فزيت على فتحه الباب
جابر:- هاا فاطمه اكلج كعدي
شكو جابر لكو روايه
على كيفج اي لكوها بسرعه كعدي امي نروح للمستشفى هناك هيه
من كلي دكيت على رجليه يمه ششمسوين بيها
كولي يالله ان شاءلله مابيها شي
كمت ندهت امي وهم كعدت ادك وتلطم كامت تركض نست حته تلبس الجواريب ركضت وراها
على كيفج يمه لبسي جواريبج مابيها شي ان شاءلله
ام حمزه:- شلون مابيها شي شلون يمه يا روايه يمه يامن يوصلني ليهه
طلعت ملابس حطيت بالجنطه لان جابر كلي ملابس الها وخذت كلشي تحتاجه حته جواريب حطيت الها وبالي يمها افكر شلون راح اشوفها شمسوين بيها كملت وطلعنا أجر تكسي جابر ورحنا المستشفى......
من وصلنا واني اشوفها مدده على السديه وجهه مشوه من الضربات وصوندات التنفس بحلكها وخشمها حطيت ايدي على حلكي وابجي احس كلبي تكطع من شفتها بهل حاله
جياد:- صافن وفززني صوت تلفوني شلته العقيد سلام
ها جياد وين انت
بالمستشفى
الشباب منتضريك الحد الان ممخليهم يحققون ويه ابو جكاره
هاا يعني الساقط مالهم اسمه ابو جكاره
اي نعم القب ابو جكاره واسمه قتيبه
سهله ان شاءلله بس خلي تكعد البنيه وجي
حاول لا تتاخر لان تعرف ياسر يدور عليك الزلات
سيدي بحلكي فشره بقاموس الفشار مامطروقه لا تخليني احجيها
كو.... هيه بقت بيها سيدي يلا روح ان شاءلله تكعد البنيه
هههههه الله وياك سديت التلفون ورحت كعدت على الكراسي بعيد عن الغرفه البيها روايه حطيت راسي على الحايط مادري بروحي من غفيت
فاطمه:- عيونه اني وامي ماخذت نوم والممرضين كل مايفوتون يردون يكعدون جياد وجابر خطيه يطلع الهم اعذار لان مكان مو مال واحد ينام بي
ام حمزه:- هسه ليش هيج مشلوع كلبه خلي يروح للبيت ينامله ساعه ويرجع
يمه مايقبل ماتشوفين جابر يتوسل بي وهوه قافل
صارت بالعشره الصبح وروايه على نفس النومه والقلق والتوتر اكلنه اكل اجه حمزه جاب ريوك ومحد يقبل ياكل بالكوه خلوا جياد يروح يسبح وينام شوي وهم ماقبل كبل راح للمخفر
حمزه:- هل ولد راح يخبلني اكله روح ارتاح يكلي لا رايح للدوام
ام حمزه:- طاحت وذره السان جابر يكله روح ومايقبل
فاطمه:- اي والله خطيه مايقبل
حمزه:- ليش ماتاكلن مو جبت ريوك
ماشتهي حمزه خلي تكعد روايه وكلشي يمر بسلامه
حمزه:- تكعد ان شاءلله فطوم وجهج شصاير بي
باوعت علي ودمعن عيوني
شبيج ياروح حمزه
خايفه على روايه
لا تخافين الله موجود
ونعمه بالله
تعاي كعدي هنا
كمت من الكرسي المقابيل حمزه كعدت بصفه حطيت راسي على جتفه
هاي امي وجابر وين راحو
خاف راحت للحمامات لو نزلت تتريك
چا موجبت ريوك
وخرت راسي من جتف حمزه باوعت حته العلاكه ماكو
نزلوا وحته ماحسينه بيهم
حمزه:-اي شكلك حزينه على روايه ونزلت تتريك بالمخفي
ههههههههه لا تحجي على امي
ترا هيه امي وتصير خالتج
طكيته على جتفه حمزه لا تحجي هيج
اخخ ولج بت ال...... جرحي بعده ماطايب
اسفه مادري نسيت والله
يلا تمون حبيبي
اكلك ليش تفشر منا ناس مو عيب
ترا ماكلت شي بس بت ال......
حمزه راح اروح تحجي صدك
روحي وياج كلاص چاي وامي شوفيها وياج
تحجي صدك يعني عادي انزل وحدي
اي روحي
كمت جاي اتحرك وجرني من ايدي
الحلو مالي صاير وكح وين رايحه بربوك شو صايره كلش
وخر مني ماريد احجي وياك عفته ورحت وكفت اباوع على روايه اجه وكف بصفي واني كلش ضجت من تصرفاته
حاجاني راد مارديت علي اجت امي وجابر
ها روايه ماكعدت
حمزه:-ها حجيه اهم شي تريكتي زين
عوفك مني الفرخه شنهي اخبارها
ماكو بعدها
جابر:- الدكتور ماجه شاف وضعها
لا ماكو
يلا همه ب 11هيج يجون يشوفون المرضى
الله كريم جابر اذا تعبان روح ارتاح
لا خويه ماعندي شي
تعال اكلك
فاطمه:- شكد احب اسلوب حمزه وجابر من يصير بيناتهم حجي لو هاي واحد يعتذر وي الثاني وحته لو تعاركوا اشوي ويرجعون طبيعي سحب جابر وحط ايده على جتفه وراحو بنهاية الردهه
ام حمزه:- يمه فطيم دكليلج لكمه
ماشتهي
چا شلون تبقين ميته من الجوع
يمه عوفيني روحي مفرفحه على روايه
ربج رحيم تكعد ان شاءلله
فاطمه:- صار الضهر وماكو اي خبر على صحة روايه الدكاتره طب تفحص وتطلع الولد جابو غدا كوه كلت شوي بالي يمها وزاد القلق علينه جياد كل شوي يتصل على حمزه
ام حمزه:- جابر ماتاخذني للبيت اسبح ابدل هديماتي
حمزه:- اي روحي وانت فاطمه هم روحي رتاحي
لا حمزه ماروح خليني هنا عفيه لا تضغط علي
خوش ابقي
راحت امي وجابر بقيت اني وحمزه كاعدين للمغرب أذن كمت اروح الحمامات النساء خليت تلفوني يم حمزه ورحت غسلت وتوضيت ورجعت لكيت ثنين دكاتره واكفين وحمزه وممرضين واحد من الدكاتره واكف يسوي صدمه كهربائيه نخمش كلبي وصلت يم حمزه والكلمه كوه طلعت مني
حممزه شكو شصاير ليش جاي يسوولها صدمه كهربائيه
لا تخافين مابيها شي ان شاءلله
أنت تقرأ
تحت عرش الجحيم
قصص عامةبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
