ماريان_ Mariana
تحت عرش الجحيم
ثمّ يهبُك الله شخصاً يزهرُ ما أذبلتهُ الأيامُ في قلبك
﴿عَسَىٰ أَنْ يَكُونَ قَرِيبًا﴾
قراءة ممتعه
___________________________________________
روايه:- مرت الأيام ومازلت على حافه الهاويه لا اعرف الى اين ينتهي بي المطاف..... بيت ابو جياد ابد ما قصروا وياي ناس كلش خيرين ماسمعت كلمه مو حلوه منهم ابد بس سراج متضايق من وجودي وكم مره اسمع اعياطه هوه وابو لو امه وحاول ماسمع بس جان كلامه سهم يدخل بكلبي وحده من اسهامه القاتله الي خترقت كلبي
شكو الحد هسه باقيه عدنه عيب عليها ماتحس
لو الثانيه ابد ماعدها احساس حقها وين شايفه هيج دلال اكل ونوم وراحه والكلام الي اسمعه ينحر روحي نحر اركض ابجي بالحديقة وكعد احجي وي فاطمه بالهمس وتكعد تصبرني وتنطيني طاقه ايجابيه
...
فاطمه تعبت اريد اطلع منا
على بختج روايه لا تخوفيني عليج وين تردين ترحين
مادري المهم اطلع من يمهم
تحملي مابقه شي وجياد وحمزه ينزلون وحجي وياهم وخلي يشوفولج حل
ماراح يتغير شي راح يصيرلي شهر اني بيت جياد تعبت والله عيب عليه باقيه هنا
مالج غرض بسراج هذه واحد متعجرف مادام ام شاهين وابو زينين وياج معليج بي
فاطمه ترا اني انسانه من دم ولحم كلامه اسهام بكلبي تدخل مو مطي وماحس بالكلام
اخ يا روايه ادري والله كليلي شسوي
ماتسوين شي اني الي راح اسوي
وشراح تسوين
اخابر المطي العافني هنا
ياهو المطي
خرب ماكدر احجي بصوت لا احد يسمع جياد
ايي وشسوين
اهدده يجي يطلعني منا لو اشرد
من كل عقلج روايه
اي اي فاطمه حسي شوي بيه هه ولو منو يحس بيه محد عايش الي عايشته
روااايه لا تحجين هيج وتكسريني اكثر وحده شايله همج انه وكلبي وعقلي يفكر بيج حته حمزه باله يمج منو مايحس بيج انه لو امي لو جابر الي مايعرفج ولا مسولف وياج غير بس جم مره تصادفتي ويا
فاطمه راح اروح سمر يمكن صعدت
روايه لا تتهورين
لا مااتهور يلا تصبحين على خير
الله وياج وانت من اهله
سديت التلفون مسحت دموعي وكعدت عدل دخلت سمر وجهه مايتفسر
ها روايه شبيج
مابيه شي
روايه
ها
فدوه لا دكليلي سمعتي حجي ابوي وسراج
عادي من حقه يحجي والله واني هواي طولت عدكم
لا ابوس ايدج لا دكولين هيج وروح العباس ابوي طيح حضه وطرده من البيت
سمر ليش هيج يسوي ابوج والله الولد ماحجه شي غلط اصلا اني جيتي غلط بغلط البيتكم بس بعد شكول الفاس طاح بالراس
روايه خلي يولي الي سمعتي تنسي وهسه كومي غسلي وجهج ومسحي شكو شي سمعتي
سمر بس طلب
كولي ياعيون سمر
اريد تلفونج احجي وي اخوج جياد
صار لحضه افتح الرمز
نتضرتها تفتح الرمز اتصلت بي ونطتني التلفون
راح انزل شوي وصعد
ليش تنزلين ابقي يمي
لا ناسيه ملابس بالتجفيف اشرهن وجي
خوش طلعت وسدت الباب بقه يرن ويفصل رجعت اتصلت من جديد فتح خط وعاط بالتلفون
شكوووو سمر
رديت علي بكل وضوح واني كلبي وعقلي متروس حجي اريد بس انفجر بي اني روايه مو سمر
ها روايه شلونج
بخير الحمدلله
خير ان شاءلله
جياد راح يصيرلي شهر واني باقيه عند اهلك اذا انت عادي عندك ترا صعبه عليه
على كيفج وحده وحده
جياد اخ يا البرود العندك كافي خليك زلمه ولو مره وحده واوفي بكلمتك ورجعني الاهلي
اكلج شو بقيتي تخربطين شنو زلمه شنو مره وحده قندره نهار كله ضاحك عليج لو شايفتني مخنث
لا تجاوز وحترم نفسك كافي هل مهزله تعبت تعبت حس شوي بيه اريد اهلي كافي عيب بقيت اهواي اخوك يطب ويطلع يشمر حجي عليه اني مو طرشه وماسمع ولا مطي وماحس هه ولو المطي هم يحس بس البشر مايحس
هييي شوي انطي مجال منو الحاجي عليج سراج مو الساقط الطايح الحض اجي لو ما اجي سهله بسيطه
بقيت اشهك وابجي جياد لا شغله تجي ولا هاي راح ادز على فاطمه وجابر ياخذوني
وحق ضلع الزهره يا روايه اذا تعديتي خطوه بره البيت يابه وروح محمد امحيج من الوجود
هه تهدد
اي اهدد وكسر رجليج
شسوي سوي لا اخاف منك ولا من الاكبر منك
ها هيج صار الحجي ماشي انت هسه طلعي وشوفي راح شسوي
بقيت اصيح وحاول اكتم صرخاتي جييياد عوفني عوفني ياكلني الجرب الوحل الفلك مالك غرض بيه اذا تعزني مثل معزه سمر عوفني اعتقني
عليمن هسه انت حاركه روحج هاي الايام جاي ومرجعج الاهلج
هه وشنو اليضمن
جدي راح اطلعه من الكبر اخلي يمج ضمان
خلي يمك احسن
ادب سزز
ما ادب سزز اله انت ناس ميته طلعهم من الكبور ليش
لا يا....... يا سالفه هواي نطيتج مجال دخل اجي اذا ما اشعل ابوج
لا تخليني هسه العب بيك فلك شنو انت وتغلط على ابوي واذا انت زلمه تعال وراويني طولك اله اراويك النسوان شتخلف
هه والله وطلعلج السان يا بت حازم
اشرفك وشرف عشره من امثالك
ديلا ولي اريد زوج يرد عليج انت مو مال احترام مال بنعال وعلى راسج المحجر
سد التلفون بوجهي جاي اكمل رزالتي شمرت التلفون ع الجربايه بقيت اتنفس بقوى وروح يمنى ورجع ويسرى لزمني صداع كلش قوي براسي كعدت بالكاع وبقيت ابجي وشهك تهسترت كلش
دخلت سمر مخترعه
اسم الله الرحمن شبيج روايه حاجيني
بس ابجي مارديت عليها
ركضت جابت الماي شربتني شوي وغسلت وجهي
لا تخوفيني عليج فدوه بس كليلي شصار شكلج جياد
رديت عليها واني اشهك خلي يولي اخوج المطي
يروحلج فدوه بس لا تبجين
مايستحي يجذب علي
هسه اخابره وسوي بي فلك
لا خلي يولي بس خليني انام
تعاي يروحي نامي على رجلي
تمددت على رجل سمر بقت تلعب بشعري ماحسيت بنفسي من نمت
___________
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
