ماريان_ Mariana
تحت عرش الجحيم
قراءة ممتعه لا تنسون التصويت
............................................................................
طبكت باب الغرفه بكل قوتي وطلعت
صاح وراي كسر بيدج العوبه
دخلت الغرفه زينب واني ارجف كوه ابلع ريكي الحقير النذل وين يريد يوديني احسن شي اكل الفاروق بس لا فارق خاف مايصدك هوه كال كلهم ميحبوني بقيت صراع بين عقلي وكلبي وكل جسمي يرجف دفنت نفسي بالفراش واني دموعي ينزلن جمر على خدي يارب انطيني الصبر تعبت وين اروح اشرد يكتلوني ابقه اكل وحل بثنين اديه مادري شلون نمت اكثر ليله مرت علي موحشه وحيره وحس ضاكت الدنيا بعيوني كعدت على صوت زينب تهز بيه حييل
زينب:- كعدي ولج كعدي ناجحين ناجحين
فزيت راسي احس يريد ينفرج من كد ما بجيت الليل كله افرك بعيوني وباوع عليها تكمز وتصفك شبيج تخبلتي
زينب:- الثوله نجحنا يعني صرنا سادسيون
خير ان شاءلله منو جاب النتائج
زينب:- عدنان خطيه اجه بشرني كال ناجحات الحمدلله والشكر
هااا
زينب:- اكلج شبيج باجيه شو عيونج الحلوه صايره سود من جوه
لا مابيه شي بس راسي شوي يوجعني
مممم شو ماحس فرحانه بالنجاح
عادي عندي نجاح رسوب الاثنين ميهمني
الله يهديج خيه ضاهر مثكله بالنوم
اي ديلا وخري من خلقتي خلي اروح اغسل وجهي
مو تتاخرين عدنان يريدج جوه يم امي
رحت للحمام وبكلبي اسب بعدنان الفكر لا بالليل يخليني ارتاح ولا بالنهار دخلت للحمام غسلت ورتبت شعري ولفيت الشال نزلت كاعد عدنان وعمتي يتريكون صبحت عليهم وكعدت بصف عمتي ولا باوعت على عدنان ابد
ام عدنان:- تعاي ابوسج يابعد كلبي الف مبروك على النجاح
تقربت يم عمتي بوستني الله يبارك بيج حبيبتي عمتي
عدنان:- مبروك روايه
الله يبارك بيك حجيتها واني عيني مو يمه ابد
كامت عمتي تشيل الصينيه كالت راح احمي الچاي واجي برد واحنه كملنا
لا عمه كعدي اني كايمه
ابد وروح امي اني رايحه
راحت عمتي عدنان باوع علي وذب حسره وحجه
عدنان:- روايه اني اسف لان هيج امس كتلج جنت مثكل بالشرب ومادري بروحي
لا جذب اصلا ماشارب
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
