ماريان_ Mariana
تحت عرش الجحيم
لا تنسون التصويت ومتابعة الحساب
كيف يمكن أن تشرح للغير أنك ما عدت تصلح للأحاديث اليومية السطحية أنك مستنزف لدرجة أنك تحتاج فسحة من الوحدة كي ترمم ما دمرته الحرب فـ داخلك.
___________________________________________
خليت بيبي تصلي طلعت من الغرفه رحت يم فاطمه بالمطبخ
ها اساعدج بشغله
لا خيه ماعندي شي جاي اگلي كباب
چا شنو هذا الي بالماعون
هاي جبده امي كلتلي اشويها للصراط
دخليني اشويها
خيه عليمن اتعبج هسه اخلص وشويها
ماعندي شي شبيج خليني اساعدج
ههههههه شمالج راح تبجين يلا كصصي وشوي
والله هيه منا ضوجه وخنكه عاد خليني اساعدج
يلا خاله ساعديني هههههه
كصصت الجبده وغسلتها خليت ملح وشويتها من بعدها حضرت الزلاطه والچاي وفاطمه كلت الكباب والكبه والبتيته اشكال الوان مسويه
حضرنا صينيتين وحده الهم اجه جابر خذاها والثانيه شالتها فاطمه رحنا بالغرفه يم ام حمزه تعشينه لان دافيه
ام حمزه:- وديت عشه للولاد
فاطمه:- اي يمه حته قوري الچاي خليته الهم بالصينيه
اي عفيه بيض الله وجهج
هههههه فدوه الحلكج
ضحكي الفطيره على كلشي
چا احسن ابجي
وانت الثانيه الصفيره شمالج تصفنين
روايه:- ها بيبي وياج كولي
اهووي انت بالج موش ويانه اكلج اكلي لا صفنين
ههههه اي جاي اكل
صدك شمالجن ماصبيتلي ستكين چاي
فاطمه:- نسيتج هسه اكل الجابر يجيبلي القوري
لا انه اخلص وروح يمهم اشرب
خوش براحتج
روايه:- حيره من تحس نفسك بعالم مو يمك ومكان ماتنتمي اله وتنجبر تعيش بهل مكان ام حمزه وفاطمه جانن الي ام واخت وكلشي يحاولن يطلعني من جو الإكتئاب الاني بي حسسني بالدنيا بعدها بخير عرفتهن جم يوم صارن بالنسبه الي كلشي صح جفصات ام حمزه وشقاها الثكيل وياي بس رغم كل هذا احبها... خلصنا عشه ام حمزه غسلت وراحت يمهم والدنيا مطرت وهوى عالي صار البيبان تتراكع ركضت فاطمه تسدد بالبيبان
شلت الصينيه وغسلتهن على السريع مو هواي هنه
دخلت فاطمه جاي تحجي وفتحت حلكها
هاييي شنو روايه منو كلج غسليهن
اني كلت النفسي
لا خاف ماترضين
هههه ارضه ليش ما ارضه
تعبتي خيه اهواي يلا وخري خلي اعزلهم
يلا راح ماعارض لان ماندل اماكنهم وين
اي هم عوزها بعد
خيه سويتيها قصه هسه بيت اهلي شنو مدلله هم اغسل ونضف
بس هنا تختلفين
يعني تعتبريني خطار
لا والعباس ابو فاضل اختي واعز من روحي
لا بعد زعلت
يااا صدك عود والنبي محمد اشاقه وبعد تشتغلين وياي ومالي غرض بيج خوش
هههههه خوش نشوف
اييي دضحكي ماتسوه الدنيا
يلا عزليهن حته نروح بارده هنا
اي
نتضرتها تكمل تعزيل الماعين ورحنه الغرفه ام حمزه كعدنا نسولف
فاطمه:- روايه انت هسه نجحتي للسادس
اي
وشمقرره ترحين علمي ادبي
ههههه والله شكلج صار مدري جم شهر من بلش الدوام مادري بحياتي وين راح تستقر
افففف الله كريم خيه كلشي ينحل مايبقه على حطته
الله ارحم الراحمين
دهر صابني
ها شبيج
ولج ناسيه تلفوني صامت وهسه حمزه مادري بي متصل علي
هههههههه ناسيه رجلج
اي بالعباس فد ثوله خلي اكوم اشوف تلفوني وجيج
روحي حبيبتي براحتج.. راحت فاطمه وبقيت اني كاعده بصف الصوبه ادفي بديه على النار ذكرت اهلي
من جنه كاعدين بيت ايجار تعبان وبالشته الهول يخر امي تركض تجيب جدوره وطاسات تحطهن حته مايتبلل الفراش
نكعد بغرفتي لان الوحيده بالبيت سالمه مابيها شي ابوي كاعد بصف الصوبه وامي من الجهه الثانيه تسوي دولمه واني فارشه كتبي وادرس ايام من صدك بيها محنه وهسه صارت حسره عليه شوفه گبورهم تنهدت بوجع وكمت من مكاني طلعت من الغرفه جاي اروح وستوقفني صوت ام حمزه تحجي وي فاطمه
فاطمه:- يمه شلون يعني هسه صدك راح يروح
اي هل جاي يبدل
مو خطر المكان شلون يروح
چا كليلي شسوي ذولاك يكلوله هسه لازم يجي وفطيمه عينج على الفرخه مو تخرعينها
لا يمه شنو سالفه اصلا راح اخلي الامور طبيعيه
بس كليلي شلون وهذا المخبل يريد يحجي وياها
عليمن
چا اندري كاعده ويا دروحي صيحيها
روايه:- اسمع وكل جسمي يختض خوف على رهبه الف فكره اجت ابالي اكيد راح يشرد نفسه ويعوفني اهنا يكتلوني وبقيت اجيب وحط بالتفكير بقيت ارجف بقت فاطمه تصيح بوجهي
ياااا روايه شبيج يمه لحكيلي يمه
ام حمزه:- شكو شنهي اسم الله الزهره شبيج يمه
فاطمه:- اريد الزم روايه ماكو ترجف مثل السعفه وجهه صار اصفر حطتها امي بحضنها وصاحت بيه
اركضي فطيمه بسرعه ماي وشكر الفرخه لا تروح من ادينه
ركضت للمطبخ تخردلت وجابر دخل يصيح شكو وكلها متوتره
ماكو شي بس روايه طاحت مادري شبيها وحدها حجيت هل حجايه وعفته ركضت حطيت الكلاص بيد امي شربتها وغسلت وجهه روايه
روايه:- طحت بدين ام حمزه وفاطمه مادري شصار بيه
فاطمه:- خلينها الحد ما ستقر وضعها شوي وكومناها للغرفه
ام حمزه:- اسم ام الحسن والحسين عليج شجاج يبعد طوايف هلي
من وعيت على نفسي ام حمزه لونها مخطوف علي خطيه وفاطمه هم
فاطمه:- شبيج حبيبتي تحسين شي يوجعج
بس كلتلي فاطمه شبيج حطيت اديه على عيوني وبقيت ابجي وشهك
ام حمزه:- سترك ربي خيبه شبيج غير تحجين خليتينه مثل الاطرش بالزفه
راح اموت والله راح يكتلوني راح يروح ويعوفني مو
ياهو يعوفج شبيج تسودنتي
سمعت حجيجن والله سمعت
فاطمه:- لا تخافين والله ماكو شي شبيج
ام حمزه:- حبوبه انه موجوده وتخافين اله اكسرلج ضهر كلمن يگرب صوبج
واني اشهك وبجي ببيبي شيريد مني الصراط
خيولي عوفي تعاي صوبي نامي هنا
كعدت بصف بيبي ودخلت فاطمه للغرفه
روايه شلون صرتي
الحمدلله
بيج حيل تجين وياي
وين
جابر يكول الصراط يريد يحجي وياج بموضوع
مابيه حيل والله فاطمه كلبي خلص مابيه كل طاقه بعد شيصير خلي يصير اني استسلم خلي يكتلوني يذبحوني يصلخوني شيسوون خلي يسوون
ام حمزه:- خيبه شو تتعايرين ومنهو يطيج ليهم كومي شوفي هذا الثاني شيريد
ماروح بيبي خليني هنا احسن
ام حمزه:- فاطمه ناوشيني نعال
والله يمه تحجين صدك
چا مجذبه عليج
بيبي شنو سالفه ترا ماحجيت شي كتلج ماريد اروح
ضاهر انت ماتجين بالعين والاغاتي
هاهيه بيبي كايمه ولله
فاطمه:- امي مدت السانها على روايه واني واكفه بالباب اشاهد ههههههه الحد ما عاطت بيها يلا كامت
كمت لبست شالي وطلعت عفتهن بالغرفه يسولفن فتحت باب الصاله دكيت باب الديوانيه صاح ادخل
دخلت الصراط واكف يجهز بنفسه وحاط رجله على حافه الچربايه ويلف بالباندج على رجله
الصراط:- شلونج كالوا متخربطه
الحمدلله لا مابيه شي
يالله روايه اني راح اروح اجاني نداء على عمليه خطره ولازم احضر الاريده منج
شنو تريد مني احجي
شبيج ترجفين
مابيه شي بس انت مو كد كلمتك
نزل رجله وكعد يلبس بالاحذاء (تكرمون) رد علي شلون بالله مو كد كلمتي
كتلي راح اطلعج وهسه راح تروح وتعوفني هنا
ليش اني وين عايفنج يمج ام حمزه وفاطمه وجابر
اريد اهلي
همه وينهم اهلج صاروا عضام جوه التراب
اي اريد اندفن يمهم شعندي باقيه بعد هنا تعبت يوميه صدمه يوميه عذاب جديد
بابه شبيج تخبلتي جاي اكلج چم يوم ورجع قائد العمليات دز علي ولازم احضر لو جنازه هم اروح الهم
ماكايلتلك لا تروح روح الله ومحمد وعلي وياك شعليه بيك كمل جميلك وردني الاهلي
ارجعج بس خلي تفض هاي السالفه ماضل وكت عندي سمعيني زين روايه
وكف على حيله خله الجكاير ومحفظته بجيبه وتلفونه لازمه بيده والرسائل ماسكتت الجكاره بحلكه ويحجي من طرف الجكاره
شوفي بويه الاريده منج تبقين بالبيت ماكو طلعه للباب ابد ام حمزه طلعت تعاي طلعي وياي مدري شني ذني ماريدهن ابقي بالبيت الحد ما ارجع وهل مره كبل اخذج البيت اهلج ماخليج تنتضرين
هزيت راسي اله بمعنى اي ودموعي تنزل بصمت بقيت مدنكه بمكاني خايفه يروح ويغدرني
تقرب من يمي وحنه راسه المستواي
شبيج تبجين
مابيه شي
الهدرجه عزيز على كلبج
منو العزيز على كلبي
اني چا ياهو ابوي
لا شعليه بيك واصلا ماباجيه عليك
ممم اكيد
تريد احلف
هههههههه لا مصدكج يلا بويه نتبهي الروحج ولا صيرين فاهيه بعد عمج
يحجي وياي وبهل أثناء دك تلفونه
جاي اطلع اشر بيده بمعنى اوكفي
الصراط:- ها لا ماعندي شي- خوش يم الفلكه يلا من توصل اتصل هلا بيك
روايه راح اروح عندج كلام اخير تردين دكولينه
روايه:- بقيت صافنه بوجهه ماعرف شحجي مادري شلون طلعت من عندي صدك انت مو اسمك الصراط
باوع علي بستغراب شنو مافهمتج
ها ماريد شي
عيدي شنو كلتي وكت ماعندي
روح لله وياك
انت لو غبيه لو تستغبين
براحتك بالي يعجبك
يلا مع السلامه بس ماانساها الج
طلع من الدوانيه وعطره سابقه رايح الحفله مو للموت
خليت وطلعت رجعت يم ام حمزه وفاطمه لكيت ام حمزه نايمه وفاطمه ممطوله على بطنها تباوع مسلسل بتلفونها من شافتني كعدت
ابقي لا دكومين
ها كلبي يمج شصار
ماصار شي يوصيني انتبه على نفسي وهاي
خطيه جياد كلبه رهيف وحنين
شو بس انتم تحسون هيج
ههههههههه والله حقج لان كاسر ايدج
هيه بس هاي چم مره ومره يركعني بالكاع
الله يهدي ولا يهمج اني احاجي حمزه يربي
خلي الله يعاقبه هوه هل راح مدري يعيش مدري يموت
خيه على بختج شمالج وي الرجال مفاولته بالموت
لا شعليه
چا شلج بهل حجي
اكلج نعست
بعد وكت تعاي باوعي وياي على هاي المسلسل تخبل
تمددت بصفها وبقينه نباوع على المسلسل مادري بروحي من نمت
كعدت على صوت ام حمزه عالي جاي من بره الغرفه وفاطمه تبجي كمت على السريع طلعت حته مادري بروحي شلون لزمت الشال حطيته على راسي
اباوع ام حمزه بالكاع فاتحه شيلتها وفاطمه باب المطبخ واكفه تبجي بقيت ارجف وكلبي نمرد كلت اكيد كتلوا الصراط
ام حمزه:- يمه يبعد اهلي وضناي يمه بچري راح من اديه
جابر:- الخاطر محمد كافي هيه شني يمه كتلج مابي شي
شصاير فاطمه احجي
ردت علي وهيه تناشغ ححمزه ممصوبينه
حطيت ايدي على حلكي يااا وكون بي شي
مادري روايه مادري يمه كلبي ولله راح يوكف اتصل ومايرد علي
ام حمزه:- جويبر اخذني اله بعد ماكدر چلاويي ماعن
جابر:- يمه حبيبتي سمعيني عدل جاي اكلج والله مابي شي لو بي شي چا اخذتج وين اطلع بيج بهل مطر وهوه مو هنا ب............... اهواي يلا يوصل
ام حمزه:- احلف بالكفل زينب مابي شي
والكفل زينب مابي شي
مسحت دموعها ام حمزه وكامت راحت للغرفه دخلت وسمع بس نعاويها كلب ام ماترتاح اله تشوف ابنها لزمت فاطمه من ايدها خذتها للمطبخ غسلت وجهه وشربتها ماي ورجعتها للغرفه ومستمره تبجي
لا تبجين والله مابي شي هسه بس يداوون جرحه يحجي وياج
خايفه هسه يطلع بي شي وجابر ضام علينه
اسم الله لا تحجين هيج كومي توضي وكعدي صلي ودعي من رب العالمين الي يرجعه الج سالم
كامت توضت واني هم توضيت وكعدنا نصلي صليت صلاة الصبح قضاء وركعتين هديتهن الرب العالمين وكعدت ادعي يرجع سالم الهم خطيه ام حمزه وفاطمه نمرد كلبهن علي
الاوضاع متوتره فاطمه معتكفه بغرفتها وام حمزه تصلي وترجع تنام مو من عوايدها هيج تبقه بس متمرمره على حمزه وجابر كل ساعه يدخل يفتح الثلاجه ويسدها اخر شي سمعت صوت باب الحوش نسد مبين طلع صار الضهر وهنه بغرفهن
واني شوي اكعد يم ام حمزه وشوي يم فاطمه اخاف عليهن
كمت فتحت الثلاجه بيها صحن كباب عروك طلعته وحميته وطلعت خبز وخضره سويت لفتين وكلاصين ماي خليت بالصينيه دخلت على ام حمزه تسبح بالسبحه مالتها
بيبي فدوه اكليلج لكمه لا طيحين وجهج اصفر صاير
ماريد بيبي ماشتهي
اذا تحبين حمزه اكلي الخاطره والله من يجي مايقبل عليج
وينه ابو طول الحلو خلي يجي مو طكت حوصلتي علي مادكين على بهذا الواحد
ماعندي بيبي تلفون والله
اخ يمه اخخخ
فدوه بيبي كعدي اكليلج شوي بقيت اقنع بيها الحد ما طاحت وذره من الساني يلا قبلت تاكل شوي
بقيت كاعده يمها الحد ما كلت شوي ماقبلت تاكل وشربت ماي.. بيبي تردين اسويلج جاي
تعرفين
اي كلشي اعرف
راسي يريد يطك
اي حقه من البجي
چا البزر اهوين يمه روايه هذا چبيري هذا لحمه من كلبي
ان شاءلله يرجعلج ومابي بس العافيه
الله يسمع من حلكج يبعد كلبي ربي اسمع دعوة هل يتيمه ورجعلي وليدي سالم
شلت الصينيه ورحت الفاطمه توسلت ردتها تاكل ماكو وجهه اصفر ومنتهيه روحها حقها زوجها وحبيبها وربت كدام عينه شلت الصينيه وطلعت نقهرت عليها من شفت هيج وضعهن حته الماي ماشتهي اشربه سويت چاي وحطيته على النار شوي وسمعت الباب نفتح وراها باب الصاله دخل للمطبخ جابر وبيده علاليك
ها خويه انت هنا
كول تفضل
امي فاطمه بعدهن على وضعهن
اي بعدهن بس شوي بيبي احسن نطيتها لفه تاكل
چا هذا جبت غده دزيت بيد جماعتي وهسه هل جابوا
ها تريد احضرلك الغدا
اخذي راحتج خويه اني احضر
لا والله ماعندي شي
خاف اسوي عليج زحمه
لا تدلل خويه
حط العلاليك على الكاونتر
حضريها واني اجي اخذها
ان شاءلله طلع من المطبخ راح يم ام حمزه حطيت صينيه وفتحت العلاليك جايب دجاج شوي وتمن وخبز وروبه ومقبلات ومعلاك ولبن وبيبسي حطيت من كلشي اله والباقي خليته بالكاونتر
حضرت الصينيه وفار الچاي صبيت واخذته للغرفه دكيت الباب
تعاي خويه
فتحت الباب وخليته الجاي على الطبله كدام ام حمزه
فدوا الايدج بيبي تعبتج
لا بيبي تدللين
غداك جهز اجيبه الك
لا اخذي راحتج رايح اني
كام باس راس ام حمزه
جابر:- يمه على كيفج وي روحج جبتلج معلاك ودجاج اكلي وابنج يجي يمج سبع ماينخاف علي
ان شاءلله يمه
يلا اخذوا راحتكم
طلع وسد الباب كعدت مقابيل ام حمزه بصف الصوبه ادفي اديه
ماكلتيلج لكمه
ماشتهي بيبي
شنهي باقيه على لحم بطنج من الصبح دكومي صبي وكلي
ماكل والله الحد ما انتن تاكلن فاطمه اتوسل بيها وماتقبل
هيه وينها هاي المخبله
نايمه بالغرفه
بيج حيل ترحين تصيحينها الي
اي
كمت رحت للغرفه كعدتها على كيف فزت مرعوبه
ها حمزه اجه حمزه
اسم الله حبيبتي على كيفج بيبي ودتني تريدج
كعدت تتحسر جرت تلفونها من يم رأسها فتحت اتصال على حمزه يتصل وماكو جواب كلش جاي تسده ونفتح الخط كامت على حيلها تشهك وتحجي
حمزه تسمعني حبيبي الو
ها ياروح حمزه
وينك ها وينك كلبي يمك بيك شي حاجيني
روايه:- اسمعهم ودموعي تنزل جمر حالتهم تقهر هوه يحجي بوجع وهيه مثل المخبله
موجود لا تخافين علي شلونج انت زينه
اريدك حمزه تعال فدوه كلبي مفرفح علي
ياكلب حمزه چم يوم وجي
ليييش جابر يجذب علي وكلي اليوم يجي
ماجذب بس مابيه شي مو مال ارجع للبيت
وين طكوك طلقه كلبي يمك ياروح فاطمه
يابعد روحي لا تخافين جرح بسيط مو هواي بجتفي وبطني
كون بيه ولا بيك
بقت تبجي فاطمه وحمزه يهدي بيها
اسم الله عليج امي يمج شلونها زينه
هسه انطيك تحجي وياها
مسحت دموعها وراحت ركض للغرفه رحت وراها وام حمزه دك على صدرها
يمه حمزه كون الوجع البيك بيه يابعد كلبي
ها يمه حبيبتي مابيه شي وداعتج كلشي مابيه ابنج سبع
روايه:- ام حمزه تحجي ويا وتبجي وفاطمه واكفه تبجي بسكته نها المكالمه وياهن وراح لان مايكدر يطول من الوجع
ام حمزه:- يمه فطيمه كليلج لكمه ويهج كركم
ماشتهي يمه والله
اختج نملخ كلبها من الجوع شني ذنبها دكومي صبي وكلن
تعاي روايه وياي خلي نصب
كمت وياها رحنه للمطبخ طلعت الاكل تحضر بي
فاطمه:- تدرين روايه روحي طلعت والله من سمعت كلت مات
اسم الله مابي شي الحمدلله
طاك كلبي علي ماجنهن جم يوم راح دكول سنه والعباس
الله يساعدج ان شاءلله يرجعلج وشبعين منه
ذبت حسره وحجت ان شاءلله يلا خيه جيبي بس لبن وياج
شلت لبن ورحنه يم ام حمزه كعدنه نتغدى مدري نتعشى لان العصر وهسه يلا رجعت عافيتهن من حجن وي حمزه
ام حمزه:- هذا ياهو جابه
جابر بيبي جابه
اعع فلك طره وعاف البيت تايهه وراح جاب اكل
لا موصي جماعته وجوا نطوا الاكل
هااا عدالي هوه راح لان ذاك المخبل الجبير خذاله ساعة يوصي بي علينه
بتسمت الها وكملت اكلي اني وفاطمه.. فاطمه خطيه كلت بشهيه مفتوحه لان جانت متمرمره خلصنا وكمنا غسلنه الماعين خذت ملابس ودخلت اسبح نتبهت على ركبتي مابيها الكلاده بقيت تلمسها بخبال باوعت بالكاع عبالي طايحه مني ماكو كملت وبدلت غسلت ملابسي وطلعت اباوع بلكت طايحه بالساحه هم ماكو شريت الملابس ودخلت سئلت فاطمه
اكلج فطوم ماشايفه كلادتي
لا چا وين ضاعت
هسه نتبهت عليها ماكو
مادري والله هسه دورها وياج
بقيت ادور عليها اني وفاطمه ومالكيتها نقهرت كلش يعني بس هاي البقت من ريحة بيت عمي وهم ضاعت كعدت بصف جربايه فاطمه بقيت ابجي بسكته حته محد يسمعني دخلت علي فاطمه كمت وكفت مسحت دموعي بشالي
ياا دهر شبيج
هههه ها مابيه شي
تبجين على الكلاده تروحلج فدوه بس ينزل حمزه اخذج بيدي للسوك وتشترين الاحسن منها
فدوه الكلبج لحنين بس شي عزيزه على كلبي وهديه من ابن عمي وكلي لا تنزعينها بس مادري شلون طاحت مني
ولا يهمج هسه هم ارجع انفش لبيت نفش بلكت نلكاها
لا عوفيها شوف وين راحت
چا تعاي نكعد يم امي لا تزوين روحج هنا
بس امشط شعري وجي
خوش براحتج حبيبتي
طلعت فاطمه ورجعت كعدت مشطت شعري ضفرته على السريع ولبست شالي وطلعت لكيت ام حمزه كاعده تفلس تمر وفاطمه مكابلتها
ام حمزه:- ها حبوبه سبحتي
اي بيبي
نعيما چا مدي طولج ويانه وكعدي فلسي
جاي شسوون بيبي
فطيم شتهت تمر بسمسم ودهن
فاطمه:- ياااا يمه شوكت كايلتلج مو انت لكلتيلي شتهيت تمر وسمسم
ولج دنطمي لا يسمع جابر ويكعد يرطن دكول بدوي ضايع
بقينا نضحك على سوالفها كملنا التمر وكمت اني سهسهت السمسم واكفه على الطباخ وصاحت فاطمه
روايه جيبي بالطاوه لا تخلينه بصحن
خوش طفيت لنار وشلته بوصله وديته الهن
ام حمزه:- يمه فطيم كومي حمسي بدهن وجيبي
صار يمه
كمت وره فاطمه رحت للمطبخ غسلت اديه وتوضيت
فاطمه:- صار الليل
اي سمعت اذن
هاا چا خل اودي لمي ورجع اتوضه
:-تدرين فاطمه بالبيت الي عشت بي مدري جم شهر عذبوني بسبب الصلاة
كولي والله شكد حقيرين ونعالات
:-اي وداعتج يومين يعذبون بيه
اوي كون كسر بيدهم بحق ام البنين اني بس اريد اعرف ليش هيج يسوون
:-تحسرت وحجيت اصلي وحجيلج ليش هيج يسوون
خوش خيه واني هم اكضي شغلي وكعد وياج
بتسمت الها وطلعت من المطبخ رحت الغرفه ام حمزه صليت سجدت ادعي رب العالمين وتوسل كملت صلاة ولميت لمصلايه اجت عيني على جربايه ام حمزه دنكت اباوع بلكت طايحه جوه كلادتي بس للئسف هم ماكو نزعت جادر لصلاة ولبست شالي ورحت كعدت بالصاله لكيت التمر والسمسم مغطياته وخرت الغطه وكعدت اسوي كرات وحطهن بالسمسم
طلعت فاطمه من الغرفه
ها خيه كملتي
ايي تعاي كابليني ولج هذا وين تريد بي بيبي
هههههه حسبت بيت ام قاسم وبيت ام صالح هم
شنو ناذره توزع
لا ولج ههههههه بعد امي چريمه ولازم تنطي للجوارين
هههه حبيبتي شكد حنينه هل مره
ام حمزه:- ياهي هاي لحنينه
يمه بيبي كمزتيني
وحمس شلج بهاي العياره
بيبي انت لحنينه قابل اكو غيرج
ههو ههو يزمو
انوب زمو شنو هاي بيبي
يعني ربعج لتمو
فاطمه:- يااا ههههههههه روايه بعد شيخلصج من لسان امي
ههههههه عادي كلشي منها عسل
هنوب عسل ديلا وانت الگيمر دناوشيني تمرات
هههه تدللين يبعد روحي شلت تمرايات حطيتهن بيدها وكعدت تاكل بيهن وتباوع علينه
حطلي بصحن اودي البيت ام غاسم
يمه دنيا الليل باجر ودي
ياعع جا غير ييبس ويصير حياره (حجاره)
بكيفج بعد شوفي جابر يقبل وروحي
خب شو تلعبين وانه بكيفج لو بكيف جويبر
روايه:- بقت بيبي تداهر وي فاطمه تالي سمع جابر وماقبل تروح سكتنا وكمنه لمينه الماعين وسوينه عشه والامور طبيعيه حمت فطوم الاكل مال الغدا لان بقه هواي منه واني وكفت اكصص خيار صبت بصينيه وراحت ودته لجابر شلت صينيه اني حطيتها بالصاله ورحت صحت ام حمزه لكيتها فاتحه جنطتها وتبحوش بيها
بيبي تعاي تعشي
ها كمل
اي
چا عود جاي اراويج بخوري يلا وره العشه وبسط بيهن
ههههه خوش يلا تعاي
لتمينه على العشه وبلشت سوالف بيبي الماينمل منهن
ام حمزه:- يمه هم خابرتي حمزه
هسه لكيته يحجي وي جابر وحجيت ويا
وشلونه كواك (زين)
اي شوي احسن بس كلبي يمه
تحسرت ام حمزه وحجت وحك الشلع باب خيبر لو ندل لدرب چا رحتله بريولي (برجولي) ولا هل تعلعل
روايه:- ان شاءلله يرجع بخير وعافيه
ان شاءلله يمه
فاطمه:- دخل يرجع بعد حته دوام ماخلي يداوم
ام حمزه:- ههو غير تستغر هاشميه
هااا يمه ياهي هاي هاشميه
ويييين ذكرتيني يمفلوكه هاي چانت وحده كبل موش هسه ريلها (رجلها) فلاح اسمه ناضم
فاطمه:- اي وهسه سويتيني هاشميه وحمزه ناضم موو
روايه:- دسكتي خلي نسمع كملي بيبي
ام حمزه:- اي هاي هاشميه جان ناضم يروح للكيعان مايرجع اله الغروب وهاشميه تبقه تحوم يوميه صوتها واصل لينه تتعارك وي ناضم لان يتأخر
روايه:- ليش تتعارك ويا
ام حمزه:- يوميه تسويله ممشكلة تجي تحجي لينه خيه شبيج دكول تخاف علي
فاطمه:- خطيه غير رجلها
ام حمزه:- دسمعن جرجرتها بالحجي ولنها تطلع تريد كرب الزلمه صوبها والزلمه ملتهي بالحش والزرع وهاشميه حجتها كدام الوادم تخاف علي
روايه:- هههههههه وبعدين
ليله من الليالي طلعت اكص بردي (البردي نوع من النبات) وماحس بس تهمس وتلمس من وره البردي وباوع ولنه ناضم فوك هاشميه طايح بيها تمطك وتحبب
روايه:- بيبي حجت هيج لو بطني بقت توجعني من الضحك وفاطمه نمطلت بالكاع
ام حمزه:- وكرص نصن حسجن صوت الليل مسموع
فاطمه:- هههههههه يمه على هاي سالفتج بعد ماحجي وياج
ام حمزه:- وعنج لا حجيتي دولي
روايه:- ههههههه بيبي بعد مالها تكمله هاي السالفه
ام حمزه:- شكملج ناضم وهاشميه عافو المچانات اله وره البردي يكملون سالفتهم
هههههه وكون حسو عليج
ام حمزه:- لا ماخليتهم يحسون هاشميه رايحه مستويه جوه الزلمه مو مال اكطع سالفتهم خليت ورجعت
هههههههههههه
فاطمه:- وهسه قصدج اني ماخاف على حمزه ميته على ذيج شغله
ام حمزه:- بعد مادري
فاطمه:-انت تحجين لسالفه وتتبرين منها
روايه:- ههههههه لا فطوم ابد ماعدها هيج شي بيبي
فاطمه:-اي انت ضحكي على سوالف بيبيتج
ام حمزه:- فطيم تغار تعاي احبنج رويبه
ياحبيبتي بيبي كمت من مكاني رحت حضنتها وفاطمه تباوع صفح.
ام حمزه:- فطيم بيش ساعة
فاطمه:- بالعشرة
اععع ولج بعد شوي ويطر الفجر
بيبي بعد اهواي مو هسه
لا بيبي السهر موش زين يلا تصبحون على خير
ردينا عليها وانت من اهل الخير كامت راحت للغرفه وراحت فاطمه للمطبخ شوي وجت بيدها جيس اسود وصينيه
باوعت بستغراب بس لا هم نفلس تمر
هههههه لا هذا حب
الله نطيني
هاج كله الج هههههه
هيه الكعده يرادلها هيج شي
ايي مادام امي نامت سولفيلي ماكملتي سالفتج
تربعت مقابيلها والصينيه بنصنه نذب بيها كشور الحب خيه خطفوني بسبب ابن عمي نطلب الذولي العصابه فلوس وماسددهن ضل يسحب الحد ماصارن 14شده مدري شكد ماذكر والباشا مالته هوه والشيخه
فاطمه:- اي هاي البربوك سولفلي عليها حمزه هم عجوز وهم ماتكعد راحه
شايفتها انت
اي خيه شايفتها صورها بالحاسبه مالت حمزه هيه وجماعتها الخايسه
يمه شلون كدر يصور عجوز لبين
يااا خيبه شبيج جا غير بالاستخبارات
هاا هم نسيت
كملي سالفتج
اي ماكدر يسددهن عدنان النذل
اسمه عدنان
اي
موت يلفه
امين فه الباشا مالته هوه والشيخه مقترحين علي انو يجيبلهم بنيه مامزوجه ويروح كل الدين الي بيناتهم واني طحت بيها
ليش مانطاهم اخته ليش ضحه بيج
هههه اني لا عندي اخو ولا ابو ولا ام يكلج هاي محد يطلع وراها اشمرها ودور ضهري
حسبي الله ونعم الوكيل بي هذا لو اشوفه اكل بي لحم فاطس
ان شاءلله رب العالمين ياخذ حقي منه
ان شاءلله ومعاناتج شنو بلشت وياهم
اففف يا فاطمه شسولفلج وحده ثنين وياهم وحده اسمها دلال عذبتني عذاب
اييي هاي دلال البربوك حمزه يسميها
مره رادت تجهزني الواحد من الخبيثين
المطايه كولي خبيثين مال مثقفين
ههههههههه فلش لسانج يفطيم
والله مطايه بيها طعم هيج تشك الكلب مو خبيثين كملي بعد اختج
رادت تحضرني الواحد من المطايه على كولتج وشصار بيه تفرفحت مادري شلون كدرت اشرد منها طلعت من الغرفه اركض نزلت جوه تذكرت الموقف ورجعت ذاكرتي للصراط من ساعدني اي نزلت جوه وشافني الصراط بقيت اتوسل بي ودخلني بغرفه تصير جوه الدرج ممر صغير وبنهايه غرفه مثل المخزن دخلني بيها بقيت اسولف على المواقف البشعه الصارت وياي ماحسينه بالوقت فززنه صوت الباب يندك حيييل كبل بطني مغصتني كامت فاطمه وكمت وياها وكفت يم باب الصاله نسمع بس صوت جابر
ها تفضل حبيبي
يدتي ام غاسم تخربطت ومحد من عمامي هنا فدوه عمي ساعدني
جايك حبيبي
فدوتك وياك ام حمزه خلي تجي
دخل جابر على السريع دخلت اني جوه بالصاله وفاطمه تحجي ويا
شصاير جابر
مادري اجه حسين ابن قاسم يكول جدته متخربطه ماتكعدين امي
اجي وياك اني امي لا تنخرع هسه من اكلها
لا خويه ندهيها وين تجين وياي انت
ركضت فاطمه كعدت بيبي وكعدت خطيه مفزوعه راحت تركض وي جابر وجابر طلع ويوصي
جابر:- فاطمه بعد اخوج ماوصيج دخلن جوه
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
