تحت عرش الجحيم

الحلقه 30

يان_ Mariana

تحت عرش الجحيم

بَعد ياعين تبچيلك
وياديره ترحِب بيك
وانتَ الكاتل دخيلك؟

قراءة ممتعه لا تنسون تعليقاتكم ع كل فقره ♡
___________________________________________

روايه:- عفت ام شاهين تسوي بالغده رحت جبت ملابسي من المشره صعدت فوك خليتهن بالكنتور شربت علاجي باوعت ع الغرفه هوسه كلت خلي انضفها رتبت الجربايه والمكياج رتبتهم  والعطورات ضحكت ع سمر لاعبه لعب بالغرفه ملابسها مطشره كلمن رجعته المكانه  طلعت من الغرفه اشوف المكناسه وين باوعت ماندليتها صحت ع ام شاهين
خاله وين المكناسه
ها تلكيها يم الحمام بالزاويه يم الجرارات
اي خاله لكيتها
جا انت جاي شسوين
اكنس الغرفه
ولج يمه اكعدي لا طيحين
لا خاله مابيه شي يلا روحي كملي غده
اه طرديني
لا خاله حشاج بس اذا ابقه كاعده اضوج
ههههه براحتج يمه خلي اروح الجدر راح يحترك
دخلت للغرفه كنستها وكملت باوعت ع الغرفه صارت تخبل كعدت بالكاع جريت تلفوني فتحت الواتساب بلكت جايه رساله من فاطمه ذبيت حسره ماكو اي شي منها حطيت التلفون ع الميز وطلعت ملابس الي اسبح دخلت للحمام اسبح  بطني لوتني عرفت اجتني الشهريه كملت سبح وطلعت غيرت ملابسي ونزلت
ها خاله اساعدج بشغله
لا يمه ماعندي شي
خاله عندج حبوب شي اشربه
ماليش شبيج بيج شي تعاي كعدي شفتي كتلج لا تشتغلين
خاله على كيفج هههه بس اجتني الشهريه وبطني بقت توجعني
يا يمه شاهين تعاي هسه افورلج دارسين الحبوب شني هوه اليكسرج تكسر
كعدت يمها حطت قوري بي ماي ودارسين ع النار
احنه قبل بشبابنه والهسه من كبرنا ابد الحبوب ماضكنا
ليش خاله جا هوه مسكن
لا يمه مسكنيش غير يكسر الرجلين خاصتا هذه بروڤين كلش مو زين قبل نشرب زهورات دارسين نومي غير ينضف البطن حته سمر ماخليها تشرب حبوب
بعد ماشرب اخذ بنصيحتج
اي احسن حته ماتتمرضين
فار الدارسين راح اترسه شكر وشربي
حطت الدارسين بالكلاص وكعدت اشرب بي شوي لان ماحبه
شربي كله مو صفنين حته يروح الوجع
شربته كله وبقيت كاعده ردت انضف الخضره ماخلتني
كافي مدري شسويتي فوك وهسه تردين تشتغلين بعد
عادي واذا شتغلت خاله الدلال الزايد يخبل الواحد
هههههه فلش السانج دكول مره عجوز
يعني صح لو لا كلامي
لا صح وعين الصح ههههه
بقيت اضحك وياها صار الضهر وجو كلهم ومر الروتين نفسه صعدنا فوك اني وسمر اباوع. الها وجهه لونه مخطوف وحته ماحجت وياي شي
سمر:- روايه راح انام ب3كعديني ادرس
ان شاءلله  حبيبتي نامي
نامت وحته ماحجت شي ماحبيت اسئلها يمكن ماتحب اسئلها  تمددت بالكاع وتغطيت بقيت افكر كلت خاف ضاجت شي رديت ع اخوها غميت كصتي شي نسيت اكلها بقيت اكل بضافري هل عاده مابطلها اذا توترت اكلت اضافري فتحت تلفوني اكلب بالفيس شفت صفحه فاطمه موجوده دخلت عليها راسلت هم ماكو باوعت الاصدقاء حمزه وهواي بنات وجابر دخلت ع صفحه حمزه اكلب بيها صور هوه وجياد كاعدين بالكهوه وصوره ثانيه جياد ينضف بسلاح ولابس اسود باسود والجكاره بحلكه مباوع صفح ع حمزه
واكثر الصور الهم سوه مادري شنو الخلاني ادخل ع صفحه جياد الصور الناشرها كلها اسلحه وصوره ضلمه نص وجهه طالع والجكاره مبينه الجمره مالتها لازمها بيده كاتب عليها لم يكن تسامحي كرماً بل كان نوعاً من اللامبالاة خذاني الواهس بقيت اكلب بصفحته بهل أثناء اتصلت فاطمه تخربطت بقيت ادوس وخربط طلعت من النص رديت ع الاتصال
احجي همس فاطمه هاي صدك انت
شلونج ياروح فاطمه
مشتاقتلج ليش عفتيني حمزه مايخليني احجي وياج
يابعد كلبي مو امس تخربطت وخذوني للمستشفى
شهكت من كلتلي صدك تحجين شبيج
هههه لا تخافين راح تصيرين خاله
كولي والله
والله  بس تخربطت كلش تكرمين بقيت اتقياء ونسحنت روحي بعد نص الليوم خلصتا بالمستشفى ورجعت للبيت تعبانه مادري بروحي
يروحي الحمدلله ع سلامتج واني بقيت ابجي كلت بعد ماتريد تحجي وياي وراح تعوفني
يمه اعوف روحي وماعوفج
مو من حجه وياي حمزه جان جامد وماكلي متخربطه كلي مشغوله من تفرغ وتحجي وياج
هههههه خطيه مو يخاف عليج تتخربطين وانت وضعج بعده مامستقر
لا مستقر وصرت زينه بس من ماحجيتي وياي صرت مو زينه
سوده عليه
اسم الله عليج وبيبي شلونها كلبي طاك عليجن متت فاطمه يمته اطلع منا وحجي وياج وشوفكم
تحسرت وحجت امي زينه اسمج ماطايح من السانها ان شاءلله نلتقي ونتشاوف
ياريت والله فاطمه ديري بالج على روحج عفيه
صار من عيوني
وبيبي فرحت بيج
يبوو بقت تهوس بالمسشتفى وحمزه وياها خربوني ضحك الناس كلها تباوع عليهم
ههههه فدوه ان شاءلله دوم  الفرح والسعاده
ياروحي انوب حمزه راد يشيلني ماخليته فضحني كدام الناس
جا خليتي خطيه فرحان
ههههه مو فرح هذه خبال
الله يحفظكم
ويخليج الي
يلا روحي ارتاحي من ماعندج شي اتصلي بيه احجي وي بيبي
صار وانت ديري بالج على روحج مو تبجين ماوصيج
تدللين بوسيلي روحج
هههههه راح اخلي حمزه يبوسني
خوش هههههههه
سديت التلفون من فاطمه وقتت الساعة ب3 السمر ونمت مرتاحه نوعاً ما لان حجيت وياها
__________
حمزه:- جياد تحجي صدك انت
اي احجي صدك
والله ياخويه مادري عقل براسك لو شنو
لا مو عقل نعال يلا شتريد
شبيك بابه البنيه خطيه شنو ذنبها تبقه هيج معلكه
كتلك مو معلكه بس مادري شكلك
شوف جياد انه لا اعرفك هسه ولا امس ربيت وياك وعرف الي يضوجك البنيه حبيتها مو
خب شو ضليت تاكل.......  شنو احبها وانت تدري بيه طاري النسوان لا جيبه يمي
وانت ليش تكابر وتحجي هيج تره حيرت المطي بكبره بيت عم البنيه ولكيتا عدنان ونسجن بعد شكو باقيه عندك لا انتم ماخذين راحتكم ولا البنيه ماخذه راحتها
حمزه كتلك البنيه ما أمن عليها بيت عمها كواويد انه اشوف وين ادويها
اي رجعها البيت الكاوليه
اكلك شو بقيت تاكل......  كافي لا تخليني هسه اشمرك من الجسر
دكافي كتلتني بالجكاير سحكت باكيتين ماكو جيبها يم المره احسن
لا تبقه يم امي قابل نحمل عليها جمال
هه ابقه بهاي سوالفك فد واحد مخربط انت
طالع عليك
كافي جياد راح طلعني من طوري اصحه على روحك البنيه مو عبالك تايهه ماعدها اهل عشيره نخطفت صح وهسه طلعت وصارت بيد امينه كمل جميلك ورجعها الاهلها
مارجعها واني المسؤل عليها وانت مالك دخل
لا الي دخل وكسر راسك لا تخليني هسه اروح وكلها بيت عمج لكينا
اذا انت زلمه روح
جياد لا تتحداني وعلي الفحل اسوي بيك كارثه شبيك بويه تخبلت مو زين ادور مصلحتك تره العناد والعصبيه مامنها فايده
جريت نفس وحجيت شوف حمزه البنيه ماكدر انطيها فد شي يمنعني ارجعها الاهلها مو بيدي
جياد ليش تكابر البنيه نعجبت بيها وتريدها مو صح
باوعت علي صفح ومارديت
هاي هيه مادام مارديت مو انه اخوك وعرفك ترا لا عيب ولا زحمه اذا ردت البنيه اخطبها من اهلها
اي اخطبها من اهلها وشرط اخذ وياي بطل ماي ورد وبخور ونروح نخطب من النجف
اكلك لا تكعد تخربط من بيت عمها اخطبها غير همه المسؤلين عليها
ياهو بيت عمها قصدك سالم العار الماعرف يحمي بنت اخو
مسألة عائليه ماندخل بيها شعلينه
ها مسألة عائليه بس اليستمع المكالمات الناس نص الليل مو مسألة عائليه
هههههه اكلك لا تبقه تضرب عصفورين بنعال واحد
روح حمزه جدي كامز هسه
شربه ماي وهدي الوضع
راح اكوملك
رايح عمي بس اشوي اعصابك فكر زين
دخل حمزه وبقيت كاعد بره بالبرودة اشرب جكاير وصافن ومحتار شجابني الهل طريق من بعد تالي عمري هيج يصير بيك جياد فرخه جهال تخليك ليلك ماتنامه ضحكت على روحي كملت الجكاره سحكتها برجلي ودخلت للكرفان
______________
سمر:- عمار شكو جاي هنا
واذا جيت شنو تمنعيني
عمار روح لا تخليني افضحك كدام الطلاب
شلونج زينه دعيطي وشوفي شسوي بيج
والله راح اخابر ابوي
شبيج عمي اني هسه شسويتلج بت عمي وجيت اشوفها
واني ماريد اشوفك
الهل درجه ضايجه مني
اي ماريدك ولا تراويني خلقتك
ادب سز راح اطيح حضج والحسين
وهسه شتريد
مشتاقلج
هه تفضل كوم من يمي لا تخلي الناس تنتبه
واذا  شنو بايك سايك بنت عمي وحبها منو يفك حلكه اشكه وشك ابو
عمار اذا تحبني صدك كوم منا احسن تجي حجايه مو حلوه عليه
رايح انه هسه وحسابج بعدين اني تخليني اراسل وتصل وتحضريني بسيطه
روح شسوي سوي ماخاف منك
بسيطه حضري روحج بالليل جايينكم
كل الهلا باهلك اله انت لا هلا بيك
خوش بسيطه سمر لا تخليني اسوي شي اخليج تندمين علي
شسوي سوي مايهمني خلي تفيدك سحر ام السحوره وبعد لو تموت ماخليك تشوف خيالي لو اعرف اضحي بمستقبلي وماداوم ولا اشوف خلقتك
رايح هسه بعدين اني الج
الجو الك شسوي سوي 
عفته ودخلت للقسم الاستاذ يشرح وبالي بغير عالم ختنكت دموعي تنزل ومسحهن نتبه علي الاستاذ
شبيج بابا
العفو استاذ مابيه شي بس شوي تعبانه
طلعي بره غسلي وجهج ورتاحي
لا مابيه شي
هيج مراح تنتبهين ع الماده طلعي ارتاحي
خذت جنطتي واوراقي وطلعت كعدت بره بقيت ابجي وناشغ ماهتميت الاحد الي يفوت يباوع اجت بنيه
شبيج عمري
مسحت دموعي مابيه شي
هاج شربي ماي كلبج راح يكوف من البجي
خذت البطل من ايدها شربت ورجعته الها
هاج كلنس
شكرا عندي
شصاير وياج
مصاير شي بس شوي نفسيتي تعبانه
اوفف عمري ان شالله فتره وتعدي خاف تحتاجين شي هذه قسمي
شكرا حبيبتي تعبتج وياي
لا حياتي شسويت اني
كملت الدوام ورجعت روحي طالعه منه عمار يصير ابن عمي حبينا بعض من السادس واهلي جانو دائماً يكولون سمر العمار وعمار السمر طبعوها ابالنه كبرنا وحنه بيناتنه بس نضرات من بعدها عترفلي بحبه واني هم بقه يجي للبيت يدرسني وتعب وياي وكلشي جان بحدود ابد مامتعدين الحدود كلام غزل ماحب يكلي كل مايكلي ليش اكله من تخطبني احجي الي يعجبك اهلي مايدرون نحجي بالتلفون ولا احد يعرف حته ملك  ماكتلها اخاف تجفص لو تحجي كبرنا ودخلت كليه وبقينا ع تواصل الحد ما يوم من الايام اجيت للكليه وشفته واكف يم وحده استغفر الله سمعتها مو حلوه بالكليه اسمها سحر والي يوكف يمها كبل يحطون علي علامه اكس بقيت بحاله صدمه شجابه للكليه وشعنده واكف يمها  رحت الهم
سلام عليكم
الكل وعليكم السلام
سحبت عمار ع صفحه تعال شوي احجي وياك
سحر:- شدعوه عيني ع كيفج قابل جاي ناكله ردته يعبيلي الرصيد بالتلفون
هااا يعبيلج رصيد وانت متعرفين  كليه وهالله هالله رصيد ماتعرفين تخلين
عمار شكو سلامات على كيفجن منا عالم هاج خويه هذه صار الرصيد
سحر:- شكرا عيوني انت
هلا بيج
سمر:- كوه واكفه على رجليه خنكتني العبره انت شكو واكف يم هاي ماعرفتها من ملابسها وشكلها مو راحه ليش واكف يمها
اشش سمر صوتج لا تخليني اطيح حضج وانه شنو دكيت وياها فج رادت الرصيد احطه الها وسويته
هاا رصيد وماعرفت تروح الواحد غيرك اله انت
شافتني حلو وصاحتلي ههههه شبيج تخبلتي واذا شنو يعني شسويت هسه انه
ههه حلو خوش اخذ راحتك اضاهر مرتاح للوضعية بس شوف عمار اذا شفتني واكفه يم ولد احجي ويا وكله افتحلي الطبل مال الماي مو رصيد شرط موو تجي وتصيح خوش حجيت هل كلام وماحس اله اجاني راشدي حسيت نار تطلع من خدي
طايحه الحض ادبس سزز توكفين يم ولد شنو وحگ محمد رجليج اكسرها لا تخليني احرمج من الكليه
باوعت علي  وعيوني متروسه دمع هه شنو ولي امري وتحرمني اذا انت رجال سوي الي براسك وبعد تحرم عليك سمر روح للخايسات الصخول خلي يفيدنك سحبت روحي من يمه ورحت  امشي سريع للحمامات هم زين محد شافني من سطرني راشدي دخلت للحمام ابجي وناشغ بقيت اغلط علي وحضرته من الرصيد ومن كل البرامج وحذفت رقمه غسلت وجهي وعدلت شالي خفيت الحمار شوي بالكريم وطلعت شفته واكف بالحديقه يدخن ويروح يمنى ويرجع يسرى عفته ودخلت كبل للقسم
________________
روايه:- فزيت ع صوت التلفون طفيت المنبه وكمت كعدت سمر يلا سمر كعدي مو كلتي ب3كعديني
تمغطت وحجت اي كعدت
عفتها تكعد ع راحتها شلت البطانيه والمخده صفطتهن وخليتهن ع الجربايه
سمر:- اخ يمه راسي موتني
شبيج تردين حبوب وجع راس
لا هسه اكوم وشرب شلونج انت
زينه الحمدلله شبيج  احس صاير وياج
اني لا مابيه شي بس شوي تعب الكليه والدراسه
الله يساعدج
طلعت سمر من الغرفه بقيت اني كاعده بمكاني اجاني اشعار من تلفوني كمت فتحت تلفوني جايتني رساله من الفيس بس علامه؟؟؟  فتحت المحادثه وقطره دم مابقت بيه بقيت ارجف شمرت التلفون وضليت ادك على خدودي شسويت اني دهر الصابني دازه طلب صداقه الجياد بقيت ابجي من الخوف هسه اني نهار كله داكه فج وياا خرب حضي حذفت المحادثه ولغيت الصداقه وحضرته وخرجت كلش من التلفون وكلبي يدك سريع
دخلت سمر تباوع عليه باستغراب
شبيج
مابيه شي
اكيد
اي وداعتج
راح ادرس اذا تردين نزلي جوه امي كاعده
لا ماعندي شي عادي، ابقه يمج لو ماتركزين
عادي ولج شنو سالفه
فرشت كتبها وكعدت تدرس وكل شوي صافنه  كمت كعدت كبالها بالكاع
سمر اسئلج سؤال
اي عمري كولي
شبيج اليوم ابد مارتاحيت الوضعج امس اجيتي تضحكين وسولفين احجيلي واذا ماتحبين لا سولفين
سمر:- جنت بحاجه اكعد احجي وي احد وسولف شوي بس متردده جريت نفس وحجيت روايه اني مختنكه وخايفه احجيلج بنفس الوقت
روايه:- من كلتلي هيج بطني لوتني اكثر وخفت ليش خايفه احجي
شوفي اني من النوع ماثق بأحد بس توعديني ماتحجين الأحد
وعد والله ماحجي الاحد
اففف روايه اني احب ابن عمي وهوه هم يحبني
اي
نحب من زمان مو هسه طبعاً اهالينا يعرفون انو احنه البعض بس ماكو شي رسمي بس حجز وهيج شي ابن عمي اسمه عمار ماتحمل راسلني ماخذ رقمي من اخته رسل وماقبلت اني بس تالي بقيت احجي ويا ومو دائماً والله قليل فه مره قبل لا تجين النه انت للبيت رحت للكليه تفاجئت من شفته جاي للكليه مالتي هوه يداوم بالنفط شجابه يمي من تقربت يمه لكيته واكف يم وحده استغفر الله مو راحه بالكليه اني ضجت كلش
زين ليش واكف يمها بس لا جاي على مودها
لا على مودي جاي بس هاي الادبسز شمسويه صايحتله يخليلها الرصيد بالتلفون عود هيه ماتعرف واني اعرف سوالفها وحده لاعبه مو راحه نفعلت وكتله شكو واكف يمها بكل برود يرد علي حلو وصاحتني
لا والله اني منج اتفل بنص وجها
ماكدر ياريت هوه حجيت حجايه سطرني راشدي
ياااا وليش يسطرج
كتله مادام هيج مامسموحلك اتحاسبني اذا شفتني واكفه يم ولد اكله يفتحلي بطل الماي شرط
يرد علي اكسرج وحرمج من الكليه وضربني راشدي
ياا دهر شنو ولي أمرج ويحاسبج كسر بيده وشسويتي
شسويت حضرته وحذفت رقمه وماشفته بعد واليوم اجه للكليه
شيريد جاي
على اصخام وجهه جاي هه بكل عين صلفه مشتاقلج
عمه بعينه شنو هذه اني منج العب بي طوبه
والله روحي لعبت منه ومن تصرفاته
لا ضوجين يروحي يروحج فدوه
روايه فوك هذه كله يريد يجي اليوم هوه واهله
شيريد
مادري اني محذرته ماخلي يخطب لو يموت
ليش اذا يريد يخطب خلي
من كل عقلج من بعد ما طكني لا وبنص الكليه تردين اوافق هاي خلاف بسيط وهيج سوه من اعيش ويا شيسوي يمكن يذبحني
اففف  لا تحركين روحج ارتاحي شوي وتالي فكري عدل لا تخلين عصبيتج تأثر عليج
راح ادرس مالي شغل بي
خاف ماتركزين
لا اركز قابل ياهو هوه توم كروز ونقهر علي
عفيه عليج هوه هذه التفكير الصح
ههههههه
اكلج سمر
كولي عمري
امس اخوج بالليل اتصل عليج اهواي وانت مسويته صامت وبقه يلح بالاتصال ورديت علي
هاا اي عادي هههههه
شبيج تضحكين
لا ماكو شي
اه
اي اي ههههه
بقت تكتب وكل شوي وضحكت
راح اموتج شبيج
مايصير اضحك شوي
لا ادرسي هههههه
خوش خيه  بس خلي اشوف امي شتريد تتصل ها يمه اي لا كاعده خوش هسه اكلها
ها شكو
امي دكول مو كالت تسوي كيكه
اني؟  هااا اي الصبح كتلها يعني انزل محد موجود
كلهم نايمين بالخمسه هيج يكعدون
خوش راح انزل ودرسي زين تره اسحب التلفون منج
صار ماما ههههههه ذكرتيني ايام السادس امي جانت هيج دكلي
ذبيت حسره وحجيت ايي يلا راح انزل محتاجه شي
لا عمري سلامتج ديري بالج من الدرج
صار لبست شالي ونزلت جوه.....
___________________________________________

ماريان_ Mariana

لا تنسون التصويت