ماريان_ Mariana
تحت عرش الجحيم
كعدت زمرد تلزم براسها وتون
اخ يمه راسي راح ينفجر الله لا ينطيك عمر لعبت بيه لعب
روايه:- قصدج لعبتي بيه لعب ماتستحين جايه ريحتج تكتل تلعب النفس وبسببج مانمت بالغرفه
اه اني وداعتج ماجنت بوعيي
زمرد مامسموحلج تجين بهل حاله ثاني مره بختج بيدي وروح ابوي جا فلستج تفلس
اسفه روايه بعد ماعيدها والله
لبستها وردت وجهي ع الشباك ندك الباب ودخلت
ام عماد:- صباح الخير
روايه:- صباح النور
ام عماد:- جبتلج الريوك اهنا لان ادري بيج ماتنزلين جوه
روايه:- شكرا خاله تعبتي نفسج
ام عماد:- لا وسفه نمونه تريكي حته تشربين علاجج
روايه:- بقيت كاعده انشف بشعري
باوعت علي وكامت جابت المشط
ام عماد:- تعاي يمي امشط شعرج ماتكدرين انت
روايه:- لا خاله اريدج سالمه
ام عماد:- ابد والله دوري ضهرج يلا
درت ضهري الها وكعدت تمشطني
ام عماد:- اسوي ضفيره مو
روايه:- اي خاله
ام عماد:- صلاوات على محمد شعرج كلش طويل
روايه:- اي على ماما هم شعرها طويل
ام عماد:- وهاي مشطتج يلا تريكي حته تشربين علاجج
تريكت كلت قليل كل شهيه مالي بالاكل طلعت زمرد من الحمام سلمت على ام عماد كعدت مقابيلي تتريك اني شبعت وبتعدت من الصينيه
زمرد:- ليش كمتي
شبعت الحمدلله
زمرد:- اسفه والله ادري بيج ضجتي مني
ام عماد:- ليش شنو صار؟
دنكت العب بضافري وزمرد هم سكتت
دكت على رجلي ام عماد وكامت
ام عماد:- يلا يمه اروح اني اخلص شغلي بس تحتاجن شغله صيحني وملابسج راح اخذهن اغسلهن الي بالحمام
روايه:- لا اني اغسلهن ماعندي شي
ام عماد:- تعليمات استاذ صراط مو مني
روايه:-مشكوره خاله متقصرين خذت ملابسي وطلعت كمت فتحت العلاكه شربت العلاج ورجعت كعدت على الجربايه
زمرد:- ست دلال امس كالت منا وهيج تبلش بيج تكعد تعلمج على شغلنه
روايه:-باوعت عليها بخوف شغليش
أنت تقرأ
تحت عرش الجحيم
General Fictionبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
