ماريان_ Mariana
تحت عرش الجحيم
لست بخير منذ مدة، كلما حاولت إقناع نفسي بالتماثل للشفاء ، كلما أجبرتني ذاكرتي الحمقاء القوية على تذكر كل جرح وكل ألم وكل خيبة.
لا تنسون التصويت وتعليقاتكم الحلوه
قراءة ممتعة ♡•
.............................................................................
روايه:- كملت شغل وصعدت اطلع ملابس اسبح وشوف ريام واكفه تباوع من شباك الصاله ع السطح بس حجيت فزت ريام جاي شسوين
ريام:- يمه اسم الله كمزتيني ولج تعاي شوفي جوارين بيت خالي والله عدهم جوارين
روايه:- طاح حضج شهل سوالف تقربت على الشباك وشوف ولد يصلح بالدش مال تلفزيونهم ويصيح اجت الاشاره لو لا وهاي تباوع طكيتها على رأسها وعدلت البرده
ريام:- اخ شمالج اني شسويت هسه
روايه:- وسم بالله شافج الولد ماتستحين واكفه وتباوعين
زينب:- ها ها شو مجمعات اهنا ومادكللي شصاير احجن
روايه:- عفيه انت بكلشي حاطه خشمج
زينب:- ترحين فدوا الخشمي ينضرب بي المثل يلا احجن شصاير
روايه:- خيبه شصاير بس هاي ريامو الادبسز تباوع من الشباك على ابن جوارينكم
زينب:- دهر عدنه ابن جوارين چا شو اني مادري
ريام:- اهووو عفيه روايه طلعتني كسر هسه شفتيني بايسته شو بس باوعت وجيتيني مثل الصاروخ
روايه:- غير اخاف عليج ام الوسخ واكفين نسولف وصاحت عمتي
ام عدنان:- يلا ولجن نزلن راح يجون الولد
دخلت اسبح وزينب وريام كعدن ينتضرني اطلع حته يدخلن
كملت ركض دخلت للغرفه نشفت شعري ومشطت على السريع حته انزل يم عمتي بكل حركه اسويها بالبيت احسب الها الف حساب دائماً اخاف يحجون علي اكعد لو اتاخر بنومتي رغم همه ابد مامحسسيني هيج بس اني استثكل روحي عليهم اكول خاف يحجون عليه لفيت شالي ونزلت عفت البنات يتعاركن منو تدخل للحمام لان الجوه بدون دوش كاعده عمتي تنضف الخضره
ام عدنان:- ها يمه كواج الله تعبتي مو
لا عمه شنو سالفه شسويت اني
ام عدنان:- روايه هذا بيتج مثل ما ذاك بيتج ولا تستحين وتتقيدين
بتسمت الها شلت الوساخه مال الخضره ورحت للمطبخ خليت الخضره جوه الماي تتنكع والزباله ذبيتها كلشي كامل الغدا شوي ودخل عمي وفاروق سلمت عليهم ودخلو للصاله صاح عمي بويه غداجن
صاحت عمتي على البنات نزلن
صبينه الغدا فرشنا السفره ودخلو عدنان ومسلم
مسلم:- ها الصخلات شلونجن
ام عدنان:- سلامك وراك كدامك انعم الله سويتني صخل هم
مسلم:- افااا عليج انت الخير والبركه ام عدنوني
زينب:- يغلط ويريدني ما اغلط علي
مسلم:- دغلطي اله احط راسج بالمركه
عدنان:- شكد تلغي ما تعبان
مسلم:- لا ماتعبان يمه جوعان
روايه:- دروح السفره ممدوده
ام عدنان:- بالعله مسجل شكد يلغي
صبينه الغدا وكعدنه كلحنا نتغده عمي اباوع علي ياكل سريع الي يكول ورا سباق وفاروق كل دقيقه وسوه چچچ ماعاجبه
مسلم حاصرته الضحكه ويباوع علي واني كوه ساكته بس يسوولي بز اموت ضحك همست زينب يمي وهيه تاكل
زينب:- ههه رواييه ديري بالج وعلي هسه ينتبه عليج ابوي اله يعطر الصينيه براسج
كملنه واني نص الغدا بس اكلب بالتمن ولازمه ضحكتي كوه غسلن الماعين زينب وريام صبيت الجاي الهم ورحت انطيتهم ورجعت يم البنات يسولفن على النتائج
زينب:- والله النجحت والرسبت الاثنين مايهمني
ريام:- ثوله مستقبلج هذا
روايه:- الله كريم شمالج مأيسه من الحياة ان شاءلله ناجحه
شوي وتصلوا على ريام صاحت عمتي
ام عدنان:- تلفونجن يدك
راحت ريام تجيبه اجت للمطبخ تحجي وضايجه
زينب:- هاا منو
ريام:- امي ادكلي راح يجي ابوج عليج باقيه وحدي بالضيم
روايه:- تحجي صدك عمتي شعدكم وصيح بالضيم
ريام:- هفف يلا غير مره هم اجي وبات يمجن
زينب:- حرامات واني كلت اليوم نسهر
ريام:- ولج سكتي لا تحركين كلبي يلا اصعد البس صايتي
صعدت ريام عزلنا المطبخ ورحنا كعدنا يم عمتي والولد بالصاله شوي وجه ابو ريام خذها من الباب وراح
فاروق:- روايه عكب باجر حضري روحج نروح للدائرة على مود بيتكم
روايه:- شسوي رايحه
فاروق:- على مود بصمات وهيج شي مالج غرض الج الصافي بس تبصمين وتوقعين
روايه:- ها خوش
شوي وراحو الولد الغرفهم تمددت بالكاع وزينب على رجل عمتي فتحت شعر زينب عمتي وبقت تفلي بي
زينب:- اهوووو ما مره خليت راسي بحضنج اذا مافليتي شعري ادري بيه كمل
ام عدنان:- خب ومرض خاف بي وحدات
كامت على السريع اجت بصفي ادني انام بصفج امي بس شوفني انام وفلت شعري خرب حضي
بقيت اضحك عليهن شوي وبدينه انعس صاحت عمتي
ام عدنان:- كومن الغرفجن نايمات اهنا يجي احد نرفع ثوبجن متجطلات بالكاع كومن
كمنه ونضحك على حجيها صعدنا دخلت للغرفه الي مخليها الي وزينب راحت الغرفتها كبل نمت العصر كعدت على صوت واحد يدفر بالباب ويصيح فزيت كلبي يريد يطلع من مكانه سحبت الشال وكمت فتحت الباب وبوجهي عمي
أنت تقرأ
تحت عرش الجحيم
Beletrieبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
