ماريان_ Mariana
تحت عرش الجحيم
لا تنسون التصويت على كل فقره
___________________________________________
ان شاءلله يمه ارجع للبيت وسويلها كلشي
اي وحليب جاموس اجيب الها وشكو شي دسم
فاطمه:- يمه هيج البنيه تموت ههههههه
روايه:- بتسمت واني عيوني تروح على ام حمزه وفاطمه تعلقت بيهن كلش لزمت ايد فاطمه وحجيت فاطمه ديري بالج تعوفني
فاطمه:- ماعوفج لو اموت انت اختي وروحي من خطفوج شصار بيه تفرفحت تفرفح عليج
هذا الجرح الي بكصتج همه ضربوج
اي واحد منهم جنه بغل طاح بيه وطكاني على راسي بسبب الضربه دخت ونركع راسي بالحايط
كسر بيده ان شاءلله
ام حمزه:- لا تخافين ذيب البراري سبع كضهم وشكهم وشك طي..... اهلهم
روايه:- بقيت اباوع بستغراب على فاطمه منو ذيب البراري
ضحكت فاطمه وردت علي ههههههه تقصد الصراط
هاا
ام حمزه:- وحگ علي ابن ابي طالب يكلج متوليهم بالچيلات خاصتا هذا ابو جداحه مدري جكاره
روايه:- بيبي ابو جگاره هذا الحقير عذبني تعذيب النذل
الله كريم كله سهل حبوبه مادام حمزه وجياد موجودين انت تحت حمايتهم
فاطمه:- خليتها تكمل العصير كمت خليته على الميز وندك الباب عدلت مكان روايه وحطيت الشال على راسها صاحت امي ادخل
دخل جياد وحمزه بيدهم علاليك مال اكل
حطاهم على الميز وكف يحجي وي امي
حجيه هذا الاكل اكلن وخلن روايه تاكل الدكتور يكول ضروري تاكل لان فقدت دم اهواي
ان شاءلله يمه تاكل وغصبن عليها
روايه:- ماشتهي والله
جياد:- بابه مو بكيفج ضروري تاكلين حته ترجع عافيتج
سكتت ماحاجيته ترخصوا من عدنا وراحوا
حمزه:- يمه احنه رايحين عدنه دوام وشغل اي شي تحتاجنه جابر جوه بقه ماخلو، يدخل
ان شاءلله يمه دير بالك على روحك
ان شاءلله يلا معى السلامه
الله وياكم
طلعوا وفاطمه فتحت العلاليك جايبين مشاوي واشكال الاكل
فاطمه وين اكدر اكل هذا كله
معليج تاكلين غصبن عليج
ام حمزه:- اكلجن راح انام هنا ماكو شي افرشه
لحضه اشوف بالكنتور فتحت الكنتور لكيت فراش ولحاف ومخده طلعتهن فرشتهم بصف مكان روايه بالأرض تمددت امي شوي وبقت تشخر تعبانه خطيه
روايه:- كعدت مقابيلي فطوم تسويلي لفات وتوكلني كلت مرتين وبعد ماقبلت ماكدر اضغط على اسناني احس الجرح ينفتح
فاطمه:- بعد وحده الخاطري
ماكدر والله راسي يبقه يوجعني
افففف تعدي ان شاءلله ماتبقه هيج
اريد انام
نامي يروحي
وانت ماتنامين
لا شبعانه نوم من انعس انام بصفج
هههه خوش
خليت روايه تنام فتحت تلفوني لكيت حمزه مراسلني نتجيت على الكرسي وحجي ويا ،
.....................................
جياد:- من طلعنه من يم روايه كلت للولد يسبقوني ينزلون جوه واني اروح للدكتور اسئل على وضعها
دكيت الباب
تفضل
سلام عليكم
الدكتور:- وعليكم السلام ستاذ جياد تفضل
زاد فضلك دكتور كعدت على الكرسي وحجيت دكتور شنو وضع روايه ليش جاي يصير عدها صداع قوي
الدكتور:-هاي الحاله تصير عدها بسبب الارتعاش الغير منتضم وسريع بالقلب ينتج عنه توقف ضخ الدم للجسم وهذا يؤدي تخثر بالدم
جياد:- يعني بسبب هل شي يبقه راسها يئذيها بساعات متواصله
الدكتور:- اي نعم من يسبب تخثر بالدم دائماً ينتهي الأمر بالجلطه او سكتة دماغيه لذالك احنه نحتاج نتجنب هذا الأمر بصدمه كهربائيه
جياد:- والحل شنو راح يصير بعد هل شي ويمته تكدر تطلع من المستشفى
اشوف وضعها من بعدها تكدر تكمل اوراق الخروج وتتوكل وانتبه ع الممنوعات
جياد:-شنو هنه دكتور
ممنوع البجي عليها والصوت العالي وهاي الفتره حاول تبعد عنها الضغوطات النفسيه واي شي يتعب نفسيتها ابعده عنها والضوه العالي ممنوع دائماً خلي الضوه خفيف عليها لان مو زين على عيونها واذا شفت عليها نوبات صرع لا تخاف
جياد كل هذا الي صار دكتور بسبب الضربه
اي نعم لان اخطر شي بسجم الانسان الضربه الي تجي ع الرأس
والصرع هذا بسبب النزيف الداخلي
اي بس مو دائمي فتره ويروح وراح اكتبلك علاج ضروري تجيبه الها
صار دكتور يلا ترخص شكرا لان خذت من وقتك
اهلا وسهلا ستاذ جياد لا اني بالخدمة وكت مايعجبك
على راسي دكتور سلمت علي وطلعت نزلت للولد لكيتهم منتضريني جنهم مطلقات بس يدردمون علي
حمزه:- وينك صارلك نص ساعة
اشش امشي لك مافارغلك
لا صدك وين رحت
للدكتور سئلته على وضع روايه
وشكالك
يم الله بعد يكول بسبب تخثر الدم يصير هيج صداع قوي
لا حول الله وماكتب علاج
لا كتب باجر اجيبه الها هسه الوقت تأخر خلي نروح نجيب الاكل الهم ونروح الشغلنا خويه
اي يلا
جابر :- اكلكم راح ابقه هنا ماروح وياكم
ليش ماتروح
خاف يحتاجن شي منو يبقه هنا
جياد :- اي هم صحيح عفيه على الذكاء الشاليه ان شاء الله تطلع مهندس
حمزه :- تاليته يطلع رقاصه هوه هذا مال مهندس من وره مكسراته
جابر :- غير يستقر ابو علي الشيباني
أنت تقرأ
تحت عرش الجحيم
Genel Kurguبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
