تحت عرش الجحيم
ماريان_ Mariana
فقط أنا وانفاسي وغرفه مضلمه، فلخيبه قاتله.
............................................................................
وفاء :- روايه راح ألم أغراض المطبخ وانتي فرغي الكنتور حته يجون ولد عمج بس يشيلونه
:- صار تدللين.. طلعت كل ملابس اهلي جبت كرسي صعدت انزل الفراش اشوي وسمعت صوت الولد اجو خليت شال على راسي وطلعت للصاله لكيتهم كاعدين عدنان وفاروق وزينب
سلام عليكم
الكل.. وعليكم السلام
حازم :- أنعم الله عليكم من اجيتو تساعدوني بالبيت
عدنان :- لا عمي شنو السالفه تدلل
فاروق :- عمي عيوني اشلعهن الك
حازم :- رحم الله والديكم بويه
رحت للمطبخ اسوي جاي ولحكتني زينب
زينب :- خب اكلج والله مشتاقه المصطفى اخر مره شفته ثالث يوم الفاتحه
:- شعجب اليوم ماجايكم
زينب :- لا وين عنده واجب بعد خمسة أيام يلا ينزل
:- يلا تحملي ان شاء الله تشوفي هاج ودي الجاي راح اخلي المي بالدولكه واجي وراج
زينب :- الناس تقدم مي يلا جاي انتي عكس الشي
:- انجبي ويلا روحي
شربوا جاي وكمنه فرغنه الغرفه اني وزينب خلينه بس الكنتور يجون يشيلو لان جبير
فاروق :- بنات دخلن جوه راح يجون جماعتي يشيلون ويانه
دخلنه بالغرفه الثانيه نتضرناهم يطلعون وطلعنه
ها يمه راحو
وفاء :- اي كلهم راحو شالو الكاونتر والكنتور
:- دهر شبسرعه فرغتي الكاونتر
وفاء :- دصلي على محمد خطيه عدنان ساعدني وطلع الأغراض وياي
:- ضحكت اي مو ادري بيج بارده بالشغل
زينب :- عزاا عمتي بارده ولج احر وحده هيه
وفاء :- اي مو اني روايه من أكلها غسلي الملابس تبقه سنه بيهن
:- يااا هاي اني
وفاء :- امشن لمن الأغراض راح يودون الأغراض ويجون ياخذون البقيه
طلعنه الهيترات بره والفراش شلنه الجربايه مالتي ام النفر اني وزينب طلعناها بره
وفاء :- اكلجن ماتوقع يفرغ البيت هسه
زينب :- اي عمه وراهم السبالت يفتحونهن والثلاجه والمجمده
وفاء :- ذني على باجر بس فرغن المجمده
أنت تقرأ
تحت عرش الجحيم
Ficção Geralبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
