تحت عرش الجحيم
ماريان_ Mariana
لا تنسون التصويت وتعليقاتكم الحلوه لطفاً
قراءة ممتعة
لا نعلم ما يخفى لنا القدر من مستقبل غامض وحياة مخيفه 💙
............................................................................
زينب :- هاج لكيت الف همزين يلا ناخذ تكسي ونروح البيتنه
:- تمام يلا امشي باعي الشارع فرغ بس احنه
أخذنه رجال جبير وصلنه البيت عمو اول ماوصلنه هوسه بيت عمو وناس ملتمه رجف كلبي زينب شصاير
زينب :- سترك يارب مادري
انطينه الفلوس للرجال ودخلنه للبيت صريخ ولطم عرفنه بيبي متوفيه
شمرت جنطتي ورحت اني وزينب ارجف اشوف كلها واكفه تصرخ وعماتي يملخن بروحهن بقينه نصرخ ونبجي فقدانها يكسر الضهر حنينه ومايوم غلطت بحق احد
حضنتني عمتي كوثر وتصرخ واصرخ وياها
هدى ملخت نفسها تبجي وتحجي... بيبي حبيبتي شهر صارلي ماشايفتج وهيج ترحين بعد مانشوفج
امي تبجي عمتي ادك على رأسها الكل جان بحاله يرثى لها
دخلوها بالتابوت للبيت وتعالت الأصوات بالبجي
ابوي ساعتها كلش ينبجي على حاله كلش يحبها كابل تابوتها ويحجي وياها
حازم :- كعدي يمه انه حويزم ابنج ليش رحتي كسرتي ضهري بعدج حته ماكعدتي ابيتج الجديد يمه
اجو الولد عانو خلو يكوم كله تراب صاير بيهم فلك كلهم دشاديش سود شالو التابوت وطلعوا للنجف راحن عماتي رقيه ومنار وكوثر بقت تلاكي النسوان
نصهم راحو للدفنه وعمو سالم بقه يلاكي الناس
اجو أقاربنه ولد عم بابا وناس اهواي نصبو الجادر
جرتني بنت عمتي رقيه
سحر :- كومي حبيبه لبسي ثوب اسود بالغرفه طلعت الجن
كمت اني وزينب لبسنه ودموعنه على خدنه ونسمع صوت صريخ ونعي كل اشوي يدخلن مجموعه يدكن ويلطمن موتن عمتي كوثر خطيه بقت بس هيه على مود الناس الي تجي تأخذ من خاطرها
لبسنه دشاديش سود وشالات طلعنه كعدنه يم عمتي والنسوان ينعن ونبجي وعمتي كوثر تكسر الخاطر تشيل بروحها ودكها كوه لازمينها
ام عدنان :- يمه روايه اخذي زينب وروحن اكلن لكمه ذكرن الله مو زين البجي أمر الله هذا
:- كوه احجي وياها راسي نسطر من البجي لا عمه ماشتهي
سحر :- تعالن بالغرفه ارتاحن نهد حيلجن
كمت اني وجريت زينب كوه متقبل تريد تبقه وي النسوان تلطم
أنت تقرأ
تحت عرش الجحيم
Fiksi Umumبين عثرات الحياة هنالك بنت تحارب العيش في وسط مجتمع لا يرحم وتقاتل العيش دون استسلام الماضي شبح والمستقبل حلم وكل ما نملكه هو حاضرنا نشعر جميعاً بالضياع من وقت لاخر ولاكن علينا اخذ الوقت الكافي اجلاً او عاجلاً لتمكن من تقرير الاتجاه الذي تذهب إليه...
