البارت 2
الظهر بالرياض
وقف الباص عند بيت ابو سمو
طلعو منه ميس وميسم
ميس بتعب:اخخ ماصدقت خلصت حصة الانجليزي يع معلمه تقهر
ميسم تقدمت تدق الباب:وانتي صادقه
سمو فتحت الباب :ها شكلكم تحشو بمعلمه ماتتوبو انتو
ميس:وش دراتس
سمو :ادخلي ادخلي انتي وهي يلا
ميسم تقدمت دخلت:نوممممم
سمو كلي لتس شي ونامي
ميسم :ماني مشتهيه اذا صحيت باكل
ميس:وينه ايمن
سمو :نايم الشيخ
ميس :بروح اصحيه اشتقت لهه
سمو :ياويلتس تصحيه
ميس:خلاص خلاص مابيه خليه لتس
سمو:ايه خليه يلا روحي غيري ملابستس وتعالي
ميس قامت:من عيوني يا عيوني
سمو ضحكت عليها وهي كملت تمشي لغرفتها
سمو قامت بعدها وراحت غرفتها تطمنت على ايمن وبعدها اخذت جوالها ورجعت الصاله تطقطق عليه
في بيت ابو عمر
كانت ايلاف ناشبه لأمها الي تروح بيت سمو
ام عمر:خلاص يابنت يلا روحي من عندي شوفيني مشغوله
ايلاف :اول قولي ايه واروح
ام عمر:قلت بكره يعني بكره
ايلاف :بالله يمه خليني اروح تكفينن
بهاللحظه دق جوال ايلاف وكانت سمو
ايلاف :هلا والله
سمو :السلام عليكم
ايلاف: ايه نسيت وعليكم السلام
سمو ضحكت:وش بلاه صوتس
ايلاف:طفشانه
سمو :بس
ايلاف:ايه شرايتس نطلع شاليه بكره او بر
سمو فكرة بخواتها لثانيه ولا كان جوابها مالي خلق:فكرة حلوه
ايلاف:خلاص بقول لأمي عسى توافق
سمو ضحكت :خالتي مسببه لتس عقده
ايلاف:اي والله،طيب ياقلبي بروح احاول من الحين أقنعها
سمو ضحكت بخفه :يلا روحي
ايلاف:سلامم
سمو:سلام
قفلت منها ايلاف ورجعت لأمها
ام عمر:هاه أخبارها سمو واخواتها
ايلاف:كلهم بخير
ام عمر: ليه ماعطيتيني اكلمها
ايلاف:مدريت انتس تبين
تكلميها ،يمه شرايتس بكره نروح شاليه او بر اختاري انتي
ام عمر فكرة في بنات اختها ويمكن يتعدل نفسياتهن لأن ذي الفتره معاد يطلعن كثير من البيت :شعلي منكم اختارو انتو
ايلاف فتحت عيونها تستوعب :صدق يعني موافقه
ام عمر ضربتها بشويش بكتفها:اي موافقه يلا قومي جيبي المرهم وتعالي
ايلاف ابتسمت :ابشري ماطلبتي
وقامت بحماس وهي تركض تجيب المرهم علشان ترجع تقول لسمو طلعت وهي تركض و
صدمت بعمر الي كان داخل عند امه
عمر :هي يا مجنونه ماتشوفي
ايلاف:لأني مروقه ماراح اقول شي
عمر :والله صدق شكلتس مروقه،وش السبب
ايلاف: ادخل وبتعرف
عمر استغرب ولا هو عارف اخته المهبوله تروق بشي بسيط واتنبسط بأتفه الأسباب :يلا بدخل
ايلاف :احح نسيتني وش كنت بجيب
عمرضحك:هيي شدخلني
ايلاف: وخر وخر بس
ورجعت دخلت عند امها :وش قلتي اجيب يمه
دخل عمر من ورايها وهو يضحك وقف عند ايلاف وهو يضربها بشويش :يمه من جد ذي بنتنا
ام عمر ضحكت ماقدرت تمسك ضحكتها:اختك فاهيه فاهيه
ايلاف تمثل انها زعلت :خلاص مابي اكلمكم زعلت
عمر:اوه زعلت زعلت اخيراااا
ايلاف ضربته:كل تبن
ام عمر:وش قلتي
ايلاف ابتسمت بورطة :ولا شي ولا شي
عمر ضحك :ايه وش الي مخليك مروقه ماقلتي
ايلاف:ايه صحح ،بكره بنروح شاليه او بر
عمر:وكل ذا الرواق علشان كذا
ايلاف :لا
عمر:لكان علشان ايش
ايلاف :علشان سمو وخواتها يطلعو وينبسطو
عمر :ايه وش تختارو شاليه او بر
ايلاف :بكلم سمو واشوف
عمر:تمام
ايلاف قامت وصلت للباب ورجعت :اي صح يمه وش قلتي اجيب
ام عمر وعمر ضحكو عليها
ام عمر:سلامتس يمه ماقلت شي خلاص
ايلاف ناظرت عمر :وانت على وش تضحك
عمر:ماضحك ماضحك
ايلاف:زين انا رايحه
