البارت 3
طلع عمر وكانت سيارته ورا سيارة رايف
راح عمر عند سيارة رايف علشان يقوله انه مقفل عليه
عمر:السلام عليكم
رايف:وعليكم السلام
عمر :لو سمحت ابغى اطلع سيارتي
رايف طالع وراه وشاف انه سكر عليه الطريق:مانتبهت لسيارتك اعذرني
عمر:عادي
شغل رايف سيارته ووخرها من سيارة عمر
وعمر طلع سيارته وبعدها رجع لرايف
واشويي اشوي وزاد كلامهم وبلشو يتعرفو جا رواف وشافه وسلم عليه
وبعد دقايق جت ميهاف وارياف عمر شافهم جايين بتجاه سيارة رايف ،ودع رايف ورواف وراح
رايف:والله باين انه رجال
رواف:اي والله
ارياف ركبت سكرت الباب بقوة
رايف لف لها:ابغى اعرف انتي ليه تسوين بسيارتي كذا حرام عليتس
ارياف ضحكة بورطه:وش سويت بس شوف انت كيف موقف بنزله شسوي
ميهاف تدافع عن ارياف:وهي صادقه
ضحك رايف :وجت المحامية
ارياف:اختي ذي اختي موب محامية فديتها
ميهاف ابتسمت علشان كلمة اختي كانت تعني لها الكثير
رواف :طيب الحين وين تبون نروح
ارياف:نروح نشتري أغراض همس الناقصه وبعدها نروح نتعشى وبعدها نروح ناخذ لنا قهوه وبعدها اذا تبغون نروح الفندق
رايف :اختك ذي شكلها حالفة الا تفلسنا
رواف:ارحمينا يا مسلمة
ميهاف: عندي فكرة
رايف:واكتملت الحين
ارياف:وش فكرتس اكيد بتعجبنا
رواف ورايف فطسو ضحك
رايف :كل وحده تعزز لثانيه
ارياف طنشته ولفت لميهاف:وش فكرتس ياقلبي
ميهاف: نروح نشتري أغراض همس وبعدها نروح حديقه ونسوي حنا عشانا ونسوي لنا قهوة
رواف :فكرة حلوه الصدق
رايف :بس عاد باقي نحتاج أغراض
ارياف:ودونا المول وبعدها روحو جيبو الي بنحتاجه
ميهاف:اي حلو كذا
رايف: تمام
اتجه رايف للمول
بسيارة عمر
كان هو بعد متجهه للمول علشان تاخذ سمو الي تحتاجه ويجهزو لشاليه بكرة
وبعد عدة دقايق وقف عند المول
ونزلت ايلاف وسمو وميس وميسم
نزل عمر علشان يطلع عرباية ايمن
طلعها وسمو حطت ايمن فيها ودخلو للمول
وعمر جلس بسيارته ينتظرهم
داخل المول راحت ايلاف للقسم الي تبيه وميس وميسم القسم الي يبغيناه وسمو اتجهة قسم الأطفال
عند ميهاف وارياف وقف رايف عند المول نزلت ميهاف وارياف ودخلنا المول وكل وحدة اتجهة للقسم الي تبيه ميهاف اتجهة اول شي قسم الأطفال علشان تخلص من أغراض بنتها وبعدها تروح لقسم النساء
والصدفه ان سمو بنفس المول ونفس القسم
كانت سمو عند شراريب الأطفال دخلت القسم ميهاف
وكانت عند كريمات الأطفال والتفتت وشافت ايمن عرفته وعرفت ان ذيك سمو اتجهة لها بفرحة ماتدري وش ذي الصدف
ميهاف :سلام سمو
سمو لفت لها:ميهاف
ميهاف:ايه
سمو ضحكت بفرحه:سبحان الله وش ذا الصدف الحلوه
ميهاف ضحكة :مدري
سمو :احس في شي يجمعنا وش ذا الصدف
ميهاف :والله احلا صدفة
سمو:وانتي صادقه
ارياف جت:بسم الله، ميهاف تخيلي اني اشوف سمو هنا
ميهاف وسمو فطسو ضحك
سمو وهي تمسك يد ارياف:ماعليتس ماتتخيلي انا هنا صدق
ارياف :صادقة انتي
ميهاف:صادقة صادقة
ارياف :وش ذا الصدف
سمو :مدري تونا نقول وش ذا الصدف
