زايد وهو يرتب الشماغ نطق :كذا كويس؟؟
رواف :ايه كذا زين
زايد :أجل بروح اسلم على عمي الغالي
رواف بضحك :اخس يا زايد
ابتسم زايد :شفيك؟
رواف :عمي الغالي حركات
زايد ابتسم وهو ينطق :تكفى انطم حتى اخذ حرمتي واهج
رواف بمزح ابتسم وهو ينطق :لا يالطيب وانا ليه انتظرك كل ذي الفترة عشان نسافر سوا
زايد ضحك وهو ينطق :اخس يالكذاب
رواف :هاه اسأل سمو أجلنا سفرتنا حتى نسافر مع بعض
زايد بدأ يصدق نطق :والله اجل لوين تبي تسافر
رواف :الصراحه مابغى اطلع من السعوديه فأخترنا جنوب المملكة
زايد :أجل تم
رواف بتوهق نطق :زينن ننتظرك بعد يومين
سمو وهي تضبط شعرها نطقت :مين ترقص معي؟
فجر :اكيد انا
سمو ابتسمت وهي تنطق :يلا
قامت فجر وسمو لمن اشتقت الاغنيه وكانت حماسيه مع تمايل خصورهم
انضمت لهم حنان وهي تنطق :والله ماخليكم
ضحكت سمو وهي تتمايل بابتسامه مع تصفيق البنات والكل يناظرهم وبعد وقت نطقت :انا خلاص تعبت
حنان عرفت انها استحت من نظرات الحريم الي اكلوها بنظراتهم نطقت :تو الناس
سحبتها معاها وهي تنطق بابتسامه :شكلهم بيجونك خطاب الليله
سمو فرصتها وهي تنطق :اص
وبغرور رفعت راسها وهي تكمل :واصلا انا توني عروس خليهم
فجر الي كانت ترقص بعيد عن البنات بشوي نطقت :بنات تعالو نجلس اشوي وبعدين نكمل ترا عندي طاقه لزوم اطلعها الليله
سمو :ياقلبي ام الطاقات وانتي ماتخلص طاقتس
إيلاف جلست وهي تنطق :بنات
البنات :هلا
إيلاف :في وحده ناويه عليكم
فجر :مافهمت
إيلاف :في عجايز هناك يحشون فيكم ويمكن الحين يجونكم
وفعلا رفعوا رؤسهم على ثلاث عجايز وكانو يناظرون سمو وحنان وفجر وايلاف لمن نطقت وحده وهي تسلم على سمو :شسمك ياحلوه
سمو :سمو
العجوز :عاشت الاسامي
نطقت العجوز وهي تناظرها بعجاب :متزوجه؟
ابتسمت سمو وهي توريها دبلتها نطقت بنفس الابتسامه :اي
وبحبث نطقت سمو وهي تأشر على فجر وحنان ونطقت :بس هذول للحين ماهم مرتبطين
طارت عيون فجر وحنان ونفسهم يخنقون سمو وناظرتها فجر بنظرات توعد لمن ناظرت وحده من العجايز إيلاف ونطقت :انا حجزت ذي لولدي اقولكم من هالحين
فتحت إيلاف عيونها على الآخر وهي تنطق :خير تذكره انا ولا لعبه؟ تحجزين وبعدين انا مخطوبه
العجوز ماعجبها كلامها ونطقت :مالت عليك تكلمي معي زين تراني بعمر امك والله يعين رجلك عليك خبله
شهقت إيلاف وهي تناظرها تعطيها ظهرها وتروح
العجوز الثانيه ناظرت فجر وحنان ونطقت :انتو خوات؟
هزت راسها فجر وهي تنطق :اي خواتت
العجوز الثانيه :انتو بنات مين؟ تقربون للعريس صح؟
حنان :ايه خواته
العجوز :ماشاء الله
وقبل يروحون وهم ناوين يكلمون ام خالد نطقت فجر بسرعه :بس خاله تراني مخطوبه بس ماحد يدري للحين
ماصدقتها العجوزه وهي تنطق : ومين زوجك؟
فجر بتوهق نطقت :ولد عمي
العجوز وهي تعرف ولد عم فجر نطقت:وش تبين فيه ذاك الدكتور
فجر عقدت حواجبها نطقت :تعرفيه؟ ووش فيه؟
العجوز :دكتور قلك بس عينه صايقه ماش عيونه على البنات اسأليني انا
فجر وهي تحقق معاها نطقت :وانتي شعرفك
العجوز :بنت بنتي طالبه عنده وشكي منه
فجر وهي عارفه ان العجوزه كذابه لأنها عارفه ولد عمها نطقت :لو سمحتي بدون كذب انا اعرف ولد عمي ومستحيل يكون كذا الا اذا بنت بنتك عينها عليه فهذا شي ثاني مو تروح تفتري عليه
العجوز نطقت لمن شافت الحريم يناظروهم عشان صوت فجر الي ارتفع :احترمي نفسك ولا ترفعين صوتك علي والكل عارف خطيبك ذا الي تتفاخرين
فيه
جت ام خالد وهي عاقده حواجبها وش تسوي ذا الحرمه مه بنتها وليه أصواتهم مرتفعه نطقت وهي تناظر بنتها :فجر وش صاير هنا ليه صوتك مرتفع
فجر بتوهق الحين بتعرف امها بكذبتها وكذبة خطبتها نطقت بكذب :يمه مافي شي خلص تعالي ابيك
ام خالد ناظرتها بنظرات ناريه وهي تنطق :فجررر
الحرمه جتها بنتها وهي تسحبها معها لان جتها مكالمه وراحت
ام خالد :انطقي يا فجر وش صاير
سمو نطقت بسرعه :عمه مافي شي بس الحرمه ذي تبي تخطبها وتسأل عنكم وكذا بس لمن قالت فجر انها تدرس ومارح تتزوج الحين صارت العجوز تقول ان الحرمه مالها الا بيت رجلها ومن كذا الكلام وانتي داريه
صدقتها ام خالد لأنها تعرف الحريم وسوالفهم واسألتهم ونطقت بابتسامه ماتبي تعكر مزاجها بزواج ولدها :اي كفو بنتي لا تسكتي لأحد يحاول ان يسيئ لمستقبلك وزواج وربي مازوج خليها تولي
ابتسمت فجر براحه وهي تبعد عن امها
وتسحب سمو معاها وهي تنطق:يمه كنت اشوي واقول الصدق تخيلي بس عرفت ماما بتشك فيني وانا مابيني وبينه شي
سمو بضحك :وليه اخترتيه هو
فجر :كشخه ياخي دكتور وكذا
سمو ضحكت عليها وهي تضبط شعرها
