جالسين بالحوش مثل العاده وقدامهم القهوة والشاهي وعيال رايف
هتان ركض لأبو رايف وهو يجلس بحضنه ابتسم وقو يقبله بحب جلست همس بزعل وهي تنطق:ودوني لعمتو ارياف
رايف بابتسامه :شفيها هموسه
همس :جدو وماما صايرين يحبون هتان أكثر مني
ابو رايف :افاااا وانا جد همس ماحد باخذ مكان بنيتي
حاولت همس بطفوله تكتم فرحتها بكلام جدها بس ماقدرت لمن سحبها لحضنه وهو يبوسها ويلاعبها
رايد :رايف ترا عيالك زودوها
رايف بابتسامته:شمسوين؟!
رايد:انا اخر العنقود فاهمين ولا؟
رايف:ايه
رايد:المفروض اني مكان عيالك واتدلع
ابو رايف بضحك ومزح :ياحبيبي تبي حضني
رايف بضحك :افا كنت تبي كذا ابشر همس تعالي هنا
ام رايف:لالا خلو وليدي عندي تعال
رايد:نبي شي غير حضنكم... وهو يأشر بيده وكأنه يعد فلوس ونطق..... يعني افهموها
رايف بحبث:افاااا اش قصدك تبي الفلوس ولا حضن امي وابوي
رايد :ياخي انت ابو وجهين
رايف :شفتوا شفتوا وش يقول لأخوه الكبير
نرجعع لرواف الي طلع من الشقه بأكملها وقفل جواله عشان ماحد يقدر يوصل له وكان بمكانه المعتاد فوق جبل بعيد عن البشريه مافي غيره لحاله كان يكتفي بنفسه هناك بمرور هاذي العامين يجلس من ساعات مع نفسه ولا يطلع بنتيجه
خالد الي كلمه يزن عن رواف ولكن فكره يتخيل لانه مايدخل العقل سحر وماسحر ماهتم لانه مايصدق ذا الكلام طلع مسرع بعد مكالمة احد زملائه وانهم قدرو يمسكون ابو اليوم بالجرم المشهود
طلع فرحان والدنيا مو سايعته هاذي أطول قضيه استلمها عامين ولا قدرو يثبتوا عليه شي إذا هاذي فرحته أجل وشلون فرحت رواف فتح جواله يتصل فيه ولكن كان مقفل رن مره ومرتين وثلاث ولا رد
رن على العيال وقالو له انه بعد الي صار طلع ولا رجع قفل وهو يردد قرب فرجك يا رواف قرب
اتجه للقسم عند العيال الي سبقوه هناك
يزن بفرحه:اخيرااا بس متى يتم القبض عليه
خالد :اليوم اكيد بس اول خل رواف يجي ويصير خير مارح نضيع الفرصه وحنا من سنتين ننتظرها
طلع جواله حتى يتصل عليه ورد هاذي المره نطق خالد ينتظر فرحة رواف :رواف ابشرك
رواف كان لاهي عن السالفه ولا توقعها نطق مفكر بأخته:ارياف
خالد:لالا ابشرك لقينا دليل ضد عمك أخيرا
رواف ببرود الارض نطق وكأن السالفه ماتهمه :طيب؟
خالد عقد حواجبه ونطق :رواف شفيك؟
رواف :ولا شي
خالد:تتكلم وكأن السالفه ماتهمك
رواف:خالد والي خلقك خلني بحالي حاليا
فصل الخط عند ذهوللل خالد وهو يلف للعيال الي يسألونه وش قال نطق بعدم فهم :تكلم وكأن السالفه ماتهمه قال اخليه بحاله
يزن :مو قلت لكم ان الولد فيه بلا
خالد:يزن قسم مو وقته بلا وش الله يهداك
ناظرو العيال الي مقتنعين مع يزن لأنهم عايشين مع رواف ويلاحظونه مايصلي كل الفروض ومبتعد أشد البعد عن القرآن واذا مانشب له يزن ما كان بيقرأ اذكاره ولا يصلي وحالته كل ماسمع القرآن كيف يصير وصداعه المستمر من عامين
نطق واحد منهم :خالد ترا حتى انا ماكنت بصدق بس انا شفته بعيني
خالد:يصير فيه خير خلونا اول نخلص من القضيه
