٠
٠
٠
كانت مرتخيه على الجدار وهي باقي على سجادتها ودموعها ينزلو بهدوء وخلود منسدح بجنبها وكانت هاذي اول مره يكون فيها خلود بهاذا الهدوء كانت
تدعي وتدعي من كل قلبها ان كل الي صار والخبر الي وصلها يكون كله خلبطه بكت لمن بدت تستوعب فكرة انها بعمرها مارح تشوف زوجها وحبيبها مره ثانيه وشلون بتكمل حياتها بدونه بعد التعلق فيه
وشلون بتربي عيالهم لحالها وبالاصح وشلون تقدر على فراقه كان لها الحضن الحنون كان لها الدفى الي
فقدته من ابوها ب طفولتها بسبب تقاليدهم واطباعهم الصعبه ما شافت الحنان الي كانت تنتظره من ابوها الا معه الا مع سعود الي تمكن من قلبها وعلقها فيه وعوضها ثم رحل ماقدرت تكتم شهقاتها المتتاليه والغصه خانقتها كيف بيوم وليله
تنقلب حياتك بدون سابق إنذار انقلبت حياتها ماتدري ليه للحين ماهي مستوعبه الفكرة ولا هي مستوعبه فقده وعندها يقينننن انهه عايش وين ماتدري كيف ماتدري بس يقينها يقولها كذا
دخلت ارياف بصحن فيه اكل وهي تنزله عند ترف وتجلس وتنطق:كلي لتس لقمه ما اكلتي من امس
ترف بهمس يادوب ينسمع:متى بنروح؟
ارياف :بعد ساعتين
ماعطتها ترف اجابه وهي ترجع ترخي راسها على الجدار ولا كأن احد عندها
حبست ارياف دموعها وهي تشوف دموع ترف الي ينزلو بدون صوت ماتعرف ايش تسوي معاهم ما اكلو
لا ترف ولا خالد وكأنهم لمن يحرمون أنفسهم من الاكل بيرجع سعود بيرجع فقيدهم
تنهدت وهي تسحب خالد ابن ترف وتأكله هو اكلته
وبعدها وقفت وهي تجهز اعراض ترف وتلم أغراض خلود وبعد وقت إنتهت وطلعت حتى تشوف خالد
دورته بالبيت ماحصلته طلعت من البيت وهي تناظر الحوش وتتلفت حتى وقعت عينها عليه جالس بطرف الحوش متلطم بشماغه وعيونه حمر من كثر ما بكى بصمت تقدمت وهي تحضنه وتنطق:يا خالد ياحبيبي كذا مايصلح تسوي بنفسك كذا لازم تقوى اذا مو لأجلك لأجل اختك الي من امس حابسه نفسها بغرفتها ولا تاكل وتشرب مابين تصلي
تنهد خالد وهو يمسك على راسه وينطق:اريافف وشلونننن تبيني اسوي بمثل هاذي المواقف وهذا سعودددد اخويييي اخويييي ماقدرت استوعب خبر وفاته وكأني بحلم تدريين قضيتتت امس الليل اناظر جوالي متى ينور بأسمه وتكون ضحكة سعود المعتاده وينطق يا عضيدي
بكت ارياف بحزن على حالتهم وهي تحط نفسها بمكانهم ماتقدر تتخيل ذا الشي لو يصير لخالد شي ماتقدر تكمل حياتها بدونه ابددد
ف الديره الي وصلهم الخبر وكانو بستعداد
حتى يروحون لأهل سعود موته جرحهم كان
واحد مع عيالهم واخوهم ركبوا السيارات
وكان رايف بياخد امه وزوجته لبيت ارياف ويجلس معاهم مايقدرون يروحون كلهم ارياف دخلت شهرها
وممنوع عليها السفر رواف وابوه ورايد كانو متجهين للمطار مع ابو راشد وأم راشد وراشد الي ترك زوجته عند اهلها
خالد اخذ بيد ولد اخته وهو يطلع لسياره وترف ورايه ركبت بروح ميته رفضت الا تروح معاهم
تبي تتأكد انه مو زوحها واذا كان هو تبي تودعه
ركبت بجانب اخوها وهي ترخي راسها على الدريشه
ونفسها تغمض عيونها وتنام بس النوم مجافيها
خالد وقف عند بقاله وهو ينزل ويشتري فطاير وعصير ورجع وهو يفتح الفطيره لترف ويمدها لها
ترف برفض نطقت :مابي
خالد بحنيه مسك يدها وهو ينطق بغصه بس يقوي نفسه من أجل اخته نطق : ياعيون اخوتس انتي تدرين ان مايصلح انتس ما تاكلين اهلكتي نفستس
ولا تنسين انتس حامل وحرام الي تسوينه سعود راح لربه وماتدرين ان هناك احسن له من هنا انتي جالسه تعذبين طفلتس معتس إذا مو عشانتس عشان الي ببطنتس لا تصيرين انانيه
ترف بكت وهي تنطق:خالد ماقدر ماقدر للحين عندي امللل انه عايشششش
خالد بعصبيه اشوي مايبي اخته تتعلق بأمل وتنصدم بعدين يبيها تستوعب من الحين نطق:ترففف الموت حق وسعود اجله خلص وش تبين يرجع استوعبي يا بنتي استوعبي
ترف ماقدرت تنطق وهي تبكي ياخوفها لمن يكون كلام اخوها صدق
خالد يحس انه زودها سحبها لحضنه وهي يمسح على راسها بحنيه ويهديها
ترف هدت اشوي وهي تناظر خلود الي نام غطته وهي ترجع تعدل جلستها وتاخذ الفطيره من يد خالد وهي تنطق:حتى انت ماكلت شي يلا كل
خالد برفض:ماني مشتهي كلي انتي
بدت تاكل وهي تحس القمه توقف بحلقها مانبلعت معاها نزلتها وهي تسب علبة الماء وتشرب
