البارت ١٠
اللهم اجعلني والقارئ ممن قلت فيهم:وسيق الذين اتقوا ربهم إلى الجنة زمرا
__________________________________________
ومن الصباح عند ارياف الي صحت صلت الفجر وقرأت اذكارها ووردها من القرآن وطلعت تصبح
وتساعد امها خلصت وراحت مع اخوانها المزرعه ورجعت لـ غرفتها طلعت جوالها
وفتحته وشافت رسالته الي باقي مافتحتها ابتسمت
ودخلت على محادثته وردت عليه بـ (وعليكم السلام
الحمد لله بخير وانت اخبارك) وبعدها طلعت بسرعه
حست بتوتر وشلون بتسولف معه بالواقع اذا هي توترت ومن رساله شافته رد بنفس الدقيقه ضحكت
وقالت بنفسها مسرع يالخفيف بس ياحليله من خفيف بس هاذي المره دخلتها بعد دقيقتان
وشافت رده عليها بـ( جعلتس دوم بخير ؛ بخير ولله الحمد)
جلست اشوي بالمحادثة ماتدري وش تقول بس وصلتها رساله ثانيه منه وكان محتواها (مبروك لنا) والمفروض اقوله امس بس مدري وش جاني
ردت بـ عادي وارسل لها(ايه كيف يومتس اليوم اكيد غير ومميز لانتس صبحتي علي)
ضحكت من قلبها وردت بإيموجي ضحك وقالت
(هههههه ابشرك صبحت على الكل حتى على حلال ابوي)
ضحك وقال(افااا تصبحين على تيوس ابوتس ونياقه قبل تصبحين علي)
ابتسمت بضحكه وردت(نعوضك بكره إذا تذكرنا)
رد(شاكك انتس نسيتيني من اول يوم)
ردت(تبي الصدق)
ابتسم ورد بسرعه وقال وشهو فكر انها بتقول لا و الله مانسيتك بس كشر على ردها بـ(اني صحيت ناسيتك ماستوعبت الا على طقطقة رواف ورايد)
رد بضحكه(وكدينا خير من اول يوم منسيين)
شافت كلامه وضحكت وهي بدت تسولف معه بدون توتر
_________________
طلعت الحوش تركض علشان تلحق كتابها الي مع وتين وبدون ماتشوف قدامها خبطت بشي صلب وقوي حست بألم من الخبطه وكنه جدار رفعت راسها وشافته رجال شهقت وركضت ترجع للبيت برجفهه وخوفف ماتدري كيف جتها سرعت الاستوعاب وهربت اما هو للحين منصدم كلها ثواني ولكن اشعلت قلبه صدمتها فيه شعرها ركضها سرعت
استوعابها صوتها شهقتها صحى على صوت وتين
الي تناديه عمو سعود
نزل لمستواها وقال:هلا
وتين :ترف وين؟
سعود نسى:منهي ترف؟!
وتين :خالتو ترف
سعود استوعب الحين البنت اخت خالد الصغيره ترف ابتسم لنطق اسمها ولف لوتين :وانا وش يعرفني
وتين:شفتها هنا تركض وراي
سعود شالها وقال:لا ياحلوه ماهي خالتس اصلن ماجت وبعدين لا تقولي لأحد
وتين الي عمرها ٥سنين قالت بطفوله:لا بقول لخالو خالد
سعود توهق معاها :وش تقولين له؟
وتين:كل شي
سعود جلس وجلسها جنبه وجلس يداريها علشان لاتقول لأحد
____________
داخل البيت دخلت وهي تركض واصتدمت بشادن
شادن مسكتها وقالت:وش فيتس ماتشوفين
ترف استوعبت وقالت:ماشفتس
شادن:وش فيتس وش في وجهتس
ترف:مافيني شي خلص
شادن مسكتها معاها ودخلت الغرفه وسكرت الباب
شادن :ياتقولين وش فيتس ولا ياويتس
ترف :بنتس الحماره خذت كتابيي وطلعت للحوش وانا لحقتها ونسيت ان في رجال
شادن بـ صدمه :ياويليي
ترف:وبعدها مدري من فين طلع بوجهي
شادن :الحقيي وتين ترا بتفضحكم
ترف:نسيتها الزفته
شادن:حدتس سب بنتي
ترف ضحكت:اهخخخ وقف على السب لو بيدي لأكلتهاا
شادن:لا الا بنيتي خلص الاكل علشان تاكليها
ترف قامت وقالت:من زينها عاد
