في سيارة رواف الي كان راجع لبيته ومع سمو رفيقة دربه وميس وميسم وايمن الي عيا يجلس وهو ينطنط
رواف :ماشاءالله انتو عائله نشيطه
ضحكت سمو وهي تنطق :لا يغرك ترا مافي نشيط الا ذا
رواف ضحك لمن نطق ايمن :ماما ابي اسوق
سمو :مو الحين يا ماما بعدين
ايمن :لا ابي الحين
رواف ضحك وهو يمد يده لأيمن وينطق :تعال
سمو :رواف شتسوي ترا مخالفات
رواف :فدا خليه
تنهدت سمو وهي تناظر ايمن بحضن رواف ويدينه على التركسون ومبسوططط لف لها ايمن وهو ينطق؛ مامي شوف انا اسوق
ابتسمت سمو وهي تنطق :شاطر مامي انتبه
رواف :ايمن زعلت منك
رفع راسه ايمن يناظرها وقال :انا
رواف :اي انت زعلتني
ايمن :ماما
ضحكت سمو وهي تقول :يقولك ليه زعلان
رواف ابتسم :تقول ماما بس ماتقولي بابا ليه؟
ايمن :انت بابا؟؟
رواف ناظر سمو لمن هزت راسها بموافقه ونطق :اي انا بابا
ضحك ايمن وهو ينطق :بابا انت بابتي
ابتسمت سمو وهي تشوف ايمن يقبل خد رواف وهو مبسوطططط
حست بفرحه بقلبها وهي تشوف معاملة رواف لأيمن وكأنه صدق ولده يحبه ويحن عليه يدلعه وكأنه ابوه صدقق شدت يده بحب لمن نطقت ميسم وهي تتحنحن:احم ترا عندكم ناس ورا
ضحكوا ووقف رواف عند البقاله وهو ينطق :تنزلون
سمو :اكيد
ترف :سعود خلصت
سعود وقف وهو ينطق :خلود وين؟
ترف :ابوي نزله معه عند الشياب
ضحك سعود وهو ينطق :عز الله انه غلط أكبر غلط بحياته
ترف ضحكت :اي خله اشوي ويرجعه
سعود :أجل يلا
تقدمت له ترف وهي تمسك يده وتطلع معه يتمشون لمن لمحتهم ام آسر وهي تتقدم لمن همست ترف:ياليل النشبه الحين
ابتسم بضحك لمن سلمت عليهم وهي تنطق :شلونتس يا ترف وشلونه رجلتس
ترف :الحمد لله انتي شلونتس
ام اسر :الحمد لله الا وينه ولدتس؟
ترف :مع ابوي بالديورانيه
ام أسر :انزين وين رايحين
شتت انظاره سعود وهو يسمعها لمن نطقت ترف :البقاله تحتاجين شي توصين شي؟
ام أسر :اي ابي ملح بس ابي كيس كبير جيبوه معاكم وانا عند امتس
طارت عيون ترف الي كانت تجامل ومفكرتها بتقول تسلمي مابي شي والحين وشلون تسوي
طلعت الفلوس ام أسر وهي تحطها بيد ترف وبعدها كملت طريقها لمن لف سعود على ترف وهو ينفجر ضحك وينطق :يلا يلا روحي اشتري الملح واحمله انا مالي علاقه
ترف وهي تضربه بخفه نطقت :ياشينك بس وبعدين مو هي شايفتنا بدون سياره كيف تقول جيبوا
سعود ضحك :عاد انتي سألتي
ترف نطقت وهي تتقدم تمشي :عادي على طريقنا لمن نرجع نجيب لها
سعود :اي صح ترا بنرجع الليله لبيتنا
ترف :كويس كل شي جاهز والحين تعال افر فيك الديره واعرفك على طفولتي
وبعد وقت كانوا جالسين مع ام راشد بالحوش لمن دخل ابو راشد وهو ينطق :يلا روح لأمك
ركض خالد وهو يجلس قبال جدته لمن نطق سعود :شكله متعبك
ابو راشد وهو يجلس نطق :بسم الله عليه مايتعب وتعبني معه مايهجد ماغير يلف على الكل ويسلم
ترف ضحكت ونطقت :اي كفو هذا وليدي
ام راشد :بسم الله عليه ذا في طاقه مو مثل ولد راشد وبنات شادن ذا لو تلف فيه الديره عادي
سعود ابتسم ونطق :والله احس طالع لامه
ترف :لا ويننن انا كنت هاديه
ابو راشد :اي هاديه تسلق الشجر الي يشوفها يقول قرد
ضحك سعود وهو يناظرها لمن نطقت ام راشد :اي هاذي أكثر وحده تعبتني
سعود وهو يناظرها بابتسامه :أجل عرفنا لمين طالع
خزته ترف وهي تنطق :لا مو كذا تفشلوني وتكبون العشا يمه
