..
صحي وهو يمسك راسه من كثر الألم يحس راسه ينبض رجعت له ذكريات الحادث وتذكر سمو سحب الأسلاك الي كانت بيده وهو يرميها بالأرض متجاهل نداء الممرضة عليه ويده الي تنزف يحاول يتناسى ألام كسوره طلع للممر وهو يدور بعيونه على احد
ولكن الممر فاضي مافي غير الممرضه الي لحقته
نادأ بصوته الي يادوب ينسمع: سموووو
الممرضه :لو سمحت ياخوي ماهو زين كذا يدك تنزف
رواف يحس الدنيا تدور فيه يحس بأي لحظه بيسقط على الأرض غصب يفتح عيونه :وين زوجتي وين سمو
الممرضه أدركت ان مافي فايده منه وقالت:بغرفة العنايه
طاح على الأرض والدنيا تدور فيه اغمى عليه من كثر النزيف الي تعرض له نادت الممرضه ممرضين جو رجعوه لسرير ووقفوا النزيف وما مرت دقايق الا وهو صاحي ويسأل كيفها و وينها ساعده الممرض حتى وصله لغرفة سمو الدكاتره داخلين طالعين مع الممرضين ولا واحد رد على سؤاله جلس على رجوله وهو يحس دموعه متعلقه بعيونه بسببه احتمال يخسر سمو لأمر تافهه لو تفقد السيارة قبل خروجهم فيها ماكان صار الي صار رفع راسه لدكتور الي طلع وهو يوقف قدامه وقف وهو يغمض بألم
الدكتور ياسر :لوسمحت انت زوج المريضه
رواف :ايه ايه وينها؟
الدكتور :حالتها جداً خطيره نحتاج دم بأسرع وقت ولا احتمال نخسر المريضه زمرت دمها جداً نادر ولا حصلنا من زمرت دمها بالمستشفى ولا برا
رواف بينجن:كيف كيف؟
الدكتور:شوف أهلها إذا أحد زمرت دمه مثل زمرت دمها فلوسمحت استعجل
رواف :طيب طيب
جلس وهو ياخذ جوال الممرض ويحاول يتذكر مين زمرت دمه زيها ولا احد من اهله الا عمه محمد الي كانت زمرت دمه مثل زمرت دم سمو وقف وهو يتصل على رايف يجيه مافي غيره بس مايرد عليه ابد اتصل بخالد ورد عليه واعطاه اسم المستشفى
ومامرت دقايق الا وخالد عنده
دخل يركض حتى شاف رواف والحاله الي هو فيها وهو ينطق:رواف وش صار عليك؟ وش فيك؟
رواف :تعال تكفى ودني لعمي خالد بسرعه
خالد سكت وهو يسانده:طيب طيب تعال
طلع مع خالد وهو يدله بيت عمه وصل وقبل يوقف خالد السيارة نزل رواف وهو يعرج دق باب البيت بقوة حتى طلع عمه الي فتح الباب وانصدم من شكل رواف وسكت رواف :عمي رجيتك خلي مشاكلنا لبعدين الحين تكفىى تعال معي
ابو الريم تذكر اخوه ونطق:اخوي؟ وش فيه؟
رواف :ابوي ابوي بخير عمي سمو بحالة خطيرةً جداً واحتمال نخسرها عمي تكفىى سمو تحتاج لدم تكفى ياعمي انت الوحيد الي تقدر تنقذها تكفى ياعمي تكفىىى تبرع بالدم تكفىىى
ابو الريم ببرود الدنيا :ضيعت وقتي
لف حتى يرجع لبيته بس وقفه تمسك رواف برجوله
رواف:تكفىىى ياعمي تكفىىى وابشر بكل الي تبيه ابشر اطلب مني الي تبي بس تبرع بالدم لاتردني ياعمي لا تردني
ابو الريم :بفكر
رواف :عمي مو وقت التفكير اقولك حالتها صعبه جدا
ابو الريم :عندي شرط واحد حتى اتبرع بالدم
رواف بفرحة :تم تم ابشر بس تعال معنا
تحرك معه ابو الريم ورواف مابين الخوف من فقدها وفرحته ان عمه وافق نطق وهو يحث خالد على السرعه :تكفى خالد عجل
خالد:قربنا قربنا
