مغمضه عيونها وهي تشد على يده خوف من الإبرة
ابتسم لمن حس بأظافرها انفرسوا بيده بعدت الممرضة بعد ما خلصت وهي بدت تفتح عيونها
رواف بضحك:افاااا تخافين من ابرة... وضحك بقوة وهو يقول:اتخيل عمي لو شاف خوفتس من الإبرة
سمو بزعل:ترا توجع لا تضحك وبعدين وشوله الابرة
رواف :خلص مابضحك والابرة عشان يخف الألم
سمو وهي تتفحص يدها:الله يسامحه مدري وشلون له كل ذا القوة من مسكته يكسر يدي
رواف مسك يدها يقلبها:شوفي يدك الي ينقال عنها يد وشلون صغيره ونحيفه اكيد بتنكسر
سمو:مو لذا الدرجه
كان ينتظره بقهر منه ليه من البدايه خطب الريم وهو يبي سمو لو من الاول رفض رفض تام ماقدر احد يجبره ولا صار الي صار وقف اول مانفتح الباب ودخل وابتسامته مرسومه على وجهه.... تفاجأ بنتظار أبوه بس صدمه لمن صرخ عليها وكانت اول مره يصرخ عليه ابوه بهاذي الطريقه :لـــيش كل ذا تفكر حياة الناس بيدك متى ماتبي تخطب ومتى ماتبي تملك على الثانيه
ما رد على ابوه وهو عارف انه غلطان
ام رايف ورايف وميهاف ورايد كانو يناظرون بهدوء تام حتى اشتد صراخ ابو رايف وتدخل رايف
رايف:هدي يبه لا يرتفع ضغطك الحين
ابو رايف :ابد ابد خلني اعرف ليه سوا كذا
رايف:بيقول بيقول بس انت هدي نفسك يبه
جلس ابو رايف وميهاف جابت له كاسة ماء وبعد ماشرب وهدأ نفسه قام وهو ينطق: الحقني
دخل المجلس ورواف تنهد وهو يلحقه جلس بخوف على ابوه
ابو رايف :انطق
تنهد وبدأ يسرد له السالفه كلها ولأن سمو قالتها له ورغم انها قالت لا يقول لأحد ولكن من خوفه على ابوه قالها له
غمض عيونه بقهر من اخوه كذا يجازيه مايدري ليه اخوه حاقد عليه كذا بس الحين عرف السالفه ومارح يسمح له يتلاعب بحياة عياله لو على حساب حياته
رواف:يبه والله ماكنت اعرف ان السالفه كذا
ابو رايف بضيق:خلاص الي مايبينا مانبيه وعمك غلطان.. سمو ليه اتكلمت من اول
رواف:مدري عنها
ابو رايف:خلاص الحين نام والصباح انا اشوفها بنفسي
كان واقف على السلم قدام شباكها ومدكي عليه
ويسولف نطق بعد تأمل:ارفقي فيني ليه كل ذا الجمال!
توردت خدودها بخجل وهي تضربه بخفه:كم مره قلت لا تخجلني
تمسك فيها وهو يقول:انتبهي لا اطيح الحين وبكرة ينتشر الخبر بأن ولد ماهر تكسر وهو يتعلق بشبابيك بنت نايف
ضحكت من قلب من تعليقه وقالت :بس تستاهل بنت نايف
رواف ابتسم :اي والله تستاهل
سمو :كيفه خالي؟؟ زعلان مني مني؟
رواف :ابد مو زعلان
سمو:وخالتي؟
رواف ضحك :ماحد زعلان منتس يابنت الحلال
سمو :تصدق لو ما كلام خالتي بعرس ارياف ماكنت قدرت اسوي الي سويته
رواف عقد حواجبه ونطق:وش قالت؟؟
سمو استوعبت انها بتقول له سالفة ارياف وسكتت
رواف :ليه سكتي كملي
سمو شدت الجاكيت وهي تنطق :برد مرهه
رواف :لا
سمو :ميته نومم
رواف :بدريي على النوم
سمو :ياحبيبي ايمن من صباح ربي يصحى وينشب لي وكأنه ديك
رواف ضحك ونطق:أجل نامي قبل يصحى الديك
