صحيت وهي تناظر رواف يصلي رفعت يدها تشوف الساعه وكانت ٧فزت وهي تتذكر انها ماصلت الفجر ركضت وهي تدخل الحمام وسرعان ماطلعت وهي تطلع جلال صلاتها وتصلي خلصت وهي تجلس وتردد اذكار الصباح وبعد وقت وقفت وهي تناظر بالغرفه ماله حس رواف تقدمت للمرايه وهي تضبط شكلها وبعدها طلعت لصاله وكان هناك ومجهز الفطور ومرتبه بطريقه حلوه ابتسمت وهي تنطق:انت رتبته
رواف رفع نظره لها وهو ينطق :اي شرايتس
سمو تقدمت وهي تنطق :يهبلللل
رواف بغرور نطق :اي اعجبتس انا
سمو ضحكت وهي تنطق :طلعت ذويق وتعرف
رواف :أجل وش كنتي متوقعه
سمو ضحكت وهي تنطق :بدوي ذات طابع عصبي لايعرف لتفاهم ولا الرومنسيه ولا الترتيب والذوق
رواف ابتسم وهو ينطق :اسألتس بالله هذا تفكيرتس
سمو ابتسمت :الصراحه قبل لا اعرفك كنت افكر كذا بس من بعد ماعرفتك تغيرت نظرتي ١٨٠ درجه
رواف ابتسم وهو ينطق :أجل بعد ماتغيرت نظرتس كيف تشوفينا
سمو بحب نطقت :حنون متفاهم طيب حبيب رومنسي عوضي وجبري وثالث والديني
اتسع مبسم رواف وهو يقرب منها ويحضنها من الطرف وهو يبوس راسها وينطق :اقبلتي لحياتي مثل النور اضئتي حياتي المعتمه يا سمو قلبي
سمو ابتمست بهدوء لمن نطق رواف :اي أجل تعالي نفطر
سمو جلست وهي ميته جوع سمت وهي تاكل وتنطق :رواف عندي فكرة شرايك
رواف :وشهي؟
سمو :الفطور يكون عليك والغدا علي والعشا كلنا نسويه مع بعض
رواف فطس ضحك:اي وش بعد
سمو بزعل :ليه الضحك
رواف كتم ضحكته وهو ينطق :خلص كملي
سمو بحماس نطقت:واذا جبنا بيبي انت يوم وانا يوم نهتم فيه كلن ودوره
رواف :اي ناقص المره الجايه احمل بدالك
سمو ابتسمت وهي تنطق :من جد فكره حلوهه
ضرب راسه وهو ينطق:الحين تستغبين ولا؟
سمو عقدت حواجبها وهي تنطق :لا ليه؟
رواف :كملي كملي اكلتس وبس
سمو سكتت وهي تاكل وفجأه رفعت عيونها له وهي تفطس ضحك توها تستوعب ونطقت:ماقصدي كذا
صحيت على ضربات ولدها بوجهها فتحت بكسل وهي تناظره وتنطق:تكفىى يا ماما خلني انام لي شوي زياده
غمضت عيونها ورجع يكرر حركاته فتحت عيونها بنعاس وهي تجلس وتحمل ولدها وتطلع لصاله نزلته وهي تنسدح على الكنبه وتغمض عيونها لمن جا وهو يبوسها بخدها فتحت بابتسامه وهي ترفعه لحضنها وتبوسه وتدغدغه وهو يضحك ويحاول ان يفلت من يدها وبعد وقت حملته وهي تتجهه للمطبخ دخلت وهي تدور بالثلاجه بجوع وبعدها طلعت الجبن وهي تسخن الخبز وتجلس تاكل وتأكل ولدها وقفت وهي تشوف خليط الكيك ونطقت وهي توجه كلامها لودها :امممم انت مشتهي كيك وقهوة صح خلودي
خالد هز راسه برفض وهي تنطق :لا تحطمني واروح انسدح سلك لي وبعدها
ضحكت وهي تجلسه فوق الدولاب وتطلع المكونات وتبدأ بالخليط وبعد ماخلصت الخلط وخالد يساعدها وكان موسخ نفسه بالشوكولاته ابتسمت وهي تدخله الفرن وبعدها نزلت ولدها على الأرض وهي تنطق:تعال يا ماما نصحى البابا الي نايم. حنا نسوي لحالنا وهو نايم مايصلح
مسكته وهي تتجهه لغرفتهم واول مافتحت الباب نط خالد على السرير وهو يضرب ويوسخ ابوه الي فتح بابتسامه وهو يبوس ولده لمن نطقت ترف :صح النوم يا حبيبي
سعود وهو يسحب خالد لحضنه نطق:صباحي بشوفتك يا ترفي
ترف :اي تعال كل لك لقمه عبال مايجهز الكيك
سعود جلس وهو ينطق؛ الله مسويه كيك
ترف :اي انا وخلودي سوينا
سعود وقف وهو يشيل خالد معه وترف تمشي معه وهم يسولفون
سعود :جوع
ترف :ايههه خلص انا سويت كيك وانت روح سوي غدا
سعود :ايههه ابشري يا عيون سعود
ترف :ياحبي لك
سعود :ياقلبي انتي
ضحكت ترف وهي تشم ريحة حرق وهي تركض للمطبخ وسعود ورايها مع خالد فتحت الفرن وهي تطلع صينية الكيك وهي تناظرها بقهر انحرقت الكيكه لمن لفت وهي تنطق :كله منك يا سعود لو انك صاحي من بدري ماكانت انحرقت
سعود طارت عيونه وهو ينطق :وانا شدخلني؟؟؟
ترف :انت الي لهيتني عن كيكتي
سعود قرب وهو يخذ الملقعه ويحرك فيها الكيك ونطق :شدعوه ياعيوني هاذي هي ما انحرقت بالكامل تحطين عليها شكولاته وخلاص تصبح تمام التمام
ترف وهي تميل شفايفها وتدكي نطقت :يالله عادي اصلا نعمه مانقدر نرميها
سعود وهو ياكل منها نطق :والله لذيذهه
ترف اخذت وهي تاكل ونطقت :طعمها اشوي مرُ
سعود :عادي ياشيخه
