بارت ١٣
دخلت ميهاف البيت واستقبلتها ارياف الي اخذت منها همس وهي تبوسها وقالت :وينن سرقتوا حلوتييي
ميهاف ببحه من كثر البكي :هاهي خذيها
ارياف حست من صوت ميهاف ان فيها شي جلست همس وقربت منها:ميهاف وش فيتس علامه صوتس؟!
ميهاف:مافيني شي
ارياف:تكذبين علي
ميهاف:لا ياقلبي بس شكله لاني بكيت اشوي
ارياف:وليهه تبكيننن ليكون رايفوا ضايقتس من ريحة عطره
ميهاف ضحكت :لالا مادخله اخوتس بس رحت بيتنا وشفت صور امي وابوي وذكرياتنا
ارياف:صدق؟
ميهاف رفعت الصوره الي بيدها :شوفي ذي صورتنا انا وامي وابوي
ارياف اخذت الصوره تطالعها وهي متضايقه علشان ميهاف:الله حلوهه شوفي وانتي صغيره زي همس
ميهاف:صدق اشبها
ارياف:ايههه
ميهاف:تعالي جبت ألبوم صوري. وانا صغيره نشوفهم
ارياف بحماس قامت :والله وينهم
ميهاف ابتسمت:بشوف رايف دخل الشنطه
طلعوا لغرفة ميهاف وارياف تحاول انها تنسي ميهاف اشوي وتسليها
_______________________________
وعند سعود وترف الي يتجهزون بيودعوا عمه ابو تيم قبل يسافر
سعود الي يتجهز وترف تساعده واخيرا خلص وبدت ترف تجهز نفسها
سعود:خلي شعرك انا بسويهه
ترف:تعرف
سعود :اكيددد وش تظنين
ترف :تم جهز نفسك
سعود اخذ جواله يرد على أصحابه على بال ماتخلص
ترف لبست حلقها وهي خلصت بس باقي شعرها لفت لسعود :جاهز
سعود طفى جواله ورفع راسه :اكيد
ترف ابتسمت:بس اخلص علينا
قام سعود وجلسها على كرسي التسريحه وهو يفكر وش يسوي من تسريحه
سعود ابتسم بورطه :اصبري اشوي
وراح فتح جواله ودخل اليوتيوب يشوف التسريحات وشاف وحده عجبتك وحط الجوال فوق التسريحه وبدأ يسوي الخطوات بس ماضبط معه ورجع يمشط شعرها ويجرب ونفس الشي وترف ميته ضحك واخر شي اخذ جواله ورماه فوق السرير ورجع هو يسوي وكان يذكر أسهل تسريحه والي ماينقال عنها تسريحه وسوا لها تسريحة القرنين وابتسم بنجاز ترف ماتشوف وش سوا بشعرها لأنها معطية المرايه ظهرها
سعود حك شعره وضحك بورطه :لفي شوفي انجازي
ترف لفت ومن الصدمه ماقدرت تنطق شي
سعود :عجبك صحح
ترف:هاه
سعود:عجبك
ترف فطست تضحك من شكلها فستانها والميكب يدل على أنها عروس بس شعرها وكأنها ابتدائي
ترف:خبل انت وش ذا
سعود:حلوه
ترف:واوووو مرههه خايسهه
سعود :اقولك ماعرف اسوي كنت اكذب
ترف بضحك:وليه كذبت يابوي؟
دق جوال سعود وكانت حنين فتح الكام ومن بين السوالف سألته وين ترف وسعود نسي تسريحته ولف الكام قدام ترف الي تحاول تفتح شعرها بس انتبهوا على ضحك حنين وترف لفت له وشافت الكام قدها وأخذت علبة المرطب من فوق التسريحه ورمته عليه
وسعود ماحس الا بالمرطب ببطنه
حنين :اش ذا
سعود :يلايلا اشوي ونجيكم اذلفي الحينه
وسكر ولف لترف:وجعتيني
ترف:احسن
سعود بضحك:خلص اجلسي وانا افتحه لك
ترف:لا والله توبههه
سعود ضحك:ليههه؟
ترف:ويسأل بعد، خلص الحين خلصت وشعري كذا مفرود حلو صح
سعود لف بأعجاب:يهبلللل
ترف :ادريي؛ بالله عطني عبايتي معك
سعود اخذ العبايه من جنبه وقام لعندها واخذ العطر وبدا يتعطر وترف لبست النقاب وطلعوا أخيرا
