بارت ١٤
_________________________________....
ارياف حضنتها :وحشتيني يا زفتهه
الريم بادلتها الحضن :انتي الي وحشتيني ساحبه علينا حتى بالجوال ولا خلاص بتعرسين
ارياف ابتسمت:اكيددد وش ابي بالعزابيه ولا انتي خلص بتتأهلي معي
الريم بعدت عنها :لا مابييييي تكفينننن وجع راس
ارياف :مو على كيفتس يا شيخه
الريم :اصص لا تضيقي صدري الحين
ارياف: ابشري والحين تعالي ندخل امي وميهاف يستنوكم عند الباب
الريم دفتها :اذلفي بشوف همسي اشتقت لها
الجازي :وانا ماتبين تسلمين علي
ارياف ضحكت وهي تحضنها :انتي الي ماجيتي تسلمين المفروض انا جالسه وانتو تسلموا علي بما اني عروس
الجازي :امحق عروس.. وشلون زوجتس خالي يالبزره
ارياف ميلت شفايفها:انتي البزره يا الثانويه
الجازي: حسستيني انتس خلصتي توتس مادخلتي الجامعه وانا اختس
ارياف:خذيتيني سوالف بالحوش تعالي ندخل اكيد الكل ينتظر يسلم عليتس
الجازي :بنات عمتس هنا
ارياف :بيجون تعالي
دخلوا البيت وسلموا ودقايق وميس وميسم عندهم
ميهاف:شلونها سمو
ميس:الحمد لله احسن
ارياف:ليه ماجت؟
ميس:تبي ترتاح وبعدين تجي
الجازي :خساره كنت بشوفها اول ما اوصل
ام رايف :اكيد انها تعبانه ياعمري عليها
دخل ابو رايف يسلم على البنات
الجازي فزت تحضنه وهي مشتاقه له بالحيل
كان حنون عليهم ويحبهم وهم نفس الشي. هو الي
وقف بوجه اخوه علشان يكملوا دراستهم فكانوا البنات متعلقات فيه بالحيل
وبعدها الريم سلمت بهدوء
ابو رايف :شلونكم يا بنات
الريم والجازي:الحمد لله بخير.. وبعد السؤال عن الحال والرسميات دخلوا البنات بالجو بس ناقصهم سمو
رواف طلع بطفش من الشيبان
وقف قريب من الباب وهو يسمع أصوات البنات
بس مايسمح صوت سمو ضاق صدره وشكلها معنده على قرارها بس مايكون رواف إذا ما خلاها تعترف مو بس قدامه الا قدام الكل ابتسم بضيق ووقف عند الباب وهو بعالم أفكاره صحي على ضربت رايد على كتفه رواف ضربه برأسه بخفه:وجع يا حمار
رايد :وش يوجعك وش فيك مندس هنا؟
رواف:واقف صرت مندس
رايد:تعال نطلع
رواف :وين؟
رايد :اي مكان المهم اني افتك من ذا الشيبان
رواف:صدق؟ وابوي مين يساعده يا شيخ
رايد:رايف عنده
رواف:طيب كلم رايف إذا يبي مساعده ولا
رايد:ابشر بس استناني
رواف :زينن زينن
____________________________
قبل عرس خالد وارياف بـ يوم
انسدحت بتعب :والله تعبت يا يمه مافيني حيل ارجع اطلع
ام رايف :أجل تبين تعرسين واغراضتس للحين ما كملناها
ارياف :من صباح ربي وانا في الشمس وبكره العرس مايصلح خذي معك الريم ولا ميهاف اي وحده بس فكيني
ام رايف :مين العروس يا بنت الحلال المفروض انتي الي تجهزين
ارياف :اعتبريني يمه الي خذيتهم
ام رايف :عجوز انتي انا معاتس من الصباح بس ماحس بالتعب الي ازعجتيني فيه جيل اخر زمن مايقدروا يعملوا شي
الريم دخلت وهي تضحك :وش فيكم؟
ام رايف :شوفي بنت عمتس البزره الي المفروض الحين تجهز اخر تجهيزاتها ولا هي منسدحه عندي هنا وكأنها حامل بالتاسع الله يعين خالد عليتس
الريم ماقدرت تكتم ضحكتها من ملامح
ارياف الي قالت :يمه حرام عليتس انا حليله وسنعه بدال ماتقولين ياحظه ذالخالد ببنتي تقولين الله يعينه
الريم جلست بجنب ارياف وهي تشد خدودها :لالا صادقه يا حظه في اريافي
ارياف ببتسامه :ايوه هذا الكلام الحلو
ام رايف بمزح :يا حليلها الريم تعرف تسلك
ارياف :يمههه
