بارت ١٢
وبعد مرور شهرين والكل كمل حياته وعلاقة رواف بـ سمو تكبر ويكبر الحب وكل يوم وسمو يكبر تعلقها وحبها لـ رواف
وترف وسعود الي يجهزون لعرسهم الي بعد يومين
وارياف وخالد نفس الشي بس الفرق ان عرس سعود وترف بعد يومين عكس عرس ارياف وخالد الي بعد
اسبوع
_______________
صباح ومثل العاده رواف وسمو وايمن بالحوش
رواف:بقولتس شي
سمو رفعت راسها له بنتباه:وشهو!؟
رواف الي يبي يعترف لها بحبه لها وهو ناوي
يخطبها بعد مايقولها:مابيتس تفهميني غلط
انا جيت علشان اقولتس شي ماقدرت اقوله من شهور
سمو توترت من الي بيقوله وقالت :لا تخوفني قول وش عندك
رواف ابتسم بتوتر وقال :اتا أحبتس يا سمو وشاريتس وانا ابي اطلبتس من ابوي ولكن ابي اول اشوف رايتس
رجفت يدين سمو مع دقات قلبها الي صار يدق بعنف وللحين بصدمتها معقول ان رواف يبادلها
نفس الشعور ولكن سرعان ما اختفت من عنده
اخذت ايمن ودخلت
جلست ومسكت قلبها بيدها حتى هدئ دقاته ورجعت تعيد كلام رواف وتعيد حتى استوعبته وهي تقول بنفسها:معقول موب خيال!؟ وهو صادق!! معقول ما اتخيللل؟؟
ابتسمت وهي استوعبت كل شي مر بهم ولكن ماتقدر تصارحه بمشاعرها
وعند رواف الي خاف انها ماتبيه
وضاق صدره هالحين معاد هي جالسه معه ولا مسولفه معه قام وهو يحس بشعور حلو لانه
صرح عن مشاعره ويحس بضيق لأنه خايف
يخسرها بالمره
___________________
ومرت يومين واليوم زواج ترف&سعود
وكل عائلة ابو راشد وابو تيم مستنفرين له
وكان العرس بالقاعه
___________________
عند سعود كان عند الحلاق مع مع تيم وخالد ورواف ورايف ورايد
خالد:شباب مين معه شاحن
تيم؛ انا عندي
خالد:بالله عطني
أعطاه تيم الشاحن وشحن جواله خالد وشبكه بلوتوث بالسماعة وشغل لهم اغنيه وانقلب الحلاق
لساحة رقص وهبال والحلاقين بعضهم يشارك العيال وبعضهم متحملين هبالهم غصب
سحب تيم سعود معاهم وسعود يضحك لهبالهم وفرحتهم له
____________________
بالصالون عند ترف الي بدأ التوتر والخوف
يسيطر عليها
ليلى:خلص يا بنت خليهم يخلصون شغلهم
ترف:خايفه
ليلى مسكت يدها:وشوله الخوف مافي شي يخوف
ترف ماردت وهي تفكر وشلون بتمر الليله
خلصو وكانو ينتظرون راشد يجيلهم لأنه راح للعيال وترف كانت رافضه تاكل بس غصبتها ليلى تاكل
ليلى :هبله انتي لازم تاكلين
ترف:تكفينننن احس لو اكل من التوتر برجع
ليلى :نصيحه انتس تاكلين لاني داريه ماراح تقدري تتعشي
ترف سحبت الساندويتش وأكلت اشوي
_________________
المغرب وبدأ الحضور يكتمل بوصول ابو راشد واخوانه وعيالهم وبدأ الترحيب فيهم عند الرجال
وعند الحريم نفس الشي
